兒戲的愛情: 8. 我想保護您
快樂既時間真係好快 上到山頂一陣就日落
影下日落相 抖下 抹下汗飲淡水
就要落山結束今次約會
________________
落山 開始天黑
開始暗 又無街燈
早有準備 我有帶電筒
唔洗怕 有我在無意外
慢慢咁行落山條路有d鈄
地下又多樹枝 好易勾到腳
見佢差d仆親
緊係即刻 拖實佢 扶住佢 問有冇事啦
同佢講：「拖住 唔準放手 ！一陣有咩損傷 我點賠返個女比人地娘親 。」
一波未完 一波又起
點知再行多陣
前面成群野豬仔跟住隻野豬媽媽（隻豬身型：大份個人）
係路邊搵食。 嚇到個傻妹企係到唔識行
緊係唔好拎燈 直接照射d豬
一陣衝埋黎就大鑊
野豬群見到我地兩個就走埋一邊
即刻拖住佢走 再見唔到豬群
就一手抱住佢 安慰佢
自己忍唔住 錫左佢一淡
佢竟然話：「做咩呃左人地個嘴！」
我：「無偷丫~見你驚之嗎！」
佢：「我唔理你呃左人個嘴！」
我：「咁我唔呃，你個嘴以後都係我既！」
佢：「衰人！」
之後就錫埋一齊
_________________
慢慢拖住行落山
呢一刻 我只係想保護佢
唔想佢受傷
愛其實很簡單 但現實卻會變得複雜