大鑊啦今次!我坐錯船去左人妖島: 06. 決戰!

06.決戰

係厚厚既白霧入面，有兩個人影係度快步閃過，人妖城堡既兩位守衛完全留意唔倒，仲係度打喊怒。人影走到城堡既則面，其中一個人影拋一條有勾爪勾住既繩出黎。唰!只有一聲，勾爪就勾住城堡一樓既窗。

「你就係呢度入去，我就去正門，引開佢地注意，我主要引佢地去上面果D層，到時你就偷偷地係地下果層搵船。」帽褸男講完，就跑走左。而我就捉住條繩，學忍者咁樣爬入去。一爬入去，係一間睡房，呢間房主色係粉紅，粉紅既檯同櫈，旁邊係張粉紅既床。床上面訓左一個人妖，我一睇，原來係波子?。波子著住粉紅色有花邊既睡衣，妝都無落。

「有入侵者!」出面有人大叫，跟住就有好多腳步聲。我即刻爬入波子張床，既床下底。我一爬入去，波子就醒左，衫都無換就跑左出去。而我就爬返出黎，當我想出去果時，我見倒床邊既檯上面有張相反轉左，我忍唔住反返轉黎睇。一睇...我嚇左野，呢張相係我以前同某人影既相，係張相入面我旁邊果個人就係以前「遇見」識果個阿言，估唔倒波子就係阿言，唔怪得佢失左蹤咁耐都無人搵倒佢，不過我好奇怪，佢點解會可以係監獄走倒出黎。

我走出房，出面一個人都無，我好順利就落到去地下果層，我搵哂全層都見唔倒有船，我只係搵倒一個通道，我留低記號，等帽褸男可以搵倒我。我走入去果個通道，果個通道入面有向下行既樓梯，我好快就穿過左果條通道，穿過通道，前面有條水道，條水道係通去出面海，水上面有船，我反而有D唔好既預感，因為一切太順利。好快我預感就應驗左，前面有一個人影，果個人就係人妖王「卡嘩伊」!





--------------------------------------------------------------------------------------

帽褸男比左兩樣武器我，一樣係用木製既飛鏢，不過唔好睇少佢係木製，前尖好鋒利，以我呢家既臂力，丟出去一定傷倒人，我有五枝木飛鏢。另一樣武器，係兩把短刀，用黎近身對戰用。我呢家已經知道唔係你死就我亡，所以我唔會留情。

「收皮啦!」我丟出兩枝木飛鏢，佢一則身就閃過，一個殘影向佢飛去，我舉起兩把短刀，向佢砍去。

唰!佢一手檔一邊刀「咁心急，做咩姐。」同時一腳踢過黎我。我完全無練過武術，避都避唔倒，佢腳力奇大，就咁就比佢踢飛左10米外，我雙手鬆開左兩把短刀訓左係地度，我即刻想起返身「呀!」但痛到半跪左係度，應該斷左一、兩條肋骨。我強忍痛楚，硬企起身，雖然睇唔倒呢家自己個樣，但係我相信一定好難睇。

「嘻嘻，我一早就估倒你會黎呢度，你唔係以為你肌肉發達左D就打得過我，話比你聽，你既身體變化都係因為我既能力先變成咁，我呢家就黎捉你返去啦，嘻嘻。」卡嘩伊露出一個邪笑，我見倒呢個邪笑覺得好可怕，因為唔係正常人既表情，而係果D好可怕既罪犯先會有既笑容。





佢向前走過黎，我強忍痛，丟出兩枝木飛鏢，佢避都無避，左手一掃，D木飛標比佢掃走哂。係呢個時候我轉頭就跑，但係我跑左唔夠幾步就眼前一黑半秒左右，醒返就發現自己比佢壓住左係地度，佢一隻手壓住我頭，另一隻手捉住我兩隻手。

「嘻嘻嘻!我終於捉住你啦!哦呵呵呵呵呵!」卡嘩伊係度狂笑緊，佢D笑聲嚇到我菊花縮緊哂。

佢既笑聲突然停左，一滴兩滴三滴，血一滴滴咁流左係我面前既地上。下一秒，佢跳開左，我轉身一睇見倒佢左手插住一枝木飛鏢，佢一手就拎返出黎掉走佢，下秒佢D傷即刻好返。雖然我知道，帽褸男終於黎救我，但我覺得最驚訝既係佢既再生力。

「另一個入侵者就係你?」卡嘩伊充滿自信咁講。

帽褸男舉起一把6寸長既刀，呢把刀既刀身有一D銀色坑紋，刀鋒好利。佢腳一踏，一個殘影即刻出現係卡嘩伊面前，刀一揮，卡嘩伊好易就閃開左，但係原來岩岩果野係虛招黎，同一時間佢另一邊手已經丟出幾枝木飛鏢。卡嘩伊左手一掃，今次D飛鏢無比佢掃走，全部都插左落佢隻手度，跟住卡嘩伊再向後一跳，再即刻拎返D木飛鏢出黎，下一秒佢傷口又好返。





「你究竟係咩人?你無比我既能力變成人妖，仲有你係點入黎人妖島!?」卡嘩伊發現佢身體完全無人妖既變化之後，岩岩個自信樣無左，變成好驚訝咁望住佢。

帽褸男無應佢，只見佢再舉起果把坑紋短刀，準備下一個攻勢。