唔駛一定入U，我揸van仔，都溝到好多女。: 53 隔離珠女搞緊嘢
我都未睇清楚間房係點鳩樣，細C就催我落樓，落到樓下大堂，等咗超過十分鐘，珠女同佢條仔都未出現。
“係咪呀，我都話佢哋無咁快啦，可能佢哋仲喺鋪床上面呀！哈哈….”
“唔一定啦，你估個個都好似你咁咩！不如你幫手睇吓個牛雜檔喺邊啦！”
細C攞住本旅遊指南左睇右睇，又用手機google，乸手唔成勢咁，今次係由佢編排行程，佢話同佢條仔出外，事無大小都係由佢條仔安排，佢未撚曾試過好似今次咁辛苦。
佢話今晚掃街，但係仲未搵到牛雜檔喺邊。
“車，牛雜之馬，搵唔到咪算囉，香港大把啦！”
“哈哈，呢檔牛雜好特別架，珠女同佢男朋友都話一定要食呀！”
細C咁講，我真係抓撚晒頭，牛雜我食唔少，真係唔知會有咩特別。
“哈哈，呢檔牛雜有牛鞭，同埋牛波子！”
細C見我好似唔明咁，佢紅晒面，喺我耳邊細細聲咁講。
“哈哈，原來係咁！珠女今晚人鞭都有得食啦，仲駛食牛鞭咩，哈哈！”
聽到我咁講，細C個面紅得仲緊要，想笑，但係就極力忍撚住，佢一手拍落我度。
“唔該你唔好咁核突啦，哈哈！”
細C終於忍唔住笑。
“唔駛等今晚，珠女可能依家已經食緊！不如我同你輸賭？”
“輸賭咩？”
“輸賭佢哋要幾耐先落到嚟，同埋有無搞嘢！”
“即係點？”
“睇佢哋半個鐘頭內落唔落到嚟，落唔到，即係佢哋搞緊嘢！”
“車，唔俾珠女肚痛，要去廁所，遲咗落嚟！”
“咁又係，快唔代表無搞過，或者珠女條仔早洩呢，哈哈….”
“喂呀，你好衰呀！”
“哈哈，我同你賭一餐酒吧，我輸就請你飲到你話唔飲為止，你輸就陪我飲一杯！”
講吓珠女同佢條仔，幫細C摷吓地圖，最後珠女哋落到大堂，同約定遲咗差不多半個鐘，珠女望吓手錶，尷尷尬尬咁，細C亦好撚識做，無問佢哋點解咁遲，就離開酒店，一齊出去掃街，佢今晚預算食乳豬飯，牛雜、葡撻同埋糖水，我心諗食唔食到咁撚多呀？
屌丫，乜澳門咁撚興旺，成街都係人，尤其是食嘢嘅地方，間間都質撚到爆。
“嘩！今日好日呀，咁多人嘅？”
“喂，大鄉里，尋日同今日係澳門賽車呀，咪咁多人囉！”
細C笑鳩我大鄉里，屌，呢兩日我咁撚多嘢做，邊有時間留意咁多唔等駛嘅新聞丫。
唔講唔為意，佢哋一講起，就真係聽到身邊啲人，大多話題都係同賽車有關，好多麻甩佬仲講埋邊個車隊啲車模夠索，邊對啲制服夠性感。
“細C，你今日著得咁性感，身材又好，不如出年你都去做車模，玩吓啦！”
珠女條仔應該同我一樣，好撚早就留意到細C一身衣著，佢無撚識死，喺珠女面前讚細C，話口未完，珠女就唔撚妥佢。
“人哋細C有大大個男朋友，要讚都係人哋男朋友讚，唔輪到你讚呀！”
珠女谷撚起泡腮，講完即刻擰側身背住佢條仔，佢條仔知道自己“奶嘢”，好似死狗咁，成晚連望都唔撚敢再望多細C一眼，跟撚到珠女實，不過珠女就專登拖撚住細C，兩個人一齊行快幾步，撇撚開佢條仔。
喂，肥妹仔，你同條仔耍花槍係你哋嘅事，你唔撚好剝奪我同細C一齊嘅時間先得架。
細C同珠女一路行，一路細細聲咁傾偈，耐不耐仲見到細C喺度笑鳩珠女咁，佢做好做醜，同珠女傾咗一輪，話要我幫手搵吓個牛雜檔喺邊，成機就質鳩翻珠女俾佢條仔拖住。
