唔係吓話，我去咗《教父》世界！: 《序》

「咩話？你樓下個電話亭可以穿越時空？你係唔係傻撚咗呀？」
 
我決定收線。介紹翻，我叫做呀傑，而啱啱打比我嗰條友叫呀木，索性叫做廢柴嗰嗰呀木，佢唔知黐咗邊條線，讀完書冇耐就話要做作家，而家仲開始分唔到電視劇同現實添，好大鑊。
 
聽完呢個電話，我決定繼續我嘅行程，就係翻屋但攤喺梳化繼續睇某個N字頭嘅影音網站。
 
「夏日熱辣辣，好熱好熱。」
 
我一邊唱住歌，一邊做緊歸家嘅第一件事，開冷氣。北極熊先生，如果你睇緊，我深表歉意。
 




我攤喺梳化，攞起搖控開著電視入面某個N字頭嘅應用程式，然而電視畫面只得白光，我一邊㩒個搖控，一邊講。
 
「壞咗？」
「你個野壞咗呀！」
「屌，仲越嚟越光添！」
 
就係咁樣，白光越嚟越強烈之下，我冧低咗。