野性呼喚: 第二章 ： 認識

嗰日我埋頭苦幹趕緊份文件俾老闆，門口接待員大C姐大大聲咁嗌入嚟，通知我有人嚟收包裹，我隨口應咗佢，仲以為係遲啲先有人嚟收貨，咁我就繼續我嘅工作。

"呀~"

 我抬起頭，嚇一跳，一個幾健碩，幾粗豪嘅男人企咗喺我寫字台旁邊，對眼仲居高臨下偷窺緊我心口。

“你嚟收貨架？”

 我問佢。



“小姐，唔係嚟收貨，咁你估我嚟做咩？唔通約你出街？哈哈！”

佢睇落二十幾歲，唔講得上英俊，雖然口花花，第一印象仲有啲咸濕，但唔知點解，佢俾到我幾親切嘅感覺。
 
喺貨倉裏面三箱貨辦都幾重，我以心為心彎攣腰幫佢手，點知佢動作好似慢咗落嚟，我抬起頭望吓，原來佢乘機透過我件背心領口，靜靜雞咁裝我裡面，攪到我面都紅埋。

我即刻企直個身，拉返好件背心同埋條短裙，急急腳走出貨倉。
 
"喂呀，簽收咗先好走呀！"



個客貨車司機唔記得簽收就想走，我截停佢。
 
“喂呀，喂呀咁，無名你叫咩，靚女！”

“我點知你叫咩名啫！”

“咁你咪叫我哥哥仔囉！”

就係咁我認識咗佢，後來我知道人人都叫佢van仔。