野性呼喚: 第十章 ： 走光

‘’一齊落去食餐飯丫，好求其，速食店！”
 
“唔好喇。”
 
“無所謂啦，食完飯，車埋你番屋企，今晚唔駛夜班！”
 
同van仔識咗個幾月，有晚佢想叫我一齊食餐飯，不過嗰晚我咗男朋友推咗佢，佢以為我唔接受佢。睇見佢好失落嘅眼神，有啲唔忍心，不過無辦法啦！
 
如果佢諗得通透，都知我唔係唔喜歡佢啦，佢知我怕揤，好多時佢都攬住我嚟揤，搞到我地衫亂晒走晒光，如果係普通人我會唔會俾佢咁搞吖。



van仔對我好似無乜火，好溫柔，但係佢性格好火爆，有一日，我喺office聽到佢喺走廊同個管理員嘈得好緊要，佢竟然仲想打人，我好失望，忍唔住眼角濕晒。

嗰日我唔想同佢講嘢，唔想同佢有接觸，就叫咗另一個同事同佢交收。

事後，同事交咗張紙俾我，上面寫咗對唔住三個字，啲字好核凸。
 
嗰晚，佢wts app我，同我講對唔住，我好想唔睬佢，最後都唔忍心，不過淨話佢好似隻牛咁，係咪同人打打殺殺咁過一世？之後無論佢講咩，我都無回佢。

 
“細C喺貨倉執緊貨，你入去同佢交收！”



第二日我喺貨倉，聽到大C好大聲咁講，我知van仔嚟咗。
 
“尋日唔撚好…唔係，尋日唔好意思！”
 
佢唔到我好緊張，一句好簡單嘅說話，講到亂晒大籠。
 
“你尋日做乜好似發晒顛咁丫？”
 
講起上嚟，我又眼都紅晒。


 
“仲有呀，你係咪想粗口爛舌，打打殺殺咁過埋下半世丫！”

我開始有啲哽嚥。

佢就好似細路仔俾老師罰咁，郁都唔敢郁。
 
“你過嚟丫。”

見佢咁，我終於唔忍心，拖住佢隻手。同佢一齊坐喺箱貨上面。
 
間貨倉好細，又擺滿貨，同佢兩個人好逼咁坐喺箱貨上面，手臂貼手臂，大髀貼大髀。
 
佢嘆咗一聲，話心裡面好多嘢鬱住，鬱咗好多年，想搵個傾得埋嘅人，一次過講晒出嚟。
 


佢話佢阿爸同阿媽得佢一個仔，佢唔知阿媽係點樣，因為佢細個，佢就死咗，得番佢阿爸。

佢阿爸係草根階層，曰日為口奔馳，加上又懦弱，喺出面受咗氣只可以搵van仔出氣。
 
van仔大咗就鬧翻佢阿爸轉頭，就係咁養成佢成日講打講殺。
 
我係易喊嘅人，到而家我先知道佢童年咁坎坷，忍唔住”嘩”一聲喊咗出嚟。

點知van仔見到我咁，佢有啲慌亂，乜佢唔係對女仔好有經驗嘅咩？
 
佢拉我伏喺佢膊頭，攬實我，掃我背脊。
 
“對唔住呀，我唔知你身世咁悲慘！”
 
佢攬咗我好耐，我輕輕推佢，佢先識得鬆手。


 
依家先發覺，佢件T恤嘅膊頭位置濕晒。

放工時侯，中央冷氣熄晒，間房好焗，佢除咗件T恤，見我個面都仲有啲眼淚，順手同我抹埋。
 
“咁焗，你都除咗件外套啦！”

我聽佢講除低件針織外套，淨番件背心，唔察覺自己嘅乳溝暴露晒喺佢眼前。
 
佢同我講，唔想打死一世工，想有間自己嘅運輸公司，開公司，娶老婆，然後生番個仔，補償番佢細個無嘅嘢，呢啲就係佢嘅願望。
 
“哈哈，娶老婆？你無難度啦，你咁多女朋友！”
 
“挑，班靚妹都係想搞嘢先搵佢哋啫！”
 


“唔係嘛，你即刻玩人哋啫！”

呢啲就係濫交啦。
 
“唔好咁保守啦，班靚妹可能覺得係佢哋玩緊我，個世界唔係你諗咁架啦！”
 
“係咩？”
 
“梗係啦，你知唔知，我一個禮拜落吧玩幾晚，見到幾多女喺度玩一夜情。”
 
“我知呀，我唔係咁out 架！”
 
“係囉，係佢哋想搵仔食。”
 
“你條仔呢，佢點架？”


 
突然間，van仔問起我男朋友。
 
“佢好都大隻架。”
 
“有幾大隻呀？”

van仔好似唔服氣咁。
 
“有咁大？”
 
佢出其不意，好快手咁拉開我衫領，篤落我個胸度，不過只係掂到邊緣啫。
 
“喂呀！哈哈，唔准多手呀！”

佢鐘意搗蛋，雖然拉開咗我啲衫，篤落我度，我都唔係好介意。
 
“哈哈，我係要多手呀！”
 
佢知我怕揤，偏偏就揤我。個貨倉空間咁細，我想走都無得走，想避都無得避。
 
好快我哋兩個都碌咗落地，一齊笑到幾乎要斷氣咁滯。
 
“喂呀！你快啲起身呀！”
 
我哋玩撚到癲，佢個頭枕咗喺我佢個胸上面。
 
“唔好郁，唔好郁，真係好靚！”
 
van仔企返起身，正話我哋玩到癲，唔覺意，我件衫捲起咗，露出咗條腰，我今日著咗一條超低腰褲，成條腰露晒出嚟。

佢望住我叫我唔好郁，俾佢睇清楚。

佢少不免讚吓我。
 
十個女人，十個都鍾意人讚，我都唔例外，雖然無出聲，但係好開心。
 
如果睇埋你對波就完美喇，佢向我補充多一句。
 
“你就想，不過，你正話都睇晒啦！”
 
不經不覺原來已經7點，我要走，佢都要開工啦。

“聽晚一齊食飯，記住唔好約人。”

落到公司樓下，van仔驚我唔記得，提醒我。

我擰轉頭，俾個ok手勢佢，就離開，佢仲呆企喺度，望住我背影。