野性呼喚: 第二十七章 ： 慶生
仲有個零禮拜就係我生日，van仔上親我公司，就拉埋一班平日同佢有講有笑嘅女同事，同佢哋細細聲密斟。
我見大部份人都笑笑口，擰擰頭咁，原來佢想拉攏同事同我慶祝生日。
雖然我事前唔知佢咁做，但van仔行為，令我好尶尬。
因為好多個同事都搵啲借口推佢，淨係有兩個C奶級同事應承。
Van仔同佢哋講，食完飯上佢屋企打麻雀，呢兩個師奶係資深雀迷，只要有麻雀打，就算去天腳底都無問題，況且van仔答應做佢哋司機，打完負責送佢哋返屋企。
兩個師奶數來數去得三隻腳，當van仔話另一個係我，想教我打，兩個師奶同人打麻雀，打牌打慢啲佢哋都嘈，點可能會陪我打。
兩個師奶都算有口徳，無直接推van仔，只係話睇吓點先。
Van仔好緊張，望吓我之後就鬼鬼鼠鼠拉兩個師奶埋一邊，唔知佢點同佢哋講。
我叫van仔搵埋Gigi，佢話Gigi要開工，一口就推咗。
Gigi終於知道van仔打算送禮物俾我。
“送俾細C？”
“生日禮物呀！”
“我係你條女，你一條毛都無送過俾我。”
“點同呢，第日我自己開公司，要靠佢俾生意我做嘛，依家梗係要打好關係先啦！”
“又見你同第二啲公司打好關係？”
“唉，第二啲公司全部都係麻甩佬，唔通我搵你出去見佢哋，俾佢哋攬，俾佢哋抽水咩？我唔撚捨得囉！”
Gigi俾van仔三言兩語就講掂咗，不過佢知道有飯局，就調更同埋一齊。
食完飯，兩個師奶同事，一個要返去睇仔做功課，一個趕住返屋企追劇，本來我都話返屋企。
不過van仔想我上佢屋企坐吓，我見有Gigi同埋一齊，就應承咗。
Gigi問我識唔識玩骰盅、猜枚或大話骰，我只係擰頭，自己淨係識鋤大弟一樣，仲要唔係好熟，覺得好落後。
“橫掂你條仔唔喺度，不如今晚玩夜啲，聽朝先走啦，我而加去整羗汁撞奶做宵夜！”
竟然係Gigi留我過夜。
我見van仔唔係好想咁。
“唔想我留低？”
趁Gigi出咗騎樓，我細細聲問van仔。
“今晚Gigi喺度，唔可以單獨同你一齊，唔想嘥咗你上我屋企個quoter 啫！”
“咩咁好傾？”
Gigi翻入嚟，見我同van仔咬耳仔，佢臉色沉咗。
“我摟緊細C鋤剝衫弟，雙炒剝兩件，三炒剝三件，哈哈！”
“想創你個心呀，屌你，細C唔係你出面啲女呀！”
Van仔弄巧反拙，Gigi扯晒火。
同我呢個唔識玩嘅人玩，佢哋梗係悶啦，玩到兩點幾，個個人都打晒「喊露」。
“不如你去沖涼先啦！我借件新睡衣俾你。”
Gigi話借睡衣俾我，但扐出嚟嘅係低胸吊帶，半透大露背嘅，佢都知唔適合，就問van仔有無T恤借俾我。
“呢件啦！”
Van仔想玩我，專登拎件NBA籃球背心俾我。
“唔好玩啦！”
我都未出聲，Gigi就一手搶咗佢手上面件背心，慌死我真係著上身。
Van仔盡主人家嘅禮貌，攞條新嘅毛巾俾我，但嗰條係洗面巾嚟嘅。
上次我喺佢屋企打邊爐，第二朝禮拜日，我留喺佢度沖涼，但一條毛巾都無，我what’s app 通知佢，之後佢買定毛巾擺喺屋企，可能佢唔買慣嘢，買錯咗啦。
佢仲喺拆走咗度門嘅廁所，加上一條膠門簾。
不過個廁所好細，無地方擺毛巾同替換嘅乾淨衫。
佢哋就喺廁所門口擺張櫈，將啲衫放喺上面，沖完涼要光脫脫走出嚟抹身同著衫，我無打算咁做，情願沖完涼，睇情況，儘量喺廁所裡面著埋先出嚟。
“張就吓啦！”
Van仔將毛巾、T恤放喺櫈上面後，佢對住我奸笑。
我沖完涼，伸隻手出廁所攞條毛巾圍住個身，但係條毛巾太細，跟本無辦法圍住個身，加上廁所又細又濕哂，根本著唔到衫，唔怪得佢正話奸笑啦。
我唯有裝個頭出廁得，睇吓出面有無人。
Gigi喺度洗緊食碗碟，van仔就喺廳，我輕輕拉開膠簾，唔想惹佢哋注意。
“沖完喇。”
點知Gigi都大大聲咁講。
我身上面咩都無，靠條毛巾仔遮住下面。
Gigi好似好平常咁，可能佢沖完涼都係光脫脫走出嚟先抹身同著衫。
Van仔聽到Gigi咁講，佢即刻望出騎樓，我仲係抹緊身，未著衫，唯有擰轉身，至多俾佢睇到我背脊同pat pat 。
Van仔借俾我件Tee好短，啱啱遮過個pat pat，總好過Gigi啲睡衣啦。
