那些年，我最愛的兩個女孩子: 16

學校未開始教書，我自己就開始左溫習同備課，不過因為我前兩年時間都完全浪費哂，所以我追得比較辛苦，家姐D宿友知道我地嘅事之後，好多人都黎幫我地手，當中包括教授。
而聚多宿友之中，有一個姐姐係對我最好嘅姐姐，佢叫Samantha，佢有極好嘅身材同好嗲嘅聲音，完完全全係索女一名，而佢主要教我英文
 
「嗯…阿風你好有進步喎，而家d tense 冇咩點錯」


「係姐姐妳教得好者」
 
其實每次佢教我讀書，小風次次都會直立企係到，真係好難頂。我真係懷疑佢係咪幫我補習，次次都係熱褲背心，佢又唔係唔知佢心口對野好大。
 




幾經辛苦終於都補完，佢臨走仲要錫我一啖
 
好難頂呀!!!
學校開始教書日子黎啦，我都好乖咁係到聽書。F.3讀嘅科可以話係最多，唔計PE，要上11科，所以我一開始已經放棄音樂同美術，呢個都係大部分同學嘅選擇。
 
係新學校，我係冇咩朋友，應該係話冇朋友。上pe堂時，男有男打波，女有女跳繩，我就自己坐埋一邊睇男同學打籃球，爸爸以前都係籃球校隊呢……仲要係打前鋒，負責搶分，我自己就受到爸爸影響，鍾意打籃球，不過細細個又參加過足總d咩暑期青訓，走左去做守門員，結果我以前又打波又踢波，不過兩邊都係用手咁解。
 
 自己一個人坐埋一邊睇notes，唔上pe堂已經成為我嘅習慣，亦都冇咩人會過黎同我傾計，可能佢地都知道我以前嘅事啦，其實我自己一個靜靜地會更好。當上堂有咩唔太明白唔太清楚，我放學後總係會去教員室伏擊…呀…應該話係等老師解答我問題，有時候，搵唔到教我果個，我會搵教相同科目嘅老師去問佢問題。
 
放學返到Hall，我會立即清哂所有功課，清哂當日教果d，然後再去搵家姐同學或者教授問佢問題，我d補習老師真係MIT畢業架喂




 
終於係10月嘅測驗，我做左樣我自己都估唔到嘅事出黎，我考到全級第一。果日放學我依舊自己一個離開學校，每日我都好遲先走，因為我會問老師問題之類，好彩呢間學校嘅老師都肯幫我解決問題。我經過球場，見到我班同學係到打波，隻手開始有D痕，有波唔打係會爛手架嘛。不過…今次D同學有少少麻煩，佢地同班藍燈籠有D衝突，果班應該係以為自己會上位嘅垃圾掛。見到同學俾人打，我幫唔幫拖好?我郁手，就勞教中心見，唔幫手，就見住同學俾人打，所以，我決定做呢件事