那些年，我最愛的兩個女孩子: 38

「唔?怕羞仔你射Key輸俾我d師姐，係唔係校隊」
 
「我唔知佢係唔係呀，我地係西檸雞見到佢地」
 
「西寧街?我D師姐好少去果邊喎，又工廠又殮房」
 
「我地見佢應該係F.4，就係想問下妳識唔識佢地」
 
「叫咩名呀?我應該有印象嘅，媽咪有教會考班」
 




「Joanne，佢係扎馬尾，而且…」
 
「而且大胸、長腿又靚女嘛，校花Joanne Kwan，另外兩個呢」
 
「同我地鬥果個叫Ivana….」
 
「Ivana Chow，好有活力，我都知邊個，咁最後一個應該好似我咁扎左對麻花辮，身材唔差、好白，有少少呆，又唔太識運動，係唔係?」
 
「係呀…妳點知」
 




「果個係Jessie Lam，我地學校模範生，佢地三個屋企都係果到附近，如果你地想要佢地電話呢，我係絕對!!!!唔會!!!俾你地!!特別係Jessie!!」詩敏突然間氣勢好強勁
 
「唔?詩敏，妳同三個師姐有仇?」
 
「我費事你地去追佢地咋!!!」
 
「佢地應該有男朋友啦，我地邊有機會丫」
 
「以我所知呢，三個都冇拍拖，咁你地想點丫?係我學校門口等佢地放學好唔好?如果你地冇事嘅話我介紹埋俾你地識丫」
 




然後大家一齊望住我
 
「除左阿哥之外」
 
「超……」
 
阿熙係詩敏身邊靜靜地咁講
「我只係覺得妳怕阿風去追人地之嘛，妳根本就唔夠三個師姐鬥」
 
詩敏聽到佢咁講，佢條氣立即唔順
「你…你…你條羚羊!!!我怕咩同佢地鬥呀!!!佢地有嘅野我夠有囉!!!」
 
講完，詩敏係大家面前叉起條腰再谷一谷自己個胸，我見到咁樣，立即企係佢面前擋住佢
 
「詩敏乖啦，女仔黎架」




 
「咁佢串我丫嘛」
 
「我又冇話妳唔好，乖啦，錫返啦」
 
我錫左佢額頭一下之後，佢條氣先順返
 
「額頭咋…」詩敏嘟長個咀望住我
 
「返屋企先錫妳啦」
 
氹返詩敏之後，我地繼續打波
 
詩敏佢又進步左好多好多，係我送佢返屋企果時，佢依然實實咁撓實我
 




「你又話錫返我嘅?」
 
「頭先咪錫左妳額頭囉，仲想要多次?」
 
「唔…我想你錫我…」詩敏嘟長佢個咀
 
望清楚四周冇人，我就錫左落去
 
「唔…都係你最錫我」
 
「妳呀…千祈唔好俾契媽知道我地而家仲係拖手錫咀呀」
 
「唔……你仲係咁…咁我搵個男仔錫我算啦」
 
詩敏講完就好快咁走返入屋




 
佢仲係閘內鬧左我一句「死人頭!!憎死你呀!!」
 
返到去hall沖完涼先發現，自己又係瞓唔著，又要食助睡眠藥
 
咁樣唔係辦法，我真係好想瞓一覺，於是我去拎左兩粒黃色丸仔，收鼻水果隻，一過左陣終於瞓到
 
詩敏真係好叻女，不論讀書同打波，點知，佢闖禍嘅本事，比起讀書打波仲更加叻。