唔係吓話，我去咗《教父》世界！: 肆節

鈴，鈴，鈴。 

我非常鍾意呢個舊式門鐘。 

打開門，係個鬼佬，睇落三十歲到，白灰色西裝，有幾分似冇鬚嘅哈利王子。 

「你係邊個？」好多頭髮嘅哈利王子講。

 佢有隻手收埋喺門後面，據我多年電影經驗，一定係攞住支搶。 

「琴日哈金先生畀咗個地址同封信我，叫我去住落先，如果有人問我就畀封信佢。」 

佢打量咗我一陣。將支搶收翻入西裝嬲嘅內袋。 

「好，我收到電話，我係威廉，入嚟坐低先，你遲咗好多喎。」威廉講。

 唔通我會同你講我因為連巴士都唔識搭而遲咗半日咩。 

威廉接過封信，靜靜咁樣睇緊。

 我坐咗喺威廉對面，中間隔住張茶几。 





非常緊張，好似入黑手黨要面試咁，我開始思考好多問題。 佢咁目無表情咁，佢究竟信唔信我？

 如果佢開槍，張茶几擋唔擋到子彈架？ 

叫做威廉，同哈利王子差唔多樣，係唔係咩皇室貴族？ 

佢咁多頭髮，機會好低。 

威廉先生睇完封信，身體微微向前傾放低封信。

繼續面無表情咁講： 「好，大致明白，你想喺紐約開始新生活。」

 

「你需要新身份同工作，適逢打完仗，一切都好辦。」都係威廉講。

 威廉先生講完企起身，收翻封信落衫袋，轉身行去門口。

一邊行，一邊繼續講： 「呢幾日唔好周圍走啦，我會派人送食物畀你。」

佢放低咗個公文袋，就好瀟灑咁離開咗。





 我心諗完全冇回答問題嘅機會，呢個面試官唔合格。 

我行去打開個公文錢。 係錢，為數不少嘅美金。 仲有槍同子彈。 

一間單層公寓，一筆意外之財，一個連槍都唔識用嘅男人。 

係配角死之前嘅經典場景。
 -------------------------------------------------------------------------------------------------------------------------------------------------------- 
喺配角將死論下我非常緊張。





 我喺梳化由晏就坐到天黑。

 叩，叩，叩。

 我攞起支槍行去門口。 

喺門口我停低咗，我思考緊如果佢有槍，我點開門會安全啲？ 

「喺威廉叫我嚟架。」門外有人講。 

係一把柔弱嘅女聲。 

精蟲上腦之下咩都冇理就去咗開門。 

年輕，金色長髮，好似《北非諜影》般非常經典嘅四十年代服裝，幾分似珍妮花安妮絲頓，有處境喜劇嘅味道。 





「我叫菲兒，我負責送餐比你。」菲兒講。

 我匆忙接過佢遞畀我嘅餐盤。 

「我叫...遲啲話你知。」

 佢一面疑惑。 

「.......」菲兒冇野講。 

「唔係，我等緊我個名。」 

依然係疑惑。 





「.......」菲兒都冇野講。

 我面帶微笑咁問： 「ok，入唔入嚟坐下?」

 佢笑一笑咁話： 「我知，威廉幫緊你嘛。唔洗啦，我仲有啲野做。」

「噢，好啦。」

 「再見，下次飲茶。」菲兒講。 

「再見。」 

點解呢？平時去異世界唔係有奇遇嘅咩？

點解我仲會食檸檬架呢？ 





無謂沉著喺悲傷嘅情緒，我攞住我嘅晚餐去梳化坐低。