唔駛一定入U，我揸van仔，都溝到好多女。: 116 俾人呃蝦條
成個下晝趕撚到甩肺，好彩呢輪老闆娘生意少咗啲，啲「柯打」無排得咁密，到六點零已經追返晒所有行程。
去撚到約定地點，阿Sue已經企喺路邊，佢左手一抽，右手一袋，買撚咗好多嘢，包括埋兩個飯盒。
我下晝同佢講，夜晚嗰餐無乜時間食，不如第二日先再同佢一齊晚飯，點鳩知佢話買個飯盒一齊食囉，我無撚得再推啦。
喺市區唔撚係咁容易有地方可以泊低架車，我諗住去屋邨停車場有半個鐘免費，點知喺中途阿Sue見撚到條街有個畫咗影線嘅上落客區，佢叫我泊埋去，喺嗰度食。
“前面屋邨停車場有半個鐘免費喎！”
以為阿Sue想幫我慳停車場泊車費啫，點鳩知佢話泊埋去食，睇吓有無人會過嚟抄我哋牌，佢會邊食飯，邊睇撚住有無差佬，有就即刻叫我開車走人。
我屌，平時開工趕時間就話啫，而家食餐飯，佢都要食得提心吊膽先過癮，唔撚係咁變態嘛。
真係大開眼界，喺我溝女事件簿裡面，總算有一條喜歡刺激到極致嘅女出現。
.....................................
其實有一樣嘢令我唔放心嘅，細C早朝同我講，佢約撚咗條撚屌地產經紀佬食飯，條撚樣晨早對細C流晒口水，不過我同細C講，佢又唔信，話條撚樣幫我慳咗幾萬銀，叫我請佢食餐飯多鳩謝佢喎。
屌佢啦，佢有佣金收架，條撚樣口甜舌滑，我怕細C俾佢呃蝦條。
我七點幾what's app佢，睇吓佢哋食完飯未。
食條撚，都成十點，我問細C，佢仲等緊條撚樣收工。
唔撚好用what's app傳來傳去咁嘥時間，我直頭泊架車埋一邊，直接打電話俾佢，叫佢唔撚好出去食飯，返屋企把啦，點知講撚得幾講，佢竟然唔鍾意，識佢咁耐，除咗我同人霎氣嗰幾次，佢從來未發過我脾氣。
之後，我what's app 佢，佢都唔撚回覆我。
到十一點，我嘗試俾電話條撚屌經紀，佢無接聽就cut鳩我線，之前搵佢睇樓嗰陣，成十二點call佢，佢都即刻接我電話，而家佢喺來電顯示應該知道係我，cut鳩我線，一定有唔妥。
.....................................
我成鳩晚囉囉攣，幾乎每三、四個字就what's app細C一次，到半夜都瞓唔冧，起幾次身，走出去廁所，偷偷哋what's app佢。
“做咩，成晚起身嘅？”
卒之搞醒埋Gigi。
“去廁所。”
“無嘢呀嘛？今晚去咗好多次囉喎！”
“肚屙呀！”
“我無事喎，你係咪喺出面食錯嘢呀？”
Gigi拿拿淋起身同我搵止痾丸。
.....................................
第二朝七點幾，一出撚咗門口，就即刻俾電話條撚屌經紀。
未夠十秒鐘，條撚樣即刻接我電話，佢有啲口窒窒，我知道細C大撚鑊。
“DDLM，尋晚你做撚得好事多呀！”
雖然唔知佢點撚樣對細C，我拋鳩佢。
“無呀我無做過啲咩呀！”
條撚樣連聲都震撚埋，仲話無嘢！
“屌你，係咪要我帶差佬上嚟拉鳩你呀？”
我乘機嚇佢多一嚇。
“無呀，van哥，我無搞到佢呀，我淨係摸吓佢咋，後尾佢唔肯，我都叫車送咗佢返屋企！”
“摸吓？！摸吓會搞撚成咁？！”
我唔鳩知細C搞成點，不過我知道男人承認摸鳩吓，就唔止係摸吓咁撚少。
“van哥，你放過我啦，我淨係錫過佢對波，指插過佢下面幾吓，佢就醒咗，我真係乜都無做過㗎，van哥，你放過我啦！”
“咁仲唔夠呀？非禮呀，睇吓差佬鋤唔鋤得你入？！”
我慶撚到爆咁滯，真係想call差佬拉柒佢。
不過回心諗吓，搞撚大咗，盞累埋細C。
“唔好呀，van哥，你高抬貴手，放過我一次啦，我會向細C小姐道歉呀，我會賠償俾佢㗎！”
“咩呀？！賠償？！你而家當我屈鳩你呀？你老母！”
佢唔講賠償我無咁慶，以為我出嚟屈鳩佢錢！
“唔係呀，我唔係咁意思，van哥，你俾時間我，我先同細C小姐道歉先啦！”
講老實，到而家我都未搵到細C，唔知佢點，我講乜鳩都無用，而家有個位俾我落台，我乘機嚇鳩佢兩句先。
“記撚住呀撚樣，我隨時可以去你個乜撚監管局投訴你，等你工都無得做呀！”
細C呀細C，你以後唔撚好咁容易信人啦，呢個世界好撚多人呃蝦條㗎！
條撚屌經紀無幾耐就再俾電話我，今次佢無正話咁撚騰雞，好撚老定咁同我講，佢俾咗電話細C，向佢道歉咗，細C仲話佢哋飲多咗，唔會責怪佢。
我條氣即刻擉撚住，不過無撚得出聲，只可以怪細C咁唔爭氣，明明俾條撚樣呃咗蝦條食，仲咁撚大方。
到下晝，細C終於肯回覆我。
我成朝條氣都下唔撚到，無再搵佢。
佢仲以為我乜鳩都唔知，呃我話佢好早瞓咗。
“你真係無事就好啦，以後我都唔使點擔心你嘞，你咁識得照顧自己！”
我一肚氣，不過佢始終係女仔，我唔可以篤鳩爆佢。
佢唔追究，我無嘢好做啦。
唉，我火起上嚟咁撚樣同佢講啫，對細C我點都唔會唔理佢，佢有咩事，我一定同佢出頭。
.....................................
不過而家要攪撚掂Gigi同條狗公呢一劑先啦。
聽阿Sue講，雖然Gigi同條狗公攤咗牌，但係條柒頭皮仍然耐不耐嚟纏住Gigi，我怕Gigi好似以前咁，俾條撚樣𠱁得幾𠱁，又心軟呀。