[重甜]人母調教手冊: 第一回 好兄弟

第一回 好兄弟

[沿著你設計那些曲線,
原地轉又轉墮進風眼樂園,
世上萬物向心公轉,
陪我 為你沉澱.]

大熱天時三十幾度唔係人人頂得順.
喺公園嘅一個角落到,
有一個身形瘦削嘅男仔若無其事咁坐咗係到.


佢仲好輕鬆攞住部手機上淘寶買野,
戴住headphone聽住黃耀明嘅舊歌,
一邊um住一邊係到哼歌.

DSE放榜從來都係有人快樂有人愁,
好明顯佢唔當成績係乜野一回事,
佢攞住張成績表當扇咁撥,
而呢一位就係我地嘅其中一位男主角亞海.

亞海對成績同前途一D都唔緊張.,


係所有人眼中佢係一個性格比較遲鈍,
發生乜野事都係一臉處之泰然,
既來之則安之咁樣嘅人.

正當亞海陶醉係音樂之中,
忽然背脊比人好大力拍咗一野,
赫到佢手機都幾乎跌埋落地.
[亞海,考成點呀?]

呢位身形高大望落完全唔似17歲嘅男仔,


係亞海嘅同學兼好朋友偉城.
亞海話:[仲洗問嘅,你估我係你咩.]

[好差咩?攞呢睇過.]
偉城一手攞咗張成績表一睇,
個心諗:[唔係呀化,平日都有同我一齊溫書架,又會差成咁?]

過咗一陣佢同亞海講:[唔....讀IVE囉.]

亞海對佢個建議好似無乜反應,
只係講:[唔讀啦,讀完咪又係無乜用,早D出呢做野搵錢好過.]

[咁做乜?]

[唔知.....]


果然同好多後生一輩一樣無乜人生目標.
偉城拍一拍佢膀頭講:[唔洗咁愁喎,希望在人間.]

亞海依舊好淡定咁講:[我個樣似好愁咩?]

偉城望一望佢:[唔似....]

亞海企起身話:[咁咪係囉,走啦我地反屋企.]
於是兩條友一個好開心,
一個成積唔好但係又無唔開心咁樣返去.

行行下偉城問:[咁你打算點同你亞媽交代?]

[唔知架,咪照直講囉.]



[你估佢會有乜反應丫啦.]

[可以點,最多咪鬧兩句無野嘅.]

[咁又係,你都咁大個唔通仲打咩.]

[咪係,唔理得咁多一於玩埋呢個最後暑假先算.]

[啱,今個暑假好多Game出呀,可以打通霄.]

兩個人性格喜好身形都好唔同嘅人,
唯一共同興趣係打機.

後生仔一講打機就乜煩惱都唔記得晒,
兩條友邊講game邊行返屋企.