野性呼喚: 第九十二章 ： 拆散人生拼圖
希望越大，失望越大，嗰次同XX商量照顧狗狗，我情緒失控，佢講過會聯絡我，佢之前佢對我未試過講過就算，起初我對佢好大信心，但係已經咁多日，佢當我蒸發咗咁，一粒字都無寫過俾我、半句說話都無同我講過。我知道希望已經變成泡影。
反為老闆就好客氣，佢請咗我食飯，仲唔只一餐，係連續兩晚，總共兩餐。
每餐飯佢都勉勵我，叫我振作，我衷心多謝佢，佢反為話多謝我陪佢。
老闆喺外國讀書，有外國護照，早幾年佢兩個仔女去咗外國升學，佢老婆陪埋一齊過去照顧佢哋，老闆一個人留喺度揾錢。
我初入呢間公司，只係一個小文員，老闆成日出咗去，同佢一啲都唔熟，對佢印象只係佢好溫文，無幾耐佢一唔得閒，就搵我幫佢手做嘢，幫佢打電話約吓客，幫佢覆吓email，並非我叻過其他同事，只不過我做嘢慢，成日留低喺公司夜走，佢搵起人幫手，個個都走哂，剩低我一個，佢無得揀，就叫我做。咁多年嚟，整整吓，佢當咗我做佢私人秘書。
當初我最驚佢叫我幫佢覆email，尤其係外國客，我怕寫得唔好，文法出錯，每次寫完都叫XX幫我修改一吓，佢英文好過我千千倍，一個email或者信件，對佢嚟講只係小事，所以嗰時我限佢十五分鐘內修改好，等我可以早啲俾個草稿老闆。
佢講笑咁抗議，我就話：鬼叫你係我男朋友咩！
雖然每次XX都喺限時內修改好，不過佢都係喺第十三或者第十四分鐘先覆我，我起初無留意，但後來先注意到。
XX嗰時話佢無超過時限喎，我無得反駁。
後來我想到一個方法，我同佢計時，佢每早一分鐘回覆我，佢會賺到一分，儲夠幾多分，我俾佢kiss，儲夠幾多分，佢可以同我愛愛，佢仲笑我咁做等於向佢出賣肉體。
之後佢真係快咗好多回覆我，老闆仲讚我有效率，佢唔知道我幫佢做嘢，背後要出賣肉體啫。
不過，好多時佢有排都未儲夠分，每次見面，我都俾佢錫，有時甚至我主動錫佢添，每次上佢屋企，就算佢一分都無，我哋多數都會愛愛，個積分獎賞計劃都係虛設。
不過而家一切都成過去，只好嘆息唏噓。
............................
XX無理我，但係auntie上晝俾咗電話我，佢話尋日入大澳玩，買咗少少嘢送俾我媽咪，我約佢嚟緊星期六或者星期日同佢飲茶見面，但係佢問我可唔可以今晚上XX屋企。
"XX有無話你知呀？"
auntie喺電話度失驚無神問我。
"佢同我立立雜雜講咗好多嘢，唔知你指邊一樣呢？"
既然XX想呃住auntie，我唯有講大話。
"佢剛剛叫我上佢屋企，拆咗個拼圖，速遞俾佢！"
我晴天霹靂，XX講過呢個拼圖係我同佢嘅未來人生拼圖，嗰日佢仲想我保留住佢俾我嗰三小片，佢而家叫auntie拆咗佢，即係點，我好清楚啦，唔怪得佢一直再無聯絡我。
我好想喊，唔知同auntie講咩好。
"C呀，我唔知佢講咩拼圖，我想你今晚陪埋我上去，一齊拆啦，好唔好？"
我唔想親手拆咗我同佢嘅未來，就算要拆都好簡單，整散佢就得，唔使咁多人幫手，我想唔去，推話有嘢要做。
"你有嘢做就做咗先，我喺佢屋企等你，幾夜都好，因為佢似乎好心急，想我聽日寄出去俾佢。"
我偷偷匿喺個客office嘅洗手間覆電話，唔可以講太長時間，我唯有應承。
我連喊都無時間，抹咗啲眼淚就走番出去。
Van仔不斷what’s app我，我一個都無心情睇。
⋯⋯⋯⋯
我全日都無胃口，咩都唔想食，放咗工喺街度流連到夠鐘，去到XX屋企樓下，我先俾電話auntie，確定佢到咗先上去。
一入屋，uncle都喺度，仲見到一大卷用嚟貼玻璃嘅膠紙。
"個拼圖擺喺邊呀？"
同佢哋寒暄一陣，auntie見時間唔早，佢問我。
我想帶佢哋入書房，好可惜書房門鎖上咗，我記得我離開XX屋企之時，我係鎖上咗書房門，唔通幾個月嚟佢無入過去？
"C，你幫我哋開門啦，我哋無佢書房門匙。"
到呢個時候，我真係再忍唔住，啲眼淚係咁流出嚟。
auntie同uncle好愕然，唔知點解我咁激動。
"我同XX分咗手啦！.......對唔住.............佢唔想同你哋講住................所以........我向你哋講大話..................，對唔住.................."
我一路喊，一路向佢哋講。
"幾時嘅事呀？"
auntie走埋我身邊，攬住我問。
"差唔多一年.........."
