《心灰意冷的我去咗跳樓，發現一切都可以重來。》: CH.2【場景都變幻】

「喂喂喂，同學老師嚟咗啦！」女孩溫馨提示了那個把蓋子當成家傳之寶的男孩，但我聽出了一些弦外之音。

那位男同學稍稍露出尷尬之情，總算有些自知之明。

全個課室安靜下來了，老師也做好手上的事，停了下來。

真好，又可以發白日夢了。

「同學⋯回魂啦！起身答問題啦！」「老師」叫我。





「係係係！」我給出了反應，原本以為我會被旁邊三十多位同學取笑，怎知道全堂鴉雀無聲。

不要礙着我發夢啊！

「傻仔，唔係咁白癡啊！到你啦！唔好再訓啦！」

我望着眼前，一個個好不容易結識的朋友，才發現自己剛剛又在夢中。

好在，他們依然在我身旁。





但這個情景，代表着甚麼？

年份，2019年。

這一年，我中三。

「到我做咩啊？」我還未完全搞明白這是甚麼地方。

「頂你咩，我地喺度打緊活動啊！到你出蕉啦！」旁邊的同學好像很不爽。





「依家幾點？我喺⋯」我驚覺這問題非常奇怪，還是吃回去好了。

「依家咪12點半囉，啱啱放學，今日半晝啊！頭先我地唔係約咗今日去玩咩。」

「今日幾多號？」我還是不能得到一個答案，對身邊的事物說是有點記憶，但是實際日子，卻不太記得了。

「今日係2019年9月10號啊！俾埋個年份你啦！你傻咗啊？使唔使帶你睇醫生？喂，阿Col，做乜今日咁樣嘅？係咪真係唔舒服？」

啊！我記起了，今天是剛開學不久後的一次聚會，約了一眾死黨們啊！

眼前的不是誰，而是我最好的朋友林子泓。

他給了我一個眼色，像是示意我不要亂說話。

「Ken，sorry啊，頭先個腦突然輕機，唔知咩事，依家冇咩啦。」我很識趣，立即編作了一個爛到不得了的理由，打算瞞天過海。




旁邊的朋友們，一行四人。

大家聽着都覺得有點搞笑，不消一會兒，他們都笑到快要往生。

「我唔得啊，真係笑死我啦！」眼前的是阿羽。

裝甚麼裝，明明你也是一樣的。

「我都就快笑死你，唔好引我笑啦！你啲笑話真係好鬼經典。」阿朗也出聲了。

「冇囉，呢排食懵咗，冇辦法。」我繼續裝模作樣。

咦？為何我要裝啊？

不記得了。





「你日日都食懵咗架啦！咪玩啦，仲係呢兩日嘅事咩。」阿羽接連發炮。

是撿到槍嗎？

「唔好同佢吹啦，都唔知佢係咪玩嘢，咁我地食咩啊，今日。」阿朗打算無視這個話題，反正我也是日常犯傻。

「好啦好啦，條友都日常發神經，慣咗。反而佢發少一日，我會唔慣添啊！我地今日去食放題？定係拉麵？」

阿羽說着說着就笑了。

「冇錯，我都慣咗。」阿泓也附和，果然是兄弟。

「不過最終決定權都係交俾阿col啦，跟佢搵食，真係永遠唔會錯。」





這是一個明智的選擇。

「我地不如，兩樣都食啦，好冇？」我是比較貪心的人。

「Why not？當然好啦！朋友們，銀包準備好未？仲有腳骨力準備好未？」阿羽預告了我的個性，總是先行諷刺一番。

「準備好！」兩位老友都已經見怪不怪。

「咁我去搵地方食，你地就幫手訂位。你知我唔識講嘢架啦，費時俾人笑大個口。我唔想出醜，又訂唔到位。」

口齒伶俐的我，在遇上電話訂座的情況下，一如既往不會出口。