野性呼喚: 第一百一十六章 ： 借佢俾我一晚
同Julie一齊，佢會將我完全比落去。
我成晚暗中留意住佢，佢著得端莊密實，我就問自己，我今晚著啲衫，衫領係咪大咗啲，條裙係太過窄，太貼身呢？
見到佢纖瘦婀娜，舉旨俐落，反影我腹部脂肪太多，未夠結實兼且動作好論盡。
佢今晚化咗一個濃艷嘅晚妝，我就懶愧自己個妝太淡，唔適合呢個晚宴。
無論佢一顰一笑，都係全場嘅焦點，我剛相反，極力避開人哋嘅眼光，高貴同小家器互比，高下立見。
幸好XX知道我性格，佢成晚都喺枱底拖住我，師姐亦都主動同我傾吓。
Julie一向都唔會覺得我有咩殺傷力，所以我估唔到佢會主動叫停我。
“C，時間過得好快，對上一次大家見面已經兩年幾前，話約你食飯，到而加都未兌現！”
“你工作比較忙吖嘛。”
“雖然係忙，但係我同XX都享受一齊拼搏！”
Julie一臉陶醉。
我唔識得點回應佢，僵硬咁微笑。
“佢就係喜歡你咁可愛嘅笑容，唔似我咁老辣，哈哈！”
佢咁講我更加靦腆，好彩啱啱師姐都入咗嚟，Julie即刻熱情同師姐打交道。
師姐係心理學博士，佢雖然唔多出聲，但係冷眼旁觀，睇到當局者睇唔到嘅嘢，連Julie自視咁高，都怯咗佢幾分。
“過幾晚陪我單獨飲杯嘢？我俾電話同你約時間！”
我正想走番出廁所，Julie同我講。
⋯⋯⋯⋯
雖然van仔幾乎每日都嚟我哋公司，但係我哋未必有機會同佢碰頭，單獨相處嘅機會唔係無，只不過我唔會刻意去製造。
上次同佢解釋完點解我中途停止同佢做愛之後，唔經唔覺又過咗三個幾月。
“我今日遲啲嚟你公司。”
Van仔四點幾俾電話我，無講其他嘢，只係交低一句。
“好吖，我等你！”
我好似接收到一啲特殊訊息咁，有少少興奮。
唔需要太多說話，大家都知道對方嘅心意。
七點幾，大門門鐘一響，我莫名其妙有一種期待感覺產生。
距離上次同佢單獨相處已經幾個月，我唔否認，我都想見吓佢。
佢放低咗啲貨，就即刻走埋嚟攬住我。
“做完嘢先啦！”
我反射性咁回應佢，雙腳不自住跟住佢走人貨倉。
“搞掂喇！”
佢好快將啲貨放好，就擰轉身過嚟再次攬我。
我亦都輕輕環抱佢條腰。
我講過要克服自己，只要van仔同我有身體接觸，我會推開佢，而且警告自己，唔好令XX失去尊嚴，呢個辦法好有效。
不過今次我暫時放棄咗呢個做法。
“慣唔慣新工作？”
Van仔升咗做主仼，幫佢老闆娘處理一啲行政工作，佢老闆娘一向都想栽培佢，van仔正邁出佢事業新嘅一步。
“殊～～”
佢將手指放喺我唇邊。
我滿足喺寂靜中間擁抱咗幾分鐘，但van仔唔係好似我咁諗。
佢想錫我，我避開唔俾佢錫我嘴，佢就錫吓我個面。
“你同朋友通常會去啲咩酒吧㗎？”
我唔可以俾van仔太過份，無幾耐我推開佢。
兩三日前，唔知佢從何處知到我電話號碼，Julie果然俾電話我，印象中我無同佢交換過電話，又或者我通知過佢，而自己唔記得啦。
我見到佢都會好緊張，況且今次仲要單獨見面，話上酒吧傾吓偈，唔知Julie搵我目的係乜嘢，無論如何，我唔想俾XX知。
我對酒類一啲認識都無，唯一可以請教，就係van仔。
“咩呀？你又去酒吧？！”
經過上一次，佢好緊張我，以為我又再同物業代理出去。
“係呀，所以我想知你去邊類型酒吧，教吓我點樣叫酒。”
“有咩點叫啫，咪擘大口咁叫囉，你又唔識飲酒，去咩酒吧啫！”
