唔駛一定入U，我揸van仔，都溝到好多女。: 26 以為佢派餅
戅鳩鳩咁Gigi就做咗我條女，唔經唔覺過撚咗成兩個禮拜。佢好撚癡身，每日啲電話幾乎無停過，只要佢一得閒，佢就會打電話俾我，總之乜柒都話曬我知，有時聽吓佢點樣冧啲客，點樣作鳩兩條兵送禮物都幾好笑，但係絕大部份時間我都覺得煩。
“屌，唔撚好咁煩啦！”
“今朝因為聽你電話，幾乎炒車呀！”
“好啦，好啦，同你講對唔住得喇掛，今晚？好撚攰呀，好啦，好啦，唔講住，做緊嘢呀！”
一日，同細C交收緊，Gigi失驚無神打電話嚟，細C喺旁邊聽撚到晒我講乜。
“女朋友？”
到我收撚咗線，佢先問我，可能佢直覺同埋我講電話嘅語氣，知道我同女講緊，仲唔係普通啲女。
“係！”
細C問我電話裡面係咪我條女嘅時候，我睇到佢有啲緊張，當我答佢話係，佢表情幾古怪，好似有啲失落咁。
“幾時識架？唔見你提起嘅，等我仲以為你未有拖拍！”
“兩個星期掛？唔係好大件事，咪無同你講囉！”
人哋提起自己條女多數都會好撚興奮，不過我就唔知點解，一啲興奮感覺都無，答起細C上嚟都無神無氣咁。
細C好似想回應，但係佢最後都撚忍住，耷低個頭繼續點收。
成個寫字樓本來已經得番我同細C兩個人，依家大家都無出聲，個氣氛好撚死靜。
“今日發生咩事啫，你咁勞氣！”
細C終於再開口。
我同細C講，朝早因為聽Gigi電話，無留意到隔離線架車切線，好撚彩我反應快，煞得住架車，如果唔撚係就炒大鑊，條撚屌司機仲好撚串嘴，同佢嘈一輪，仲幾乎開埋拖。
“又再係牛脾氣！”
細C再無講咩嘢，我本來想同佢吹多一陣水，但係佢話約咗條仔食飯，仲催鳩我走，搞到我好撚無癮。
嗰晚，Gigi就唔好彩，我當佢唔撚係人咁，用盡所有女女最撚辛苦嘅姿勢去屌佢，就算佢想話唞一唞，或者話想轉一個較為舒服啲姿勢，我都詐聽唔撚到，屌完一鑊又一鑊，總之將所有悶氣發洩晒出嚟為止。
Gigi同我都好似散晒咁，連扯口事後煙都好似無力咁，Gigi唞撚咗一大輪，佢詐我型。
“你傻咗呀，定係唔like我今朝發你脾氣，一啲都唔錫我，下次再係咁，我唔俾你屌添呀！”
我無撚理佢，佢自己死死地氣走去沖涼瞓覺。
第二日，我如常上到細C公司，見唔撚到佢，都我差唔多要走，佢先啱啱喺佢老細間房出嚟，佢一見到我走揚一揚手，叫我唔撚好走住。
“送俾你架！”
細C質咗疊好似西餅卡咁嘅嘢俾我，我嚇撚咗一跳，以為佢派嫁女餅，成個人謝撚咗。
“哈哈，你唔睇吓係咩嚟呢？”
細C睇出我有啲唔妥，佢提鳩醒我。
屌，女神要嫁，食乜撚都無味啦，做叫到，即管瞓吓邊間西餅舖嘅餅咭，聽朝送撚咗俾肥婆老闆娘，費事眼冤。
吓，乜原來係老火湯券嚟嘅，我屌！！
“飲多啲湯啦，無咁燥呀！”
我眼都大撚埋，幾乎流出眼淚，老母死撚咗之後，十鳩幾年嚟，我都好似未撚見過老竇煲湯，佢退休後，依家一年有十個月喺鄉下，更加唔撚駛講。
“你有無買呢啲老火湯券俾你條仔？”
夜晚刻我同細C what’s app傾偈，我問佢。
“無喎，佢番親屋企，佢媽咪都會煲湯佢飲，上我屋企，我媽咪又會煲。”
哈哈，我總算得到細C嘅第一次囉！我好撚阿Q咁諗。
唓，人哋條仔唔撚希罕呢啲啦，聽唔撚到細C講咩，佢唔憂無湯飲呀！諗到呢到，無撚晒癮。
“我飲得湯多唔掂架，你知唔知？”
“點解？”
“我無晒啲火，怕無膽！哈哈。”
“你會唔夠膽做咩？”
“錫你囉！”
細C靜撚咗無覆我。
“嗰晚你有咩咁覺？”
我唔等細C，再問佢。
“好特別！”
等咗一陣，細C回我。
“我可以令到你個感覺仲好啲！”
“係咩？”
“當然係啦！哈哈，我時時都諗翻起嗰晚！”
“唔准諗呀！”
“尤其是我可以好似你條仔咁錫你，摸你，我幾乎日日都諗翻起！”
“唔准再講呀！”
“Okay，Okay，我唔講，不過我只係想話你知我唔會忘記啫！”
過去咗嘅幾個禮拜，細C可能想抹走佢腦裏面嘅記憶，所以佢對我好似無事發生過咁，但係經過我再提翻起，佢亦都知道發生咗就係發生咗，無撚得返轉頭。
之前佢話撚過佢好想再感受吓俾人追求嗰種感覺，可能我正正俾到佢想要嘅嘢。
自此之後，好多時我趁住做嘢，捉撚吓佢隻手，或者搭撚吓佢膊頭，佢都無點抗拒。
⋯⋯⋯⋯
“做咩咁早搵我嘅？”
個零鐘頭前我先上完細C公司，平日我起碼11點幾12點先再what’s app佢，但係今晚我7點幾8點未到就搵佢，佢好撚奇怪。
“無呀，今晚成個人頭慶慶，好攰，同埋周身骨痛，無做夜班！”
細C話我係感冒，唔撚駛佢講，我自己都知道，呢幾日我公司班夥記輪流請病假，估唔撚到今次輪到我啫。
細C叫我探熱，叫我食退燒藥，我就話佢知我屋企乜撚都無，叫我落街買，我又話唔想再落街，佢話我卄鳩幾歲人都唔識照顧自己，佢竟然有啲火。
我不嬲都相信自己身體好撚壯健，幾年都無一次傷風感冒，就算有，飲多啲水，瞓一晚，第二朝就無撚晒事。
佢見我咁撚硬頸，都無辦法，淨係叫我早啲瞓，事實我都好撚攰，同佢講聲拜拜，涼都無沖，就瞓著咗。