那些年，我最愛的兩個女孩子: 25

「下!!!!佢係恐怖雞個女?」
 
「係呀，恐怖雞係我媽咪，你地有邊個敢蝦我嘅話，我媽咪唔會放過你地!!」
 
「女俠呀!!!饒命呀!!!」大家真係好驚契媽
 
「仲有!!!佢唔止係我阿哥!!仲係我男朋友!!如果佢係學校有女仔埋佢身嘅話，我唔會放過你地!!」詩敏雙手撓實我隻手向大家宣佈呢件事
 
「風哥!!阿嫂有命，我地唔敢唔聽」
 




不過大家係我表情中都知道，我係俾詩敏迫住做佢男朋友
 
「詩敏，妳唔識打波喎，妳黎做咩呢?」
 
「我就係黎學打波!」
 
「我怕整親妳，一陣契媽怪罪上黎，我孭唔起啦」
 
「怕咩喎，媽咪唔會鬧你啦，快D教我打波啦」
 




「咁呀….首先呢，妳應該由基本功開始學起」
 
「基本功?」
 
「即係拍波，妳首先單膝跪，係啦…唔好掂地，好…然後用五隻手指控制個波，唔好用掌心拍」
 
係我好細心教詩敏打波果時，佢就錫左我塊面一下，抽水
 
詩敏佢讀書同運動都好叻，不過唔知點解生得唔高，所以佢細細粒粒，好多人鍾意佢。第一次帶完佢去打波之後，佢每日都捉我去球場邊教佢基本功，出奇地，佢進步好快，第二次跟我地打波已經識運球。
 




「嘩!!!小雞!!!妳咁快識運球啦!!」阿熙好驚訝詩敏咁短時間進步咁多
 
「咩小雞呀!!!我有名俾你叫架!!」
 
「都係小雞襯妳多D」
 
「你食屎啦!!!」
 
「嘩!!!咁粗魯嘅」
 
「阿哥呀!!!呢條羚羊呀!!!」
 
我雙手合十向住阿熙「熙哥….唔好蝦佢啦」
 
詩敏今日要學嘅，係彈地傳波，一如以往，都係我做佢拍檔