[純愛]幻想: 第二章—喪親(下）

幻想（悲情）
第二章
-
我跟着主診醫生行過去病房，見到兩張病床，床上面瞓住一男一女，佢哋身旁有好多儀器，身上面蓋上一張白色薄被。
-
護士拎一拎起張被，俾我最後確認死者係咪我嘅親戚。我見到佢哋安詳嘅樣，我內心唔知講咩好，其實我好想喊，但係我知道我而家唔喊得....
-
過咗一陣，有為數不少嘅親戚嚟到，佢哋個個都喊到要生要死咁樣。我反而坐係角落頭，好冷靜咁樣望住電話....
-
親戚嚟到之後，我哋去咗整死亡證....呢一張證同出生紙一樣，拎到死亡證，等同正式確認死亡....


-
我拎完兩張死亡證之後，我放喺背囊度，之後同親戚傾咗陣之後要點處理遺物。咁我就自己一個返屋企整理遺物.....
-
返到去空蕩蕩嘅屋企，望住呢個曾經四個人一齊住嘅屋企，而家得返一個人喺度...去到呢度已經忍唔住，我放聲大哭，跪喺地下喊咗好耐...
-
情緒稍稍平復之後，我行咗入我婆間房執嘢，主要都係藥物，少量首飾，唔同證件文件。執嗰陣時我本身都好冷靜，直到見到牆上面貼住一張相....
-
而家張相係係以前舊屋嗰度影，我婆同埋我阿媽抱住細個嘅我，呢一張就好似全家福咁樣。張相裏面嘅三個人，咁就剩返一個...點解要拋下我一個？點解要咁殘忍？
我兩隻眼又唔爭氣咁樣留下眼淚，好似訴說緊我嘅冇用。我已經冇力再大聲喊，淨係就咁靜靜地咁樣喊...
-


執完成晚，個人好攰瞓咗上張床度。完全瞓唔着，內心好波動。望一望電話，有唔少人安慰我同埋支持我。唉，咪又係得個講字？我反而越睇越傷心。嗰一晚，我一直喊着瞓覺，喊到成個枕頭濕晒...
-
大姐姐部份將會喺下一集出現～