《十七歲嗰年，我做咗Miss隻兵》: 第一章 （2）

走了三層樓梯，阿祖他們終於回到課室，課室裏竟站着一個熟悉又陌生的臉孔，是Miss Lam。

之所以熟悉，是因為剛才在台上見過她；陌生，則是因為上一年的班主任並不是她。

「Miss Chan呢？Miss Chan去咗邊？」一位學生問道。

「起立。」Miss Lam沒有直接回應學生的問題，收起笑容，嚴肅地說。

豈料，過了約十秒，還有學生未站起來——是還在盯着Miss Lam發呆的阿祖。



「同學，你要大家等你幾耐？」Miss Lam瞪着阿祖說道。

「一定係見到你太靚女唔識得起身啦。」Yuki的說話惹得其他學生一陣哄堂大笑，卻剛好喚醒了阿祖。

眼見所有人都站了起來，Miss Lam才說：「你地可以叫我Miss Lam。Miss Chan離咗職，我會接手佢所有嘅工作，所以我會係你地嘅班主任，都會教你地嘅通識科，希望依一年可以同大家好好相處。無問題嘅話，我地敬個禮先⋯⋯」

「我有問題。」突然一把聲音打斷了Miss Lam的話。

是阿祖。



「點解Miss你咁靚會黎依間Band3學校教？」阿祖問道。

面對學生的讚賞，未有受過正規教育培訓的Miss Lam除了尷尬外，其實不太知道該怎應對。然而，今天是她與學生初次見面，若第一次見面就被他們發現自己的弱點，來年也不知要怎過了。

她只好硬着頭皮說：「你想知呀？放學留係到我話你知呀。」

Miss Lam以為這樣他就會打退堂鼓，豈料，他竟微笑地回答道：「好呀。」

唔係掛，第一日就要我罰人留堂？Miss Lam低估了Band3學生的料子，留堂對他們而言簡直是家常便飯，根本算不上甚麼。



「竟然第一日就咁急要比我罰，咁我就成全你啦吓。」Miss Lam說，內心其實是十萬個不願意。

阿祖沒有再搭話，Miss Lam終於可以和學生敬禮了。她努力掩飾內心的緊張，說：「各位同學早晨。」

「Miss Lam早晨。」學生難掩笑意地說道。

這笑意，除了是因為阿祖和Miss Lam之間的精彩對話，還有一部分是因為興奮——興奮地計劃着接下來的課堂該玩些甚麼把戲才好。


下課後，學生很快便散去，課室只剩下站在老師桌前的Miss Lam和老師桌前的阿祖。

「呀楊祖耀同學，你有咩問題呢？」Miss Lam微笑地看着阿祖問道，可即便是盲的，也能感受到她的笑容並非發自內心。

可阿祖沒有理會她笑容背後的真實想法，按照早想好的劇本說：「有呀，點解你會黎Band3學校教囉，唔驚咩你？⋯⋯定你太廢？」



「楊同學，你咩意思？」

「咁你唔答我，我咪唯有隨口估下囉。」

「因為我想用我嘅真誠黎感化你地。」Miss Lam嘗試保持她臉上的笑容說。

「嘩，你真係可以去攞奧斯卡。」

「喂，雖然我語氣係假咗啲，但我係真心架。況且，Band3又點姐？我夠Band3學校出身啦，咪又係咁，Band3分分鐘仲好過啲勾心鬥角嘅Band1學生。」也許是笑累了，Miss Lam開始低下頭，着手執捨桌上亂得可以的通告、點名簿、文件夾和暑期作業。

「哇，Band3學校出身，咁你成績都唔方好得去邊啦，教唔教得黎架你？」

「你再懷疑我，你信唔信我用當年係DSE拎嘅星掟死你呀拿？」Miss Lam突然抬起頭，瞪着每句都和自己作對昨阿祖。

新老師果然係新老師，啲反應都可愛啲，阿祖心想。



「講笑姐，點會信唔過你呢？係呢Miss，你個樣咁後生，考邊年DSE呀？」阿祖故意這樣問，嘗試就此推算出的年紀。

「關唔關你事呀？」可惜，Miss Lam也不笨，馬上猜到他的用意。

「哇，Miss，你咁講我好受傷架喎。」阿祖按着胸口，裝出一張受傷的表情。

「唔同你癲，送個班長襟章比你，今年就由你同Yuki做班長啦。」

「唔撚係掛，我喎，你信得過我？」阿祖驚訝，活了十七年的人生，從來沒做過一次班長，不要說班長，連科長也只有體育科老師才敢讓四肢發達的他做。

「喂，楊生，尊重下好喎。」

「Miss，我對你好尊重架啦喎，仲要讚你靚女，仲想我點呀？」



「你可唔可以唔好咁口花花呢？」Miss Lam說。

阿祖突然站起來，雙手撐在桌子上，哄近Miss Lam，說：「你咁靚女，好難喎。」

「我未話你走得，做咩無啦啦企⋯⋯」當Miss Lam的目光從桌上的文件移到阿祖身上，頭往上抬的瞬間，竟剛巧對上他炯炯有神的雙目。

原來他和自己僅相隔不到一個拳頭的距離，嚇得Miss Lam的臉頰涮地紅了一片。