那些年，我最愛的兩個女孩子: 36

到9月1 號，開學嘅日子黎啦，會考課程殺到埋身啦
 
「好啦各位同學……」
 
班主任Miss Law，又係佢呀，佢第一句未講完已經見到我地成班趴左係檯上邊瞓，點解?因為我地尋晚又去打波囉，放學後，佢地幾個一齊去我屋企幫手執野返hall
 
「Selina姐姐今年grad啦喎，佢打算做咩工呀」
 
「家姐一直想做空姐，但佢而家唔放心我，佢仲考慮緊」
 


「你而家都定哂，佢仲唔放心d咩?」
 
「咁爸爸媽媽走果時，吩咐佢好好照顧我」
 
「不過我覺得好似你照顧佢多d喎」
 
「呢個好正常丫」
 
「咁你今年呢…仲會唔會去Samantha房到玩呀?大姐姐喎」
 


「佢肯我冇所謂呀，次次同佢游水果時呢….正呀」
 
9月初我再一次搬返去hall到住，而一開始教書果時，我已經不停咁溫書
 
到左月中，我發現自己開始頭痛加劇，所以食止痛藥開始多左，同時家姐都發現我開始食藥
 
「阿風你又頭痛呀?」
 
「少事者，有時溫書溫太夜，唔夠瞓咪咁囉」
 


其實唔止頭痛，我仲開始瞓得差
 
F.4課程好緊密下，不停咁樣小測同溫書，基本上一星期就一定有一個小測。所以我地打波次數係少左D，點都好，間唔中都要打下波輕鬆下
 
一星期有兩日放學都會去打波，而Tiffany 都開始跟住我地黎睇打波
 
「嘩阿風，Tiffany真係向你全力出擊喎，尋日放學又去睇你打波」
 
「未必一定係睇我嘅，拿……星期五我放學唔去打波，你地睇下佢跟唔跟埋去囉」
 
「星期五你唔打?有事?」
 
「去睇醫生者，經常頭痛，星期五你地去邊到打呀?」
 
「西檸雞囉，果到少人」


 
星期五嘅診所入邊，人數唔係太多，大學診所邊到會有學生黎睇丫，如果係我屋企附近姓林果個醫生?佢真係多人到睇到8點都未收得工，就係因為太多人，所以我先唔去睇佢，傳聞佢兩個女有時會去幫手，仲要好靚咁，有機會的話我都想去睇睇
 
係大學診所拎左D頭痛藥，仲拎左D助睡眠嘅藥，希望可以瞓得好D咁啦
 
星期六上晝，我地一班人去左踢波，於是我就問返星期五放學嘅事