我哋兜撚咗幾個圈，唔知檔牛雜無開檔定係點，始終都搵唔撚到。
“食到咁飽，牛雜唔食就罷就啦。！”
我見珠女同細C不停咁兜圈，喂，咁撚樣要兜到幾時啫，我同珠女講。
“唔制呀，我要食，我要食呀！”
珠女港女上身，捉住佢條仔隻手臂喺咁搖，詐撚晒嬌。
“珠女，算啦，食唔到牛鞭，今晚叫你條仔請你食人鞭囉。哈哈…”
我乘機抽珠女水。
“死van仔，賤格，刻人憎！”
珠女面都紅撚晒，追住我嚟打，細C就笑到腰都彎撚埋。
牛鞭、牛波子食唔撚到，最後都係拉隊去食糖水。
“細C你一定要食雙皮奶呀！保養好個身材，等啲唔等駛嘅人見到流晒口水呀！”
一坐落，珠女仲要串鳩佢條仔一鑊，佢條仔唔撚知俾咩反應好，呆撚咗坐喺度。
“哈哈，細C食一碗，珠女你要食兩碗！”
我追住珠女嚟玩，唔撚放過佢。
“咩呀，點解要食兩碗？”
“哈哈，珠女，你廟細燈籠大丫麻！”
“咩廟細燈籠大呀？你實係講衰嘢啦，衰人！”
珠女雖然唔知點解，不過佢知道我係講撚緊衰嘢，事關平日我同佢哋吹水，都無乜正經嘢講，三句唔埋就講鹹濕笑話，或者直頭抽佢水。
“你今晚返房，你條仔會慢慢同你講係咩，記住叫佢同你抹靚對燈籠呀！哈哈….”
“食完糖水去賭場行吓？”
細C想打完場，不過我心諗，珠女同條仔邊有心機去賭場，佢哋梗係想早啲返酒店好過啦。
果然不出所料，珠女話佢哋唔賭錢，兼夾好撚攰，想返酒店。
“我問過珠女喇，哈哈…，無喎，佢哋無咩過喎！”
送撚咗珠女上的士，細C即刻要我找數，正話珠女發佢條仔脾氣，細C同佢傾開，問咗珠女。
“如果無嘅，願賭服輸，我請飲酒囉！不過佢哋喺房咁耐，我唔信乜都無發生。”
“唔係乜都無發生，不過無所講嘅嘢發生啫。”
“我講過咩呀？哈哈…我唔記得喎！”
“喂呀，你唔好咁無賴呀，你話咩嗰啲搞嘢囉！”
“咁你想去邊間酒吧？我唔係賴數，只係想知道佢哋就算唔係搞嘢，咁佢哋喺房做過乜，等我輸得心服丫！”
細C話唔想飲酒，叫我陪佢四圍行吓，一路行，佢講咗少少關於珠女喺房啲嘢，不過好撚皮毛，仲問我咩叫「廟細燈籠大」，我解釋俾佢知，佢竟然話我講老土話。
原來珠女一刪埋房門，佢條仔就好撚興奮咁攬鳩住佢，珠女都未試過同條仔朝夕相對，兩個就忍唔住打起騎倫，嘴得兩嘴，佢條仔開始手多多，搞到兩個人都興撚晒，佢條仔就想即時同珠女搞一鑊，珠女話撚晒未同過條仔搞過嘢，唔撚想咁求企就俾佢，加上怕我同細C等得耐，佢俾條仔摷鳩一陣，就推開條仔，整返企理啲衫褲，落樓同我哋會合。
“嗱，呢啲係珠女私隱，你聽過就算，半句都唔准講呀！”
細C怕我口疏，佢唔撚知，我出嚟玩咗咁多年，已經習慣晒唔問對方身分同背景，就算要留意，都留意佢身材好唔好，床上功夫到唔到家好過啦。
細C同我都唔知想行去邊，總之見到邊條街無咁撚多人，僻靜啲我哋就轉入去，我驚細C怕黑，想拖住佢隻手，佢好撚避忌，我一伸手過去，佢就縮鳩開佢隻手，不過就同我手臂貼手臂咁，不過轉得幾轉，就轉咗去一啲人影都唔多個嘅地方。
“怕唔怕？”
