電影少女 (2): 淫眼碌碌逐個郁 (7)

淫眼碌碌逐個郁 (7)
~~~~~~~~~~~~



「死喇，個個睇怪獸咁睇呀…」Percy講：「點算呀？」
 
「咩點算呀？」
 
「唔知佢哋係咪發現到我係你miss呀！」Percy講：「死喇，俾校長知道實死呀！」


 
「妳係我miss喎，點解死呀？」
 
「點解？？」Percy伸出同Jay拖住隻手講：「你話呢？」
 
「我話？」Jay笑笑口講：「我隻手黑，妳隻手白，咁都唔得？？」
 
「Jay同學，你而家拖住Percy老師…」Jay嘻皮笑臉態度令Percy好忟憎，講：「有學生拖住老師嫁咩？？」
 
「咁而家唔係咩？？」Jay講完响度笑，激到Percy眼角泛起淚水，想fing開Jay隻手。但Jay揸到實，唔俾佢甩開。


 
左fing右fing鬆唔開，Percy好似俾Jay玩緊咁，無奈到眼淚流落至嘴唇。
 
Jay見到Percy傷心流淚，知道玩大咗就伸出姆指想幫Percy抹抹眼淚。見佢伸手Percy擰轉頭唔俾佢掂，頭一轉開Jay就捉住佢個頭，伸前嘴唇吸啜Percy紅唇上眼淚。
 
Percy無諗過Jay會响街捉住佢打車輪，震驚到雙眼瞳孔放大，難以置信咁彊硬當場！！
 
Jay吸啜咗Percy眼淚，吞落肚之後講：「sorry，我唔會俾妳喊…」
 
「妳啲眼淚我吞哂，以後都唔會俾妳喊…」


 
「以後唔會俾我喊？」Percy望住Jay，感受住佢攬實自己嘅溫柔，果種少年人散發出嚟嘅活力，成年人嘅身高健美體態…
 
同埋攝人眼神，以及一個Kiss令Percy俾佢溶化哂…
 
對望一陣，Percy講：「你幾多歲？」
 
「19歲。」
 
「我22歲，大你三年…」Percy講：「而且我係你老師，咁樣…」
 
Percy未講完，Jay就打斷佢說話：「响學校妳係我miss，出到嚟妳就係我條女。」
 
「所以而家妳要聽哂我話。」
 


「聽哂你話？」Percy聽到Jay哩種理論，腦袋思考緊佢所講。望住佢，啱啱又俾佢錫咗咀，Percy而家心頭大亂，根本思考唔到應唔應該聽佢講，同佢拍拖做佢女朋友…
 
女朋友？？
 
諗到女朋友哩個名稱，Percy講：「你咁就算追我？」
 
「追妳？」Jay講：「車輪打埋都未夠？」
 
「我唔係咁嘅意思。」
 
「好，妳跟我嚟。」講完Jay就拖住Percy去一幢唐樓，Percy望見幢唐樓無乜燈光，外表都幾古舊，一種不安預感湧上心頭。
 
「你帶我去邊呀？」
 
「爆房。」


 
「爆房？？」Percy叫咗一聲！！
 
「係，我同妳打印。」Jay講：「做完之後妳就真真正正係我條女！」
 
Jay望住Percy，眼神唔再係當日健康正氣眼神，而係變咗一種有威嚴淩厲眼神！！
 
哩種眼神命令住Percy，跟佢一齊去進行打印儀式…

打印？？
 
要同佢做愛？？
 
同佢一齊唔係好耐，咁快發生性行為？？
 


何況我大過佢，仲係佢老師點可以咁做呀？？
 
唔得…


（待續）