[陳子鋒系列] 大學入學篇: （六十四）貝爾菲格 - 談判（終）

「貝爾菲格，我唔明，我唔明白點解你要對我咁執着？」
 
「我咪講咗，呢個係雙贏，你可以保護你想保護嘅人，我可以獲得足以對抗所有人嘅力量。」
 
「我嘅問題係，點解你要獲得我同意之後先奪取我嘅身軀？喺你利用炎冰嘅身體復活嘅時候，我已經明白，你同我嘅力量並唔喺同一個水平，你要殺我易如反掌，但你無咁做。我嘅結論係，你唔係做唔到，而係唔可以咁做。我想點知解。」
 
貝爾菲格沉默了一會後，發出了一聲長嘆。
 
「唉，真係麻煩。如果猶大係醒目啲就唔駛好似依家咁麻煩。陳子鋒，你講得無錯，喺我奪取咗呢個女仔嘅身體之後，我就唔可以強行將自己嘅靈魂轉移去你身上。即使做到，都會有好多不必要嘅麻煩。無論原因係咩都好，都唔會影響你嘅決定，你要救所有人，就只可以將你嘅軀體主動交畀我，否則，我會喺拉菲爾佢哋嚟到之前，將你身邊所有人，包括你嘅父母、親人、朋友、同學，所有所有你識嘅人都殺晒。陳子鋒，你根本唔存在其他嘅選項。」
 




「掉返轉嚟講，我唔將自己交畀你嘅話，你就只有等待被消滅嘅命運。」
 
「你太天真啦，其他惡魔或者有可能灰飛煙滅，但對我貝爾菲格嚟講，滅亡係不可能，我只係需要再等下一次嘅機會，但你唔同，你身邊嘅人無下一次。而且，如果你拒絕，我係唔會殺你，我會留你喺度，等你一個人接受所有人死亡嘅現實，然後等你被莉莉絲侵佔身體後，體會人類變成惡魔溫床嘅可怕。我相信，到時嘅你，會比死更難受。」
 
我邊聽着貝爾菲格的話語，邊思考着他話語中的真實性。
 
對於要奪取我身體的原因，我並不感到有任何問題，問題是他說要我身體的目的，只是想對付路西法，感覺上不太對勁。
 
畢竟路西法在澳門與拉菲爾及米迦勒交手後，已經受到重創，雖說當時讓他逃走了，但以拉菲爾的說法，路西法至少有好一段時間不能再出現。
 




這情況下，貝爾菲格還需要我的身體來發揮出更強的力量來對付路西法嗎？不可能，那不是他真正的目的。
 
如果說路西法是害他墮落成魔鬼的罪魁禍首，那麼不聽從他辯解的神就是幫凶了。
 
無論是體內的莉莉絲、眼前的貝爾菲格、還是其他可恨的魔鬼，均是慾望的化身，不管他們最終目的是否想挑戰神，其過程必定令人類世界生靈塗炭。
 
然而，如今奪取了炎冰身體的貝爾菲格，就算我的狀態萬全，也不見得能撐多久，我唯一的籌碼就是自己了。
 
通過他的說話，能肯定的是，炎冰的身體並不能發揮出他全部的力量，即是說只要拉菲爾他們出手，便可以輕鬆解決他。
 




在拉菲爾他們取得許可，來到這邊對付貝爾菲格之前，他絕對有能力把我身邊的人都殺掉，但這是他最後的一步棋，畢竟只要仍有機會奪取我的身體，他暫時還不會做到這一地步。
 
所以，現況很明顯了，我只能選擇拖時間，用我自己作為籌碼，拖延到拉菲爾他們到來為止！
 
「貝爾菲格，無論你做啲乜嘢，都唔可能令我屈服！」
 
「陳子鋒，估唔到你比我諗嘅更蠢！既然係咁，我依家就去將你身邊所有人殺死！然後，我會利用呢副身體嚟自殺，喺自殺嘅瞬間，我會將軀體還返畀佢，你只可以睇住佢死喺你面前，而你咩都唔會做到！」
 
