明目•偷情 後話: 行近啲 (2)

行近啲 (2)
~~~~~~~



問咗媽子佢哋上次用果個喼，打開入面發覺有個細袋，袋入面有呀哥張return home card。

幫佢搵返張咭，同佢講呀嫂單嘢算數得唔得呢？

諗緊果時發現袋入面除咗張咭之外，仲有另一張咭…



SD card。

張咭入面有咩呢？

會唔會有Molly啲相？？

呀嫂咁大膽，呀哥又有兩個臭錢，會唔會嚟個2017年陳冠希呢？？

作為細佬，我覺得有必要關心呀哥。



關心唔係得把口，要有實際行動先可以…

好…

開sd card睇睇！！

Sd card一打開，入面有好多file，啲file名全部係數字…

玩達文西密碼？？



20161111…20161021…20170214

一大堆數字，乜春嚟嫁？？

唔好理，打開睇睇先！！

三七氣流一轉，檔案一開…

開！！

一開檔案，見到一對學生哥、學生妹拖住手…

個學生妹咪係Molly？？



佢紥起條辮、戴副黑框眼鏡，著住一件白色恤衫，領口位有一個灰色煲呔，下半身一條灰白格仔短校裙…

條裙都幾短，露出大部份長腿；件恤衫又微窄，兩團波波拱出恤衫…

件校服咁性感嘅？？

仲要同隔離條友拖住手𠻹！！

隔離果條友，咪係…

呀哥？？

佢又著住校服，乜佢哋讀書已經識嫁咩？？

再睇睇背景…



係佢哋間屋喎…

咁即係近嚟嘅事喇。

原來呀嫂鍾意玩制服？

好，睇下一張！！

Click下一張，剩係見到件衫掛响衣架。

雖然得件衫，但係都令人有無限遐想…

因為哩件衫一啲都唔簡單，係件戰衣---不知火舞件衫！！
 


哩件根本唔係衫，而係幾條帶上繞下繞咁纏住個body…

Molly頭先著校服，咁下一張咪不知火呀嫂？？

快！！

快快睇下一張！！

要睇勁sexy、勁高戰鬥力嘅不知火呀嫂！！

翻落下一張，竟然唔係不知火！！

而係見到一條女背部近鏡，條女著露背裙，肩膀兩邊有條帶扣住，下半身就應該係條裙。

因為鏡頭太近，只係估計到似係條裙；條女背脊好白滑，佢攬住個男人…



果個男人又係呀哥！！

即係話條女係呀嫂喇…

唉…

無得睇不知火呀嫂都算，又要睇你攬住佢…

下流！！

哼，我睇下一張！！

想再click，無喇？？

得咁少？？

好，開另一個file！！

想開另一個file時，發覺鎖咗；再開其他file，全部鎖哂！！

呀哥，你借啲意叫我攞return home card，都係想俾我睇吓Molly啲相曬吓命啫，而家鎖咗唔啱數喎！！

不過咁，呀嫂著校服果張係幾靚女嘅…

我，我幫呀哥備份先。

先將學生呀嫂copy，再開大露背果張copy。一開張相，忍唔住再睇…

靚…

真係好靚！！

上次睇露肩，今次成個背脊睇哂，係正嘅！！

靚背睇到迷哂，盡情去睇發現原來呀嫂左肩有攤少少胎誌。一少點紅印，上次唔覺嘅？？

唔通哩啲唔係胎誌，係守宮砂？？

即係話影相果時呀嫂仲係處，之後就俾呀哥嗒咗？？

唉吔，呀哥你都攞咗佢個人喇，咁都唔留返個處俾有需要人士嫁！！

唉…

知道呀嫂失豬後，將哩張最後的處女下載之後熄機抆咭。同呀哥報告揾到，佢就叫我去旺角交咭。

交咭前一定要講清楚，同呀嫂打車輪單嘢不作追究。




(待續)