那些年，我最愛的兩個女孩子: 41

「阿哥估唔到你都會行街架喎，仲要過海」
 
「好奇咩，妳第一次過海呀?」
 
「邊係喎，你以為我只係龜縮係香港島呀?」
 
我望一望四周，再拖起詩敏
 
「阿哥?」佢抬起頭望我
 




「妳而家最想有人保護，我點可以唔保護妳?」
 
終於佢淚線忍唔到啦，佢攬實我喊
 
「我好衰….明明鍾意阿哥你，又走去識第二個…」
 
我輕輕摸住佢個頭「傻妹，妳呢個年齡想識男仔係好正常」
 
「對唔住呀……」
 




「傻妹」
 
「阿哥你咁錫我…」
 
「我錫妳呢，係應該，呢個月我都會好似以前咁樣寵妳，錫到妳燶」
 
「呀!!!我真係想立即嫁俾你呀!!」
 
「肚餓未?」
 




「嗯!」
 
「拿…平時契媽唔會俾妳食街邊野，我就帶妳去食啦，好唔好?」
 
「哈，阿哥你衰啦，帶壞我啦」
 
「咁妳跟唔跟?」
 
「一定會跟」
 
當日我拖住詩敏係旺角不停搵野食，由煎釀三寶到臭豆腐碗仔翅之類都食一次
 
結果返到hall果時，我地係成身都係油炸味，而一向話要減肥嘅家姐一聞到之後就發哂癲咁樣
 
「煎釀三寶呀!!!小丸子呀!!!!!你地兩個冇人性呀!!!!仲要買糖水!!!」




 
「家姐妳食唔食呀!!!」
 
「詩敏妳…妳唔好引我!!!!」
 
「阿哥打開口丫…呀」
 
「呀!!!」
 
「忍唔住啦!!!吼!!!!」
 
結果家姐係我地引誘之下，成功增磅