[純愛]幻想: 第十章—夜跑(上）
男主視角
-
系床上面胡思亂想好耐，最後決定落街夜跑。平時心情差或者有嘢諗唔通，夜晚就會落街跑步，所以間房旁邊會掛住一套運動衫。我快快手換一套全黑嘅運動服，再加上一對全黑嘅Ultraboots 20，簡直完美。
-
正當我諗住出門口嗰陣時，Grace着住一套居家服，喺房行出嚟去廁所。佢見到我着成咁，就問我「Alfred，你去邊度啊？著到咁樣嘅？唔通去做早啲不可告人嘅嘢？」
-
「一定係咁啦，我落街跑步咋嘛，我陣間會鎖門㗎喇。」我邊拎條鎖匙出嚟邊同佢講
-
「唔好啦，我都有啲想跑，你等我一陣。」講完呢句之後佢就飛咗入房，我連阻止都阻止唔到。
-
過咗五分鐘都冇，佢就換咗一套運動服就行咗出嚟，換衫嘅速度令我驚訝，我仲以為要搞十幾分鐘。
-
總之我哋就係屋企出發慢慢行到去海旁，海旁嘅長度偏短，整條長度大約只有1公里。於是我地搵咗個地方做一做熱身和伸展動作，之後就來回跑5公里，有啲驚訝系Grace嘅速度同埋耐力都比我好，最尾佢快過我，嗰一刻我真係好想將自己個頭放入地底。
-
跑完步大家休息緊，我坐喺隔離望住佢個樣。呢次都係我第一次認真望佢。佢啱啱跑完步成身汗，塊面白裏透紅，雙腿好苗條同好白滑。由於件衫濕晒，件衫緊貼佢身體，睇得出佢豐滿嘅上圍撐住咗佢件衫，正當我隻眼係咁望嗰陣時...我心口突然間俾人打咗一拳。
-
「望夠未呀！變態佬」
-
佢發嬲個樣真係好可愛。於是我就決定玩一玩佢「未望夠呀」同一時間我舉起雙手好似要捉住佢咁樣。
-
佢驚到彈起身，之後下意識向前跑走，正到我睇住佢咁做，我指住佢恥笑咁同佢講「我玩你咋，返嚟啦」
-
係佢轉身嗰一下，佢隻腳踩到一塊大樹葉，跟住失平衡，個人轉左一個圈，之後左腳落地跌咗喺地下上面。我即刻跑過去睇咩事，嗰一刻我內心好自責，自責在於點解我要咁樣玩佢，搞到佢整親，真係覺得自己好仆街。
-
-
-
今日小弟突然間要去處理白事，連我自己都覺得有啲突然，搞到心情唔係太理想，不過文都係要寫下嘅，寫完心情都會好啲，之後都係一日或者兩日會有一篇文。