女神突然上左我屋企（新）: 3

第二朝我聽到鬧鐘就起身，我感覺到有D好重ge野壓住我，流曬D口水係我到，我無理到佢，我就推走佢然後落。大約六點，我煮早餐就叫左佢起身，我地大約七點就出門口。 

意「我地去邊？」

我「鄧肇堅」 

意「點去阿？」 

我「k51轉輕鐵」 意「邊到轉？」 我「兆康」 



我地上左k51後 

我「呢架係k51，你去西鐵就上呢架。」 

意「喔，你幾點開波?] 我「九點。」 

意「我一陣間去天水圍。」 

我「你識點去就唔洗我同你去。」 



意「我當然識啦，我住天水圍ga」 

我「叫你男朋友，早d同你去街」 

又係我「你應該12點去到」 

仲係我「呢到係兆康，我地上610去銀圍」 

依然係我「一陣間我地返兆康然後你就上西鐵」 



佢點一點頭，然後用耳機塞左我半邊耳仔，。 

意「聽下，呢首好啱你。」
 
誰人會愛我這種孤兒仔​流落到谷底
恐怕我已是個 熱戀的後遺
無人前來認領 骯髒的身體
若想抱抱就等下一世 

我「李樂意，你玩我！」 

意「咩姐，你係無人愛，無人同你. . .」 

我「夠啦！！！」 



意「哈哈. . .你睇下你個樣，幾好笑。」我「落車啦」 

我同佢八點到左，一到場就見到李sir喺到，當阿意想去同李sir講點解佢會出現，我立即阻止佢。 

意「喂，咩. . .」 

我打斷佢「遲D你就明」 

意「細李sir呀！」（大李sir 主要教A,B，細李sir 主要教C grade) 

當阿意去左細李sir嗰邊，大李sir叫左我同我講左幾句。 

阿意返嚟嗰時居然幫我熱身。 

「做咩幫我拉筋？」 



「細李叫我幫你地熱身？」 

我熱完就坐左喺一邊，阿意去左幫其他人熱身，我就不停回想中一嗰時。 

中一嗰時我係踢中鋒，我仲入到青年軍，但喺嗰時因為好多人踢中鋒，我表現好勁，所以成日有人故意整傷我。 

有一次，我射唔入一球十二碼所以有人打我，但嗰個係有錢人，所以報警都無用。 

我知佢唔係因為我射失所以打我，而係我踢左佢嗰位，佢無得出場。 

嗰一次後我無踢中鋒，落左一格去中場，好少主射十二碼。 

大李sir同小李sir 由我出世睇到我大，佢喺嗰次後不停安慰我。 



今次佢要我踢中鋒，係因為本身踢中鋒個阿金被一個世敵學校ge學生踢到佢受傷 。 

－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－


返到現場，有40個人到左，點解40人嚟，因為A，B，C grade者嚟左。 

大家已經準備聽李sirs講野。 大李「出場名單睇到未，防中要落去幫波，左右中場拉邊  . . .最後！」 

大，細李「如中，如中」 

大家「必勝」 

我地一開都不停地喺後場猜波。



20分鐘，左路突然爆，大斬個波，不過大力左少少，我接到後輕鬆一cup，過左一個中堅，勁射近柱。1-0 

30分鐘，對手防中失誤，石仔（攻中）直傳，我又一次近柱入波。2-0 

半場李sir叫我多d遠射，我當然開心，因為我本來都係成日練遠射。下半場前阿意喺我耳邊講左一句，我無回答佢，因為我只係想用行動答佢。 

下半場明顯對手攻擊多左。50分鐘，對手角球開出，我地龍門打走個波，我接到後一直跑，都唔知過左幾多個人，宜家你出動咩拉莫斯拉低我，我都唔會停。我係20多碼位置一個勁射，成個巴落迪利咁射樣，然後嚟個巴哥除草機。3－0 

70分鐘我喺禁區比中堅拉低，球證直指十二碼點。 

石仔「邊個射」 

光仔（防中）「我想射。」 

其他人「我要射」 

我「我射」

大家聽到我出聲立即靜左，佢地都無諗過我會射。佢地全部都退後，睇嚟今日呢一場十二碼爭霸戰嘅冠軍就係我，大李sir見到我企喺禁區外準備射都嚇左一跳。 

我知道我要meet 到阿意嘅target 就一定要射入，今日唔射都就會後悔一世。 

我一腳勁射，龍門救到，個波直彈到條柱到，然後個波錄入左。 

「嘩呀！」大李sir好大聲咁叫。 

「必，必，必」完場

如中 4－0 共中

我一直跑，跑到阿意前輕輕地講「我得左呀，你要守承諾，我每晚都可以同你訓！」