佢發一輪牢騷，我由佢零碎嘅資料推斷到佢大多數都係流漣一啲大眾化嘅酒吧，對雞尾酒認識，比物業代理貧乏。
“點解你唔問吓⋯⋯”
Van仔突然停口，我知佢想講XX。
呢年幾兩年，佢好忌諱提起XX，雖然我無同佢講過，憑我早前表現出嚟嘅失落，詳細佢當然唔清楚，從各方面蛛絲馬跡，佢唔難估到大慨。
“總之你唔好落吧啦，嗰啲地方啱你㗎。”
我無謂同佢提及Julie呢個人，佢見我隱隱晦晦，更加以為我唔知同咩人出去，我見到佢著急到出汗，我暗暗偷笑。
佢見我無應承佢，佢都無辦法，dead air咗一陣。
“送俾你！”
佢插手入袋，我以為佢攞紙巾抹汗，點知佢喺袋裡面攞咗個禮物錦盒出嚟，裡面係一個吊墜。
佢話俾我聽，今日係我同佢認識整整五週年，van仔平日俾人感覺好粗枝大葉，估唔到佢細心到連我哋邊一日認識佢到記得咁清楚。
“哈哈，我梗係記得啦，我第一日就偷睇你個波吖嘛。”
佢講得自己好鹹濕，其實佢心裡面真係有我，我好感動。
“咁靚唔靚呀？哈哈⋯⋯”
“睇清楚吓先同你講，哈哈⋯⋯”
佢作狀要除我衫。
大家都明白只係講吓笑，van仔無真正行動。
“一齊出去食個飯吖！”
佢開口約我。
可惜我準備咗返去煮飯，無辦法滿足佢，van仔失望到我唔忍心再望佢。
“遲啲啦，好唔好？”
我目前每晚都同XX一齊，雖然係折磨佢，每星期我煮三四晚飯俾佢食。
佢對我咁好，我一定會請佢食餐飯報答佢。
返到屋企，晚飯後，我情緒變得高漲，匆忙整理好啲碗碟，走埋XX身邊，扐走佢手上面本雜誌，就拉佢一齊入咗浴室。
Van仔提醒我認識咗佢五年，但係我已經唔記得exactly係邊一日認識XX，我對XX嚟得粗心大意。
我跪喺佢前面，保償佢，服侍佢，但係我腦海有一煞那幻象，我同時保償緊一個記住幾時認識我嘅人。
現實喺我手同口嘅係粗大白滑，而幻象中嘅係黝黑粗獷，愰忽兩種唔同嘅質感衝擊我喉嚨。
⋯⋯⋯⋯
同Julie約咗見面嘅時間地點。
“我今晚唔返嚟食飯，如果你無地方要去，上我媽咪屋企食飯，好唔好？”
我唔想XX孤零零一個。
“約咗Julie，點解唔話俾我知？”
我未講因咩唔返去食飯，佢已經知道原因。
“我有啲驚，對住佢我好恐懼！”
嘅然XX知道咗，我坦白同佢講對Julie有啲恐懼。
“唔駛驚，佢都係人一個啫。”
“佢每一方面都比我強。”
“所以佢接受唔到失敗！”
“佢咁叻，一定好多人會幫佢！”
“你錯喇，佢唔似你，好多人第一次見到你就想親近你，佢就相反，好多人都好似你咁，對佢有恐懼感。”
“咁⋯⋯”
“因為佢好勝，要擺出一個優勝過人嘅姿態而令到人覺得佢好冷，其實佢唔係咁。”
XX應該最清楚Julie。
Julie著咗一件超貼身圓領短tee，配一條彈性貼身褵，外面罩一件外套，淺淺嘅乳溝，纖巧外露嘅腰肢，加埋佢對長腿，吸引咗好多男人嘅目光。
其中有三幾個男人似乎對佢有興趣，不停望住佢，當同Julie有眼神接觸，甦加向佢微笑搖手，希望Julie有回應。
Julie只係要咗啤酒，早前我擔心唔懂得叫雞尾酒，而加就顯得係過份憂慮。
“C，第一次坐低同你傾偈，我已經感覺到你嗰份親和力，同埋你嘅純品本質，難怪XX咁喜歡你。”
Julie稱讚我，呢啲只係破冰嘅客氣說話，一啲都唔足以相信。
當然我亦都講啲恭維佢嘅說話，雖然我係出自內心欣賞佢，但係我口才唔好，又唔慣同唔相熟嘅人應酬，表示得好生硬，真心話，佢聽起上嚟好似虛偽嘅說話。
