女神突然上左我屋企（新）: 10

其後我就無再諗過呢樣野，一直普普通通咁生活，

「 呀死人頭！」

「衰鬼！」

「廢物！」

呢幾個月黎我已經習慣左佢咁樣叫我



亦都習慣左同佢嘅同居生活

老母會定時打電話黎關心下我地嘅生活

不過大部分佢都係關心錢同阿意

「阿明！好心你執下間屋啦」

因為阿媽有一日咁同我講，而且下個星期就聖誕節，所以我地就下定決心執執佢



「衰鬼！呢個好污糟呀！你抹啦！」

我「…」

「呢到有好多野呀唔執啦」

我「…」

「呢個唔係我嘅野，你抹」



我「…」

結果全世部都係我抹

佢就喺到行行企企

但係老實講我咁大個仔都係第一次執屋

我執到入阿媽間房先現入面仲有間密房

我本來以為會鎖左

結果一推就推開到到門

我行入去



「屌，燈制都無」

我出聽攞手電筒

「你做咩攞手電筒」

我一五一十同佢講曬

本來訓喺核發上睇手機嘅佢成個人彈起身

「咁有趣？」

我「洗唔洗咁大反應？」



「我好奇姐」

我「情人如若很好奇」

佢「要有被我嚇怕的準備」

我準備聽下一句個陣，佢打斷左我
「不過我有話做你情人咩」

「我唱下姐，咁你又唱下一句」

佢講唔過我，嬲嬲地咁行走左

我「你唔去睇啦？」



佢聽到後9秒9跑返黎

佢「睇，一定睇」

【密室大冒險】開始

我地行到佢門前

我拍一拍道門「FBI open up」
然後輕輕力開門

佢「你做戲做全套，用力踢道門」

我用力一踢，結果唔記得道門開左，踢左空氣



佢「哈哈哈哈哈哈，你真係好可愛呀」

我尷尬咁講「我驚踢爆道門先踢空氣」

佢笑住講「係啦係啦」
「我好勇敢ga，我入去先」

佢一入去就講「呢到咪有燈制囉傻仔」

我行入去開燈點知無着

我扮一個高人咁講「我一早就知開唔到，所」

我以字都未講嗰陣

盞燈就着左

阿意未黎得切笑我，我同佢都被呢間房嘅野嚇親左…