“少少啦！”
“咁返去啦，好唔好？”
“我想行多陣。”
咁我乘機想再拖佢，細C都讓步，佢用手指尾勾著我手指尾嚟行。
一面踱步，同細C東一句，西一句咁，佢問撚吓我自立門戶進展成點呀，Gigi近況呀，我又問撚翻佢做嘢做成點，幾時結婚呀咁。
“你好想我快啲結婚咩，吓？”
我隨口問啫，估唔撚到細C會咁答我，我當堂無撚晒反應。
我同佢突然無唔撚知講乜 好，大家都無再出聲。
“喂呀，有粥賣呀，我想食呀！”
行多三兩條街，細C見轉角有檔生滾粥，佢話食屎，我都話好啦，陪唔陪佢食落口，咪到時先算啦。
“我唔係好肚餓，叫一碗兩個人食丫，好唔好？”
女就係咁撚奇怪，諗起食嘢，就算明明唔肚餓都要食。
“你食先啦，食得幾多得幾多，食剩我包底！”
“唔好啦，我食剩先俾你唔好嘅，一齊食啦！”
叫條老細俾多隻匙羹，條佬細都黑口黑面，可能佢覺得我少幫襯，攪攪震，好撚耐都唔扐隻羹過嚟，細C打眼色俾我，暗示我唔好同個老闆嘈，好，就算撚數！
細C食幾啖就遞隻羹俾我，叫我食，我食幾啖又輪翻到佢。
“你鍾唔鍾意食豬潤架？”
生滾豬雜粥最撚嫩滑係塊豬潤，點會唔鍾意丫。
“嗱，剩一半俾你！”
我屌！細C咬撚咗半片豬潤，佢問鳩我，原來碗粥得一片豬潤，咁撚啱佢又好鍾意食，如果我話唔食，佢就食撚晒，依家我話鍾意食，佢就留一半俾我，仲遞撚埋我個口邊。
天氣咁撚熱，加埋碗生滾粥，食完成身標撚晒汗，都係返酒店嘆吓冷氣好撚過。
返到酒店，睇吓手錶，同細C逛街逛撚咗個幾鐘。
“喂呀，我瞓呢張，你瞓嗰張！”
細C入到房就左睇右睇，睇一輪，同我講話佢揀近窗台張床。女即係女，間房唔夠兩百尺，兩張床相隔都係兩尺左右，佢到要揀餐死，下次同我瞓埋一張咪唔駛揀得咁辛苦囉，哈哈。
佢揀好之後，就第一時間跳上張床攤唞。
我亦都有時間睇清楚間房係點，呢間房兩張單人床，好撚簡單，酒店唔撚係好高級，細C同珠女志在過嚟澳門行吓，所以覺得無所謂。
睇埋個廁所，感覺呢間係情侶酒店，度磨砂玻璃廁所門係無戌無鎖，加埋個清玻璃企缸浴屏，睇落都係同拖友搞氣氛嘅設計。
“細C，你入嚟，快啲！”
細C聽到我叫得咁急，唔撚知發生咩事，佢鞋都無著，就走入嚟。
“聽吓！”
我陰陰笑，細C塊面就紅到滴血咁。
好清楚聽到珠女同佢條仔把聲。
“珠女，你對波好大呀！”
“嗯…呀..！”
聽到珠女咿咿呀呀咁，可能同條仔打跟茄輪。
“幫我含吓丫！”
“唔好啦，咁肉酸！”
“你話過到澳門幫我含嘅，你睇我硬晒啦，幫我含吓啦！”
珠女更係同條仔打緊水戰，佢間房就喺隔離，啲聲應該經過通風槽傳過嚟。
“唔好再偷聽呀！”
細C驚俾珠女聽到，細聲同我講，一面出力推我出浴室。
咁撚精彩嘅現場收音，我邊捨得放過，細C推極我都唔肯出去，佢見推我唔郁，就攬住我條腰，成份人撲埋我個身度，想借力推我出去，我亦都乘機攬住佢，同佢鬥力，兩個人攬埋一舊你推我甕咁，自從同細C游完水，佢上我屋企過咗一晚夜之後，到依家都未撚試過。
當然，如果我真係唔肯讓細C，佢邊撚度會推得我郁丫，我半真半假咁俾佢推返出浴室，兩個人一齊碌落床度。