“我好佩服你多才多藝！”
我唔明Julie指嘅係咩嘢，我唔識唱歌，舞又跳得唔好，厨藝、插花我一啲都攪唔掂，同才藝扯唔上仼何關係。
“早前我發現你會寫文章，之後就算我點唔得閑，我每日都搵啲時間去睇你網上發表嘅故事！”
Julie咁講，我心跳咗一跳。
“你有個朋友喺你face book讚好過你，佢仲喺佢自己嘅face book share咗條link出嚟，我都係咁先睇到嗰個post。”
Julie所指應該係van仔，佢應該都好似我留意佢咁，好仔細追查有關我嘅社交媒體。
“你咁年輕，又未結婚，估唔到你寫已婚少婦出軌寫得咁細膩，如果XX睇到你篇文章，佢早兩年就唔敢咁出咁多trip嘞，哈哈！”
Julie好輕鬆咁講，我聽起上嚟就好沉重，不過相對佢跟跟住嘅說話，更加令我驚怕。
“個客貨車司機嘅艷遇，尤其係同佢心目中女神嘅纏綿，真係扣人心弦，或者應該介紹俾XX睇，等佢知道不分男女，除咗身邊嘅人，仲會有空間同其他人發展成為伴侶，你話係咪？可惜佢太忙，無時間囉！”
佢一直望住我，眼神一把劍咁直插向我。
CX工作忙到無時間留意我社交媒體，唔知道我有van仔呢個朋友。
我驚惶失措，無直接回應佢，Julie目的已經達到，佢轉過另一啲話題。
Julie好健談，除咗佢日常生活之外，仲講咗好多同XX嘅過去，尤其係佢哋一齊生活嗰幾個月。
聽Julie陳述，佢同XX重聚之後，相處得唔錯，一齊生活嗰幾個月，生活得好和諧。
我同Julie係第一次坐埋傾偈，大家完全唔熟絡，奇怪將佢同XX嘅性生活毫無忌諱，描述得多姿多采，可能佢睇過嗰篇人妻出軌故事，認為我思想開放啦，不過我總覺得唔係咁簡單，佢一定另有用意。
“C，呢幾年我無忘記過XX，只係因為我唔想輸，我想專心完成我嘅學業，工作上面有好成績，我先提出同佢分開一吓。我同XX愛得咁深，我相信我哋會經得起考驗，幾年時間唔會阻礙到我哋⋯⋯”
Julie一杯啤酒接一杯，跟住仲轉咗飲gin，我替佢擔心，因為我有過醉酒經驗，知道後果可能好嚴重。
“放心，呢幾杯酒難我唔到！”
Julie見我滿面憂慮表情，佢向我保證。
“我從來無後悔過我所做過嘅嘢，但係之前同XX分手，係我唯一一次後悔！”
Julie一向俾我印象係佢永不言敗，而加聽到佢內心說話，我睇到佢軟弱嘅一面。
“同XX重會之後，係我最開心時候，我先發覺我以前離開佢嘅決定係大錯特錯！”
“當時我都以為你哋會再一次喺番埋一齊，我想過點樣適應日後無咗佢嘅生活！”
我講實情，可能Julie以為我講風涼話。
“同XX一齊嘅時候，佢雖然極力隱藏，我睇得出佢仲係掛住你，所以我千方百計希望你放棄佢。我不惜喺face book 放一啲消息俾你，等你以為我同XX發展得好順利，等你對佢死心。”
“你發放啲假消息出嚟，連你班舊同學、朋友都呃埋，唔怕佢哋取笑你、責怪你咩？”
“只要呃得到你，我唔介意其他人點睇我，況且佢哋知道我回復單身，好多人好高興添！”
Julie酒意越嚟越濃。
“可惜，佢始終都放唔開你，我第一眼見到你，就知你係我最大障礙，真心說話，我唔想輸俾你，因為你各方面都比我唔上！”
我事實唔及佢，佢藉住酒意，講得好直接，無顧及我感受。
“C，我打算短期內移居外地，嚟緊係我生日，我想同XX一齊慶祝，要問你借XX一晚，可以嘛？”