電影少女 (2): 誘舞拮親你 （4）

誘舞拮親你 （4）
~~~~~~~~~~~






好快到咗第二日星期六，亦都即係行動日。
 


今日只係返半日，呀明心情好緊張，做嘢做到心不在焉。
 
因為今日要同埋高倫、毒毒去導Aka，不安感覺一直存在。
 
導佢有嘢吃，但係大逆不道…
 
導佢我唔食，淨係佢兩個食，咁我咪好蝕？
 
唔俾佢哋導，一定俾佢哋屌到撻皮…
 


點算好呢？？
 
性慾同理知不停交戰，呀明內心好懊惱…
 
當懊惱時，電話響起。
 
「呀明，收工未呀？？」
 
一夠鐘就打電話嚟，咁心急嘅就係高倫。
 


「收…收嗱。」
 
「咁半個鐘後深水埗地鐵站等。」
 
「半個鐘後？」呀明講：「駛唔駛咁早呀？？」
 
「買埋嘢差唔多喇。」
 
「買嘢？要買乜呀？？」
 
「春藥都要買定啲徬身喇！」高倫好興奮咁講：「記住，今日我哋不成功便成蟲！！」
 
不成功便成蟲？？
 
做咗嘅，我下世會唔會有報應變條蟲？？


 
呀明躊躇心情，會合咗高倫、毒毒兩條賤精去shopping，買咗堆啤酒、紅酒、薯片零食，之後齊齊去呀明屋企。佢哋買嘅只係食物，無買到啲咩春藥，應該都係得個講字，見到咁呀明都稍為放心。
 
去到呀明屋企，攞鎖匙開門果時高倫講：「Aka係咪响屋企？？」
 
「唔知喎？？」
 
「佢係咪着上件果套衫迎接我？」高倫笑哂口咁講。
 
「唔好問我，我知鬼呀！！」呀明見佢個樣淫到想打柒佢，所以唔駛煩咁答。
 
「咩唔好問你呀！！」大門打開，高倫即刻衝入屋叫：「Aka，我哋嚟咗喇！！」
 
震耳叫聲响屋中迴響，空盪盪無人回應。
 


「Aka，妳响邊呀？？」高倫全屋週圍搵，厠所、廚房、睡房都唔見人。
 
「喂，佢响邊呀？？」
 
「我都話唔知咯。」呀明講：「可能佢玩完未返啩。」
 
「玩完未返？？」
 
「應該係喇。」呀明講：「時間尚早，唔好咁心急，我哋飲住啤酒睇吓碟先喇。」
 
「是X但喇！」高倫見唔到Aka，唔多老黎咁嘅死款坐低睇碟。
 
睇咗陣Aka未返，唯有繼續等。
 
再過多陣長碟播完，Aka仍然未返。高倫望望個鐘就快10點，情緒開始鼓噪！！


 
「喂！！到底佢响邊呀！！」高倫好惡咁講：「你係咪爆響口，佢閃鳩咗呀！！」
 
毒毒都加把口講：「我睇都似喇，收收埋埋自己食…」
 
「細佬，你自己食鳩哂得喇，唔X駛理我哋喇！！」
 
爆響口？？
 
收埋自己食？？
 
我有鬼講呀！！
 
佢大人大姐，去咗邊又關我鬼事呀！！
 


「我無呀，我唔知佢去咗邊呀？」
 
「唔知？睇嚟唔用刑你唔招供！！」高倫抽起呀明心口T恤，講：「再唔講信唔信我開你波！！」
 
開我波？？
 
大佬，你係咪傻能咗呀？？
 
高倫色慾上腦，殺死人咁款嚇到呀明熬哂底…
 
「我…我打電話問吓佢响邊…」
 
聽到呀明話打電話，就鬆開手講：「一早應該咁喇！！」
 
呀明响褲袋攞出電話，打俾Aka果時門口有電話響聲。三個即刻望住大門…
 
電話聲係期待緊嘅Aka？？
 
「喂，喂。」
 
呀明揸住部電話傳出Aka把聲，三人視線由大門轉落呀明手上電話。
 
「妳係咪响門口？？」呀明講電話第一句就問，Aka回答：「知道就開門喇。」
 
「哦。」
 
呀明走出開門，Aka終於出現。知道佢返咗嚟，高倫忍唔住衝出大門。見到Aka着住一件白T恤，長度啱啱遮到個Pat Pat，成條長腿露哂出嚟。
 
高倫上望下望，對Aka全身欣賞。Aka無理到佢，行去梳化坐低除鞋。件T恤咁短坐低一定會走光，所以高倫即刻响佢面前坐做低昅嘢。只可惜慢咗一步，Aka除完鞋翹起隻腳，做足防守措施無走光。
 
雖然無走光，但係件T恤都係大幅度向上移位，好似無着褲咁坐响度露長腿，sexy味極重！！
 
望到咁，高倫開始扯旗。
 
Aka望到枱上啲啤酒，講：「你哋開始咗？」
 
「未呀，等埋妳先吖嘛。」毒毒搶答。
 
「駛乜等我啫，你哋咪玩囉，關我鬼事咩。」Aka鬆開交纏雙腳起身，將防守措施移開露出T恤下的秘密…
 
雖然只係好短時間，但係高倫唔放過任何一秒昅到實，內裏秘密當然唔會走甩…
 
終於俾高倫昅到！！
 
T恤裏面嘅，係一條…
 
一條白色打底褲！！


（待續）