那些年，我最愛的兩個女孩子: 11

「阿玲…」
 
「嘉麗…」
 
「識到妳，係我最開心嘅事，由F.1開始妳就保護我照顧我，我冇飯食，妳就分俾我，我校服爛到補唔到，妳就送一件俾我…我要窮到買舊書，妳就幫我買新書送俾我……妳對我太好，只係…對唔住…我搶走左Tony…我背叛左妳…」
 
「傻女…都幾廿歲人啦，以前17歲嘅事仲提黎做咩…」
 
「我就快走啦….我對仔女…」
 




「我一定會做契媽責任…幫妳同Tony好好照顧佢地」
 
「Tony爸爸媽媽間屋…我地間屋…都交俾妳打理啦，老爺奶奶間屋租緊俾人，d錢妳幫佢地打理….仲有…幫我地定時拜祭四個老人家…」
 
「我會好好照顧埋世伯同伯母…」
 
「我真心唔放心個仔……如果可以，我想將佢送入我地學校保護佢…只不過…」
 
「阿風……佢能力一定得，只不過…要等三年…呢三年佢點行，冇人知…」
 




「阿玲….幫我送佢去Tony到…樂善堂書院…我唔想…佢再係呢d學校同人打架」
 
「我會….我下學年會送佢走…」
 
「程太，妳想阿風轉校，想佢離開所有社團人係唔係?」
 
「冇錯，黃警司，你可以幫到佢嘛?」
 
「最快要下學年，不過我會要求保安局出面，要教育局幫佢換學校，最後呢個月…我會派軍裝係學校門口守住」
 




「麻煩哂你啦黃警司」
 
「點呀風哥!!!仲打唔打算由北角殺出條血路呀!」
 
「唔…唔殺啦…我…會乖乖地讀書」
 
「阿仔…媽咪好想…好想你大個娶詩敏做老婆，當年係媽咪….用手段…係契媽手上搶爸爸過黎…所以…媽咪想你娶詩敏，照顧返契媽…好唔好?」
 
「媽…媽咪…我…」
 
「嘉麗…我地果代嘅事唔好帶俾下一代，我冇嬲過妳地兩個，係真……詩敏同阿風，由得佢地自己發展啦…我唔想，再有另一對阿忠同美玲出黎，辛苦咁多年…」
 
「阿玲….好對唔住…..」
 
「由今日開始，逸怡同逸風，我都會當佢地親生仔女咁睇…我會好好咁教佢地…」




 
「我對仔女就拜託妳啦…」
 
「阿怡…過黎…」
 
「媽…媽咪….唔好…」
 
「媽咪細個好窮，嫁妳爸爸果時，媽咪先第一次有自己金器…公公婆婆打用棺材本打左對龍鳳鐲俾我做嫁妝…而家媽咪就送俾妳……將來要嫁個自己鍾意、錫妳嘅男仔…」
 
「我….我知道啦媽咪…」
 
「阿風…」
 
「係…」
 




「如果將來家姐嫁左後有委屈，媽咪批准你……用武力解決問題，你要負起保護家姐責任…」
 
「我會…我一定會保護家姐同詩敏…」
 
「呢到…係爺爺嫲嫲送俾媽咪嘅龍鳳鐲同金豬……將來…你娶詩敏又好，娶雪凝又好….契媽契爺都會幫佢戴起呢d金器」
 
「媽咪就快陪爸爸，妳地兩姊弟要相依為命，互相支持知唔知?」
 
「我地知道啦…」
 
就係第二日，媽媽離開左我地，係5年內，我由一家四口，變到剩低我同家姐兩個人