貝爾菲格說話時散發出的邪氣，我知道他隨時準備好動手，而這亦是他最後的威脅，若不能得到我的軀殼，他會放棄炎冰的身體，即是說，我的假設沒有錯，現在的他，沒有能力與拉菲爾他們對抗。
 
「咪住！」
 
「哈，你後悔呢咩？但係......」
 
我沒有讓他把話說完，搶先打斷了他。




 
「唔好咁多廢話啦。你嘅目的係我嘅軀體，我嘅目的係要救返所有人，但我唔可能就咁交我嘅軀體畀你。就算我口頭話好，我嘅內心都唔會屈服，就算你強行侵佔我嘅軀體，你應該都唔會得到你想要嘅力量，而以炎冰嘅軀體，你亦無法使出全部力量。所以你先要搞咁多嘢嚟同我講數啫，我講得無錯啦？」
 
「哼，係又點？既然我無辧法令你屈服，我就只能夠選擇摧毀一切。」
 
「如果，我話我肯同你起誓，係有條件嘅情況下，將我嘅軀體交畀你，你點睇？」
 
「哈，頭先無論我點樣折磨你，你都唔肯屈服，無啦啦會肯交你嘅軀體畀我？好，即管講嚟聽下係咩條件！」
 
「識我嘅人都知道，我唔受軟唔受硬，只要我唔願意，就無人逼到我。而我亦都唔係咁易認輸嘅人，你之所以可以控制住我，係因為你用詭計消耗我嘅體力同靈力到呢個地步，如果我嘅狀態係萬全嘅，我係唔會輸畀你。」
 
貝爾菲格似乎沒有想到我會這樣，以炎冰的模樣，傻眼地看着我。
 
「哈哈哈哈，區區人類，就算我唔係完美地復活，但你竟然覺得可以對付我？無知，無知，太無知啦！」
 




我早就知道此刻貝爾菲格不把我放在眼內，亦明白我跟他之間的差距，但我能肯定的是，此刻的他肯定受到很多限制，不然他一下子看破我的想法，我根本連耍這種把戲的機會都沒有。
 
「哼，我連拉斐爾都可以打成平手，就憑你根本唔會係我對手！」
 
「區區一個人類，竟敢同天使魔鬼比較，你真係太有趣啦。今次到你唔好嘥時間，你講咁多嘢，到底想點？」
 
「簡單，只要我狀態萬全，我絕對可以對付你。掉返轉頭講，若然我用盡全力都贏唔到你，我都只能放棄。」
 
「你意思係，如果你能夠全力同我打一場，輸咗嘅話就會放棄抵抗？」
 
「無錯，我甚至可以就此起誓。當然，你都要承擔後果，若然你輸咗，你唔可以傷害其他人，以及你呢副身體嘅主人。」
 
「起誓唔係問題，但你依家嘅狀態唔可能咁快恢復，呢場賭局根本唔成立。」
 
「你要賭局成立，你一定有方法可以做到。」




 
「哈，的確，我可以幫你恢復力量，但你以為，咁樣就可以削弱我呢咩？你會唔會諗多咗。」
 
「少廢話，我知你嘅時間已經剩得唔多，到底要唔要賭呢一局？」
 
「好，你要賭呢一局，我就陪你玩下。只要你捱過十分鐘，就係你贏；但如果你撐唔過十分鐘，就乖乖地交出你嘅軀體！」
 
十分鐘，看來他也知道我的目的在於拖延時間，但我已別無選擇，這是唯一能拯救所有人的方法。
 
「我，陳子鋒。」
 
「我，貝爾菲格。」
 
「以靈魂起誓！」
 




在談好條件過後，我感到自己身上的傷口完全恢復，體力與靈力亦已完全恢復，甚至感到我比剛剛還要變得更強。
 
即便如此，我還是沒有能贏的感覺。
 
「陳子鋒，我哋開始啦！」