「上次屋企發生甘既事,你有冇出現係我身邊啊?打左好多次俾你都冇人聽啊!個時係Jason日日陪我,我承認對佢係有感覺,但我冇諗過會同佢一齊......」我都唔知點解當時可以甘夠薑同我老公講我鐘意左第二個。
 
「你冇諗著同人一齊,甘你唔好玩人地啦!算啦!算啦!你如果想離婚既就離啦!」
 
「好啊,離婚啦!」
 
我諗都冇諗就答佢。當晚我執左幾件衫就返去我媽度訓啦!我仍然唔相信係Jason出賣我,佢點解會同我老公有對話。
 
第二日,我諗著打俾佢同WhatsApp 搵佢,佢都冇聽冇覆。到了星期一,我返工諗著當面問佢了解清楚。佢竟然冇返到工,仲請左幾日假。我實在太想知道事情真相,放工後坐車去佢屋企搵佢(我點會甘夠薑上去啊!)只好係佢留下等佢,再send msg俾佢。今次有應機啦!佢打左一句「以後唔好搵我。」
 


我睇到宜句話真係嬲到一個點,我send msg問佢「冇諗過你會出賣我!」估唔到send宜句話時已經一個得✓號,我即刻打俾佢都飛去留言信箱,fb同ig更加唔洗講都block埋。
正如佢之前所講,以後會各行各路,估唔到就係宜刻兌現左。
 
我原本想等最後一個機會問清楚Jason,就係佢last day個日。個幾日佢冇返工既日子,我諗左好多野,成件事歸根究底都係我既錯。我竟然將一個處男推到懸崖邊緣,就算見到面我都唔知點面對佢。
 
到佢last day個日,我同主管講我唔舒服拎sick leave。我唔想見佢係因為當時內心仍然百禁交集,一方面好憎恨另一方面又好心痛。
 
我趁著假期返去老爺奶奶度執埋啲野走人,我一返去,兩老竟然叫我唔好走,阿B點算啊?你係媽媽黎啊,唔可以只顧自己架,宜個係一個家啊!我聽到一半眼淚已經湧上來,我老公突然出黎拖左我入房,同我講:「老婆,你聽唔聽到我阿爸阿媽講咩,你唔可以甘自私,為左個仔我地重新開始過,好唔好?」
 
我冇諗到佢竟然會肯同我重新開始過生活。


唔好搞錯,佢係為左個仔先同我重新開始咋。

雖然有番家庭,但我知道自己失去左好寶貴的東西-友誼。

完。