第三十八回 女人心

尖沙咀五星酒店林立,
只要你比得起真係要幾豪有幾豪.

當中一間可以望住180度無敵維港海景嘅酒店,
閒日嘅下午茶時間係高層嘅餐廳入面,
坐咗四個男人係到.

幾個人攞住酒杯邊飲酒邊傾計,


其中一位男士,
著住一套整齊淺藍色西裝,
一頭灰髮嘅同小鬍鬚,
雖然年紀唔細但幾有男人味.

佢攞起酒杯飲咗淡酒然後搖一搖D紅酒,
望住通透嘅紅酒,若有所思咁講.
[女人,就好似飲紅酒一樣,要慢慢品嚐,
千萬唔好心急,如果急,不如唔好飲.]



另一位好陽光,好科好高大嘅短髮男人搖一搖頭,
好似唔同意西裝友嘅講法.
[咁要睇下乜女人啦,有D女好似飲啤酒一樣,要一股作氣飲咁先high,
一放耐咗就無氣唔好飲.]

[講酒我就唔識,但係講女人心,我一定叻過你地.]
大家目光即時望住啱啱講呢句野嗰位男人,
呢個人斯斯文文戴住一幅眼鏡有D書卷味.
西裝友問:[點解?你讀心理?]



眼鏡男拓一拓眼鏡搖搖頭.
大隻仔於是問:[咁點解你會清楚女人心?]

[因為我玩app都溝唔少女,同佢地交流多自然清楚佢地諗乜.]
大隻仔上下打量咗眼鏡男一眼,
個心諗:[唔係亞化,點睇都唔似溝好多女嘅人啦.]

於是大佢:[嗱,有圖有真相呀.]

比人咁大眼鏡男即刻攞部手機出呢,
開咗D相比佢地睇.

[嗱...我無呃你啦.]
大隻仔接過手機,
其餘兩個人都黐埋去睇.



佢地睇咗好多張相,
三個人對望一眼無出聲,
個心都講咗同一向:[條友咁重口味嘅.....]
相入面D女個個甩頭甩骨,
唔係肥婆就大媽,再唔係就耕田咁樣嘅大山婆.

西裝友問:[唔知師兄你做邊行?]

眼鏡男好有自信咁話:[我寫小說.]

西裝友即時點點頭話:[哦,原來係作家,乜野筆名呀?]

[識字的文盲....]



幾個男人又對望咗一眼無出聲,

西裝友繼續問:[咁你寫邊類型小說?武俠?定係偵探?]

大隻仔又加把口話:[我鍾意睇Game of thrones嗰種講人性黑暗野喎,你有無寫呀?]
作家有D尷尬笑一笑講:[我寫咸故....]

幾個男人又再對望咗一眼,
終於忍唔住笑咗出呢:[哈哈~~~]
呢個笑聲當然係恥笑嗰隻啦.

作家繼續講:[咸故唔易寫架,又多動作場面喎.]

西裝友陰陰嘴笑住話:[明.....]



但係作家重想繼續講:[你地唔好笑呀.....真架.]

大隻仔已經忍唔住打斷佢嘅說話,
同另一位好少出聲嘅男人傾計.
[係呢,我想問下,見你都好後生應該廿歲左右,你點識到一位咁高質嘅靚女?唔係玩app呀...]

大隻仔最尾嗰句明串作家.

偉城係佢地三個面前真係比較年青,
佢都有D唔好意思咁話:[其實...佢係我亞媽朋友.]

其餘三人聽到異口同聲話:[哦.....]

作家即刻話:[咁你都幾勇喎,亞媽朋友都夠膽上,不如你講呢聽下點開始嘅,
等我偷下橋都好呀.]



西裝友都話:[係囉,我都好有興趣知.]

見到佢地幾個好羨慕嘅樣,
後生仔點都有D炫耀心態.
偉城沾沾自喜咁笑住話:[其實呢....成件事係由....]
於是佢慢慢從當初講起.

同一時間係餐廳嘅另一邊....

係女廁入面有一位少女人剛剛如廁完,
佢行到去對住個海景嘅洗手盤準備洗手.
不愧為五星級酒店,
就連廁所都一樣有個無敵大海景,
可惜唔係個個人對呢個景有興趣.

少女洗完手只係對住鏡左睇右睇,
女人天性對所以反光物品都有一種不可能抗拒嘅引力,
點都會望兩眼.
望咗一陣鏡,
然後係白色LV手袋入面攞出一支紅色Channel唇膏到對住鏡搽,
慢慢好細心咁一下一下搽上個嘴唇,
搽完後佢對住鏡微笑,
好滿意呢隻紅色,
可以令膚色顯得更白更靚.

作為一個受人歡迎嘅KOL,
佢深信自己係嘅打扮最靚最有女人味,
自信心爆升.

當佢係到陶醉自已個外貌時,
身邊企咗另一位女士係到洗手.

呢個女人著住一件白色恤衫,
衣領位有一條黑色絲帶蝴蝶結,
下身著住一條窄身皮裙同黑色漆皮高踭鞋.

少女望住呢個女人,
佢只係化咗一個淡妝.
但係長長嘅秀髮,
高挑嘅身形,
完美嘅體態,
一對修長美腿,
仲有一種不食人間火嘅氣質,
都令到自己不禁汗顏,
剛才嘅自信即時蒸發晒.

少女當然心心不忿,
但係當佢同呢個女人有一刻眼神接觸,
個女人望住佢,
面上好自然咁流露出一個有禮貌嘅微笑.

呢一個笑容話比少女知,
連氣度都輸埋,
少女只好尷尬咁報以一個生硬微笑回應.

希文係到洗完手照一照鏡,
心情有點緊張亦有點興奮,
對女人呢講同陌生男人上床唔係易事,
現在重要同多個陌生男人一齊做,
到底為咗心愛嘅人可以去得幾盡?
希文都唔知.

不過既然決定咗,
就唔好諗太多,
只好放鬆心情盡情享受.

佢對住鏡深呼吸咗一啖,
連妝都唔洗補就行返出去餐廳.

高貴嘅氣場引呢唔少男士目光,
佢慢慢行近坐係窗邊嗰四位男士,
三人一見靚女行近即刻表現得好興奮好雀躍.

[睇呢你地傾得好開心喎,講緊乜呀?]
希文坐低係偉城側邊講.

作家叻唔切爆嚮口話:[無,啱啱講緊妳之嗎.]

其餘三人一見佢咁講個心已經屌咗出呢,
希文笑笑口望住偉城話:[講我?講D乜呀.]

偉城當然唔會蠢到同希文講話佢發姣食咗自己啦.
佢即刻話:[無,佢地問妳幾多歲,係唔係三十左右.]

唔知點解女人咁鍾意聽到人地話自己年紀細.
希文笑住話:[咁你地估幾多?]

西裝友第一個搶先回答話:[頂盡三十.]

大隻仔都唔執輸:[痴線啦,廿八就差唔多.]

作家想開口講時:[我估三...]
都未講完即刻比其餘三人怒啤,
驚佢又亂講野,
[三十....一]

希文笑笑口話:[你地D戲好假喎.]
雖然明知佢地係到9up,
不過希文都聽到好開心.

之後佢問:[咁...我地係唔係去下一場?]
聽到呢句幾個男人當堂醒晒.
佢地最期待嘅時刻終於到.

不過偉城話:[等多一等,仲有一個未到.]

希文問:[邊個?]

偉城陰陰嘴笑住講:[最勁嗰個.]