我習慣沖完涼隨手洗提自己條under，好采今日著嗰條好細，好薄，又唔吸水，三幾個鐘頭就乾，我將除咗落嚟個bra收喺身後面，一出廳就將佢放入我個肩袋度，點知van仔對眼一直跟住我，就算我點手快，佢都睇見。
佢仲指一指我個胸，話俾我知佢知到我而加無戴，慌死我唔夠尶尬咁。
“老公，細C沖完，到我哋喇！”
Gigi洗完杯碟出嚟，佢一吓就坐落van仔大髀，兩隻手攬住佢條頸，佢似乎都留意到我咁性感。
“你沖先啦！”
“唔制，一齊啦！”
Gigi唔理我在場，係都要同van仔一齊沖，佢仲喺個廳度就除晒啲衫褲，剩低條under先走出騎樓。
我在埸Gigi都咁大膽，如果淨係得佢同van仔，佢唔知係咪唔著衫嘅呢。
Van仔好無耐咁望吓我，我都唔知俾翻咩表情佢，唯有表示唔介意囉。
Van仔跟住Gigi出騎樓。
“廁所咁窄，分開沖啦！”
喺廁所門口，van仔都同Gigi講。
不過Gigi點都唔肯，沖未行入廁所，佢已經郁手除van仔條boxer。
“老公！”
佢哋入晒廁所，成間屋靜晒，只係聽到Gigi同van仔兩個把聲，只要留心少少都聽得好清楚佢哋講咩。
我乘機攞條under出騎樓晾起佢。
“老公，你條鳩好勁呀！”
聽到佢哋「啜」「啜」聲，跟住Gigi好淫咁大聲講，我諗佢咁大聲係想我聽到。
“老公，我係咪你老婆？”
“咪咁大聲啦，啲水凍唔凍呀？”
我聽到花灑水聲。
“你唔好講第二樣嘢啦，我問你愛唔愛我呀？”
唉，van仔已經同咗佢一齊啦，Gigi使咩俾說話我聽呢，我今晚留喺度過夜係咪錯嘅決定？
“唔好咁大聲啦，做騷咩！”
“怕咩啫，細C都知我哋係兩公婆啦！”
“你都話我哋係兩公婆啦，咁仲問乜鳩啫！”
“你唔準變心架！”
“得啦，沖涼啦！”
“老公，俾我吹爆你先沖！”
無幾耐，我聽到van仔”呵” ”呵”聲。
我聽到好煩，大大聲咳兩聲。
“好啦，起身喇！”
“做咩啫，做咩拉我起身啫，你都未爆！”
“唔好玩喇，沖涼啦”
“嗯，唔制！”
“唔咩制呀？人哋聽到晒喇！”
Van仔好重語氣。
無謂過份詳細寫佢哋對話，總之Gigi幫van仔洗完，就van仔幫佢洗。
我將條毛巾遮住大脾，無無聊聊咁摔手機。
到佢哋沖完涼出嚟，Gigi包住條大毛巾，van仔仍然淨係得條boxer，佢下面仲未軟翻晒。
我咩護膚品都無，個面已經好乾，見Gigi出番嚟，就問佢借，我走埋佢張梳妝枱，烏攣腰揀啱我嘅護膚品。
揀揀吓，我擰轉頭，睇到van仔眼定定望到我實。
我醒起我身上件tee好短，我彎低晒腰，半個pat pat露晒出嚟。
Van仔佢雖然對化妝、護膚乜都唔識，佢都借啲意走埋我身邊，借口係聽吓Gigi講化妝常識，其實今晚成晚Gigi都痴到佢實，佢無機會接近我，而加就走埋嚟，佢隻手仲靜靜雞摸吓我條腰。
“喂，唔鋤弟都吹吓水先啦！”
Gigi沖完涼成個龍精虎猛翻，佢喺雪櫃攞幾罐啤酒出嚟，一人派一罐。
成晚都係佢主動話晒事。
Van仔就神不守舍，偷偷望吓我，眼神話俾我知佢唔想㗎。
Gigi拉van仔埋疏化，一坐落張疏化，Gigi就成個入挨晒落van仔度，當佢人肉背枕，又捉van仔對手從後箍實佢，將van仔手掌放喺佢個胸上面。
Van仔唔想我睇到咁嘅場面，佢想縮開隻手，推開Gigi，但係Gigi幾大都唔俾。
我費事三個人迫埋一齊，就坐喺張轆架床下格，件tee真係太短，坐低咗，唔單止對大脾，連半個pat pat 都露埋出嚟，van仔坐喺對面，應該睇唔到我後面，我捨棄後面，保護前面，寧願露出個pat pat，拉長件tee遮住前面，不過就算我點合到對大脾實，佢都睇到少少，我唯有搏命拉低件tee，盡量遮得幾多就幾多。
雖然我身體好多地方都俾van仔睇過，甚至摸過，但始終女性矜持，唔會咁cheap。
唉，都係就咁算啦，橫掂大個Gigi喺度任佢攬，任佢揸，佢無須睇我大脾。
“喂，你哋唔駛喺我面前咁呀馬？哈哈！”
我唔係妒忌Gigi，目的吤係玩吓van仔，俾啲說話佢聽吓。
“我老公錫我啫！”
Gigi就好得戚咁。
“都夜喇，大家瞓喇！”
Van以為我真係呷醋，佢叫Gigi去瞓。