明目•偷情 後話: 上得床嚟牽被冚 (3)

上得床嚟牽被冚 (3)
~~~~~~~~~~~~


三個人响的士上，懷住唔同心情去邊度邊度。
 
隨住架的士一路行，我個心就跳得越快…
 
望住出面啲樓宇，出面啲街道，我知道就快去到呀嫂屋企…
 


換言之就快見到呀哥…
 
一見到就斷正，大鑊過俾Jimmy見到…
 
一波未平一波又起…
 
天呀…
 
我自細行善，人哋買旗俾1蚊我就俾兩蚊；人哋扶呀婆過馬路、我就唔單止呀婆仲會扶埋佢個孫女…
 


點解要俾咁多考驗我呀？？
 
無語問蒼天，的士已經到達呀嫂屋企門前…
 
一行出的士就會進入鬼門關，會見到閻王呀哥。
 
真係要去？
 
不如送到哩度，我坐返哩架的士返歸喇。
 


「Molly，我…」
 
我正想同佢講我屋企煲落湯，要返去熄火果時佢已經半推半撞咁趕我落車。落到車望見佢門企大門，忽然之間覺得度門好偉大…
 
偉大到唔敢上前。
 
望住大門，諗諗吓都送到佢返屋企，任務成功可以徹退。
 
「送咗妳返屋企喇，有無分加先？」
 
「加分？」呀嫂笑笑講：「你頭先諗住𡁻完鬆，減分就啱。」
 
「咩𡁻完鬆？無啲咁嘅事。」
 
「係喇，係喇。」呀嫂講：「俾個Goodbye kiss我喇。」


 
Goodbye kiss？
 
都好喎。
 
望望四野無人…
 
我又身痕…
 
攬住呀嫂嘴返啖先。
 
我雙手抓住佢pat pat，兩隻手分開抓住，呀嫂就雙手搭落我頸背。兩個貼到實一實，胸膛去感受呀嫂對波逼力。感受到香甜雙唇口水，雙手開始揉弄富有彈性pat pat。一路抓一路將pat pat兩團肉分開，就好似撐開佢對腳準備插入…
 
諗到插入，細佬即刻站起來預備作戰…
 


色心起時突然有股不祥之兆！！
 
心窺下雙眼四圍望…
 
會唔會係呀哥出咗嚟見到？
 
望咗一輪，好彩無人。
 
雖然無人，但係大門上方有個cctv！！
 
個鏡頭對住我哋…
 
咁而家我哋交換口水咪錄低哂？？
 
仆街！！


 
正仆街時，另一個仆街出現…
 
果一個仆街就係呀嫂屋企度門開緊…
 
即係有人出嚟！！
 
係呀哥响cctv見到，所以出嚟尋仇？
 
God damn it！！
 
唔好開門…
 
唔好出嚟呀…
 


睇住度門逐漸、逐漸打開，我個心狂跳、狂跳躍起…
 
想叫呀嫂唔好再啜，不過驚到講不出聲，兩眼瞳孔放大咁望住度門…
 
呀嫂未發覺到即將被捉姦，仍然陶醉响kiss摸pat之樂，錫到啜啜聲…
 
大門打開，終於有人出嚟…
 
佢係…
 
「Mum，早晨。」
 
一聲早晨喚醒咗呀嫂，佢擰轉身望望，之後講：「Morning，出嚟倒垃圾？」

「唔係，我出嚟偷懶。」
 
「哦，先生起身未？」
 
「先生走咗。」
 
「咁早走咗？」呀嫂同我講：「子浩走咗，你入唔入嚟坐吓？」
 
呀哥走咗，我同呀嫂入屋？
 
好過份喎…
 
仲成世界嘅？
 
「我入去？佢會唔會陣間返嚟呀？」
 
「唔知呀。」呀嫂拖住我隻手講：「驚嘅話咁佢返嚟你咪走囉。」
 
佢返嚟我走？

咪即係斷正先走？
 
「吓？」我驚訝一聲。
 
「行唔行？」呀嫂又用殺死人眼神望住我，果種眼神既誘惑、亦都係推我去死…
 
誘惑既係啱啱嘴完，入屋就唔止嘴咁簡單…
 
死嘅原因，當然係呀哥隨時返嚟，咁就水洗都唔清…
 
點算好？
 
橫掂尋晚都執咗一濟，今次咁危險嘅都係收手算喇…
 
「我…」我啱啱想走人時，個天就落大雨。好戲劇性咁我哋三個入屋避雨，入到去我好自然拍拍呀嫂身上雨水，佢都掃掃我頭髮…
 
兩個响度互掃，就好似兩隻猩猩聚埋一齊互相捉蚤，溫馨場面洋溢四周。
 
捉哂啲蚤，我哋互相凝望…
 
哩種凝望係kiss前奏…
 
望住佢紅唇，望住佢眼神…
 
忍唔住想錫咗佢一啖…
 
當行動時，發覺眼邊有另一雙怪異眼神望住我…
 
果雙眼神就係頭先開門出嚟果個菲傭…
 
係喎…
 
佢係呀哥個賓賓，响佢面前同呀嫂親熱咪死得？
 
佢頭先見唔見到我哋响出面交換口水呢？

問問佢先。
 
當想開口問果時，呀嫂講：「我入房換件衫先，你自己搵位坐吓。」
 
「好，好。」
 
答咗之後打算行去客廳梳化，個菲傭就行去客廳另一角望實我…
 
佢到底想點？
 
一雙帶有歧視性眼神，係怪責我勾引佢個Mum？
 
搞清楚，唔係我勾引佢，而係佢勾引我喎…
 
再係咁望，信唔信我去平機會投訴妳吖喇！





（待續）