03.我叫愛愛子,係一位人見人愛既見習人妖

「XXX,我鐘意左你好耐!我地一齊好無?!」

「吓...呃...對唔住,我鐘意...既係女仔...」

「性別真係咁重要咩!我地唔應該比性別限制住架!」


係呢個時候,好奇怪我竟然諗返起3年前中七時候比最FD既男性朋友表白果時既事,但係我拒絕左佢之後,第二日就收倒佢失蹤既消息,之後就無再見過佢。





------------------------------------------------------------------------

一醒返,我發現我坐左係張櫈度,覺得頸背痺痺地,頭有D暈暈地,係我想伸手摸下仲痺緊既頸背,先發現我隻手同隻腳都比人挷住係張櫈度。呢度唔係好大,我一眼就睇倒哂呢度,得一張木櫈同一張木檯,我坐住既木櫈貼住木牆,我正前面係一道門,張木檯係我左邊,成間房一個窗都無,如果唔係開左燈我咩都睇唔倒,睇黎我比人捉左黎一間木屋。哈啾!點解覺得我下半身涼涼地既...

WTF!!!!?點解我著住條白色連身長裙架,仲著住對白色高跟鞋架!
一定係個死人妖幫我換!我一定要走呀!我再睇下周圍有無野可以幫我解開D繩,但係咩都無...
唉...點解我會遇倒D咁既事,點算好,我唔想留係度比佢地HEHE呀...我望住自已著住D女人衫,咦!?突然間我諗倒個好主意,幫我走佬既好主意,哇哈哈哈哈哈,成間房得返我既9笑聲。

過左無幾耐,道門開左,個死人妖果然返黎。





「我覺得我好似找返真正既我,我搵返我既少女心啦!」無錯呢句野係我講出黎。

佢好開心咁望住我,個死人妖話「咦呀!好衰架!小寶貝,估唔倒你咁快搵返你既少女心!我叫波子!我呢家就解放你!你以後就叫愛愛子啦!你呢家係一位見習人妖!」

愛愛子!?HI你!UP乜鬼野呀!?仲有人妖有分見唔見習架咩,ONLINE GAME職業咩?

果然比我估中,佢地係想同化我變成人妖,只要我扮到好似比佢地同化左咁就唔會有事。波子幫我解開左D繩,今次我無即刻走,因為我知佢D體力太勁,我呢家走實比佢地捉返,所以我呢家要做住愛愛子先,老豆老母,如果比你地見倒我呢家個樣,我只可以講聲對你地唔住。?

------------------------------------------------------------------------





波子話要帶我去同人妖王打聲招呼,仲話人妖王等左我好耐,所以我呢家就跟住佢走出左間木屋,係人妖國度行緊,路途見倒好多人妖,佢地有D係度拎住條底褲跑黎跑去,有D就係度摸另一個人妖大腿...佢地一見倒我就好開心咁樣,我就學佢地咁對住佢地笑下,再大大聲咁打聲招呼「我係見習人妖,愛愛子」咁樣。當我經過人妖國既噴水池果時,我先知原來波子係我暈左果時幫我化左個人妖妝,不過我好奇怪,我竟然無嚇親,好似慢慢咁接受左呢度D野,就好似真係比佢地同化左咁。

行過左水池,幾間木屋,過左條橋,我地黎到人妖王既城堡。人妖城係人妖國既中間,人妖國分為東南西北4條街,而我同波子岩岩就係由南街過黎,南街係唯一一條可以去港口既路。入城門之前我好似見倒有個黑影閃過,入面好大,我地行左好幾層樓梯,再轉多幾個轉角,再行多幾層樓梯,就去到人妖王果度。

「我就係人見人愛既見習人妖---愛愛子!」我都唔知點解,我身體自動咁做左個好K型既動作,仲對住人妖王UP左句咁既9野出黎。當我仲係以為眼前既人妖王一定會係海X王果個「伊哇」既時候,一望過去,點知眼前既係我估都估唔倒既人黎。

「呃,你係...」