[陳子鋒系列] 大學入學篇: （五十七）危機

「家琪，唔係，應該叫你貝爾菲格先啱。」
 
「你係幾時發現？」
 
「喺食堂同你接觸嘅時候，你大概係將自己一小部份嘅靈魂分配咗去家琪度，所以我接觸你嘅一刹那，我可以感受到你嗰種獨特，並且令人討厭嘅氣息。」
 
「哼，如果唔係呢個人類咁脆弱，我早就可以將你殺死！」
 
「唔好扮嘢啦，你根本無諗住殺我，如果唔係，你都唔駛引我過嚟之後，用人海戰術嚟對付我。」
 




「被你識穿咗。我梗係唔可以殺你，只有完整嘅身軀同靈魂，先可以將我嘅力量發揮到極致。」
 
「可惜，你失敗咗啦。乖乖地交返家琪個軀殼出嚟，不過你唔交出嚟都無所謂，分別只係喺佢體內被我消滅，或者脫離後被我消滅。」
 
「你以為咁樣就贏咗？」
 
貝爾菲格利用家琪的身體說完這句話後，我感受到他從家琪的身體分離出來，並衝向了那幾近熄滅的營火中。
 
「仲想掙扎！」
 




我以速度最高的五雷咒打向營火，但還是慢了一步。
 
在我破壞了結界後，雖然聚集在營火的邪氣的確已幾近消散，但我竟然忘了這裡本來就充滿了貝爾菲格的力量，只要不是完全把他消滅，他就仍然可以重生。
 
我感受到本來用於結界的力量，以及分散在百多人身上的力量，開始在營火處聚集起來，那團黑色火焰又開始燃燒起來。
 
「頂你個肺！唔好諗住翻生呀！」
 
我馬上衝向營火，打算在近距離施展九字護身法，把這該死的火焰再次消除掉。
 




但我跑到一半，雙腳卻突然被人用手抓了一下，回頭一看，發現是原本昏倒在地上的營友。
 
「可惡！」
 
雖然沒有被完全抓住，但被他們這麼一攔，我整個人馬上向前仆倒，要不是我身手敏捷，馬上做出向前翻的動作，才不至於受更重的傷。
 
只是，這樣一來，本來已是滿身傷痕，加上腳根受傷的我，行動力確實受到影響，待我重整了姿勢，眼前的營火，已從火焰的形態，化成了那令我不能忘卻，那個擁有四隻眼珠的美女模樣。
 
「陳子鋒，你仲記得之前我講過啲咩嘛？」
 
「哈，唔係好記得啦，係咪話要同我去約會拍拖之類？唔好意思，我唔太鍾意啲老過我嘅女人。」
 
「無錯，係約會，係死亡嘅約會。」
 
貝爾菲格雖然還沒有奪取我的身軀，但散發出來的邪氣仍然不可小覷，而且，比起上次對峙時，他的邪氣明顯有所增強，要不是剛剛利用符咒收集來的靈力，削減了他的邪氣，此刻的我應該完全無法應對。




 
「死亡嘅約會？唔好意思，我唔係咁隨便嘅人嚟，唔會亂咁同陌生人進行約會。」
 
在說話期間，我一直暗自積蓄靈力。
 
值得慶幸的是，剛剛一直用打帶跑的方式去應對，破壞結界的又是利用來自四周的靈力，我才能保留實力，但跟炎冰對決的消耗實在太大，我沒有自信可以打持久戰，必需像上次一樣，用一擊決出勝負。
 
「陌生？我同你已經接觸過咁多次，唔算陌生啦。同埋，由女性提出嘅約會，男性貿然拒絕實在太無禮貌啦，我要好好咁教導你！」
 
話音剛落，剛剛躺在地上的人又再次站起來，雖然他們沒有了剛剛的狠勁，但在這關鍵事刻來阻礙我的話，我很有可能會對付不了貝爾菲格。
 
我若不先處理這些人，我根本不能好好凝聚我的靈力；若我先處理這些人，浪費了的時間亦未必能趕上來對付貝爾菲格。
 
「陳子鋒，雖然第一輪嘅人海戰術對付唔到你，仲被你削弱咗我嘅力量，但唔緊要，只要搶奪到你嘅靈魂同軀體，我一樣可以完美咁復活。頭先你畀選擇我，今次輪到你揀啦。你想對付完佢哋，由我嚟搶奪你嘅軀殼；定係選擇被佢哋捉住，再交出你嘅軀殼。哈哈，哈哈哈哈。」
 




怎麼辦，兩條都是死路，拜託誰來幫忙，一分鐘，一分鐘就好！