【短故】【愛情】颱風下剛好的愛: 後記

大家好，我係雨霖，呢篇係本故嘅後記。
IG:rain.lam_96

呢個故係我突然之間有嘅靈感。講真嘅，我當時五點左右就被颱風嘈醒左，身邊都有啲朋友係寫末日愛情故，跟住我就諗：咁颱風嘅愛情呢？所以我就開始創作左呢故。

創作呢個故時，我冇諗太多，基本上係順住自己感覺寫，有好多你地見到嘅情節甚至係我臨時加上去。夏東宇同冬雪晴呢段一日嘅愛情，十分簡單但已足夠，因為雙方都係大家需要對方時剛好出現左，愛情真係唔使太複雜，有時剛好就已經足夠了，簡單一個擁抱，已經抵得上千言萬語，有時有好多人甚至只希望自己戀人可以係佢需要時比一個擁抱佢，聽我嘅，愛情真係唔使太複雜，你只要肯去用個心去了解對方需要啲咩，然後係佢需要你時剛好地比一個擁抱佢，呢一段平凡又剛好嘅愛情，都正正係我所憧憬嘅愛情。

呢個故都有提到一啲家庭問題。我個人認為父母生得出仔女嘅時候，就應該負起自己嘅責任，去比佢感受到一個家庭温暖，而加社會上有好多離婚個案，甚至單親家庭仲多過美滿家庭，多諷刺啊？愛情係兩個人嘅事，但你生左仔女後就係三個人嘅事，你要去顧及自己仔女嘅感受，而唔係自己爽完就算。冇人知仔女會因為你地父母而傷心欲絕，仔女最信任嘅就係老豆老母，你地居然唔係比佢一個家，而係破壞佢呢個唯一嘅家？講真哥句，我十分鄙視哥啲完全唔肯付出關懷同愛比仔女嘅父母，對於你地嚟講，仔女算唔上啲咩，但對於仔女嚟講，你地就係佢嘅一切。

同時，我希望各位面臨住家庭問題甚至想自殺嘅朋友，可以放底自己嘅執著，因為唔值得。倒不如將自己僅餘嘅氣力用來感受世界嘅美好，你而加身邊虛無一人，只不過係佢迷左路，呢一個迷左路嘅人總有一日會係你需要佢嘅時候獻上一個剛好的擁抱。



最後，希望大家可以多多支持呢個故，同埋本人嘅處女作：《深夜巴士上重遇過去的那個她》。
係一個有關巴士嘅校園愛情故事啊！

21/08/2020 03：26
《颱風下剛好的愛》收筆.
後記.完.