"C，你唔好咁傷心，auntie陪你坐一陣，你慢慢同auntie講發生咩事，我去開咗個鎖，房門鎖好容易開嘅啫！"
uncle好冷靜，佢好快拆咗個門鎖落嚟，打開書房門。
之後佢坐埋嚟，同auntie一左一右陪著我，聽我講過經過，不過我腦好亂，講得雜亂無章。
佢哋聽到Julie個名，就恍然大悟咁，再無講咩嘢，佢哋應該認識Julie。
佢哋兩個嘆一口氣。
"XX仲有幾個月就返，一切等佢返嚟再算啦，無論結果係點，你都要振作呀，好嘛？"
auntie似乎都估到結果，佢攬多我一陣，佢企起身，同我講。
"你坐一陣，我哋入去搞掂個拼圖先！"
uncle拍吓我膝頭，跟埋auntie企起身。
"我都去幫手。"
事隔差唔多一年，我丟淡咗好多，只不過好多時感觸起上嚟，總係忍唔住喊。
原來XX已經教咗佢哋點做，啲玻璃膠紙係用嚟拓住砌好咗嗰部份，好似一塊板咁，唔會散開，然後再將一整塊砌好咗部份，分割成八個小塊。
呢個工序好花工夫，我哋三個人小心翼翼搞咗成個鐘頭先搞好。
"C，對唔住呀，我哋兩個唔知頭，唔知尾，先令到你咁傷心，產生誤會咁尷尬！至於下星期幫忙照顧狗狗嘅事，我哋搵Julie啦！"
uncle車我返屋企，臨落車，auntie再次同我講對唔住。
不過估唔到Auntie咁快就認定Julie身份。
“我⋯⋯”
我無打算唔照顧狗狗，況且XX講過目前佢唔想Julie接手，我唔知點同佢哋解釋。
“C咁錫狗狗，佢唔會介意照顧狗狗幾日嘅！”
好彩uncle幫我解圍。
"係我對得XX唔好.....所以佢.....不過我會照顧好狗狗嘅！"
我又喊起上嚟。
到半夜先迷迷糊糊瞓著。
第二朝一起身，我check吓電話，呢大半年我每朝一醒，第一件事就係睇吓XX有無message，已經成為習慣。
一如既往，XX仍然無搵我，反為van仔喺五點幾what’s app過我，我知道就算，未有心情開嚟睇個內容。
對住塊鏡見到自己對眼又再喊到腫晒。
急就章敷番個eye mask，希望可以消咁啲腫，一陣出街唔使咁難睇。
...........
“無嘢嘛？”
Van仔見我尋日無覆過佢，佢今朝即刻問我。
我有衝動和盤托出，但最後都打消咗念頭。
“有無睇我半夜發俾你個what’s app？”
佢催我睇。
我答應佢一陣得閒先睇。
我雖然無同佢講咩嘢，佢估到我唔開心，於是就不停send啲古靈精怪表情相俾我，又講好多𠱁我嘅說話。
喺我落膜失意嘅時候，佢肯喺你身邊支持，我好感激佢。
⋯⋯⋯⋯
原來van仔同Gigi落完吧，三點返到酒店，一時興起同Gigi落去浸溫泉
Van仔瞻到男仕浴場我人，就大起膽上嚟，叫Gigi一齊入埋去浸。
佢哋沖完身，就走咗出去個露天浴場。
天氣寒冷浸溫泉，個feel好靚，加上佢哋終於享受到混浴，兩個人好high，好溫馨咁擁抱咗一陣，想即時喺溫泉度做。
好彩van仔仲有啲理智，唔想搞壞人哋個習俗，佢哋都忍住，淨係kiss吓，擁抱吓。
Van仔喺後面攬住Gigi，佢愛撫吓Gigi乳房，Gigi又伸手去後面捋吓van仔陰莖。
“第日你娶咗我，大家儲夠錢，租間三樓連天台嘅村屋，咁夜晚可以一齊睇吓星星！”
佢哋一面傾偈，一面睇星。
點知浸浸吓，佢哋聽到人聲，有人由更衣室入咗嚟浴場，佢哋開始沖身，應該係曰本入。
嗰個男湯有室內同室外兩個浴池，中間隔著一道磨砂玻璃，佢哋唯有希望你兩個日本人唔好出嚟呢個露天池啦。
點知兩日本人已經推開度玻璃門，van仔即刻擰轉身面向住Gigi，諗住用身體去掩護佢。
日本人一踏入嚟，發覺個溫泉有人。
“喔.....”
有個日本人好唔客氣喝佢哋。
原來日本人以為有男人幫van仔口交緊。
Gigi唯有企起身，兩個日本人見到男湯竟然有女人，佢哋都愕咗然。
不過兩個日本人好有禮貌，覺得撞破van仔哋好事，係佢哋唔啱，向van仔同Gigi鞠躬道歉，然後用條毛巾仔遮住佢哋下面，一路鞠躬，一路後退，退出個露天池，去室內池度浸。
既然通道淨係得一條，van仔同Gigi無可奈何，再次經過兩個日本人身邊。
Gigi一隻手遮住個胸，一隻手用毛巾仔遮住下面，經過兩日本人時，Gigi難為情到耷低頭，唔敢望佢哋，van仔就故作大方，向佢哋點吓頭，兩個日本人就好有禮貌，再次向van仔耷頭，表示歉意。
van仔佢哋終於走番出去更衣室。