那些年，我最愛的兩個女孩子: 48

學校中期試之前，我每日都落自修室，我真係溫書架，唔係去識女仔，通常都冇咩人會陪我落自修室，怕羞仔鍾意係屋企溫，阿熙就要夜晚先會溫書
 
每日一放學，我都會趕落自修室搵返自己坐慣個位，通常我坐低冇耐，Tiffany就會跟住到達自修室。因為佢知道詩敏係唔會落自修室溫書，所以佢就會落黎搵我一齊溫，除左中、英、數之外，我同佢相同嘅就只有一科Geog
 
我已經Set好幾時溫咩科咁，因為個腦一日之內只係溫一科嗁話，係會爆炸架，所以我通常係會bio加maths、geogle搭a.maths、phy加chem咁，其實都係睇當日有咩堂者…….
 
我4點落到自修室就開始溫a.maths，大約去到7點鐘左右我個肚開始餓。於是我伸個頭去Tiffany度，發現佢都同一時間望住我
 
「你計完數啦?計左好耐喎」
 




「3個鐘左右啦，妳想唔想食野?」
 
「你約我?」
 
「唔同妳食仲可以同邊個食?」
 
我地兩個收好少少野，就出去食飯，都係普通餐廳，唔係太貴。上次Tiffany俾詩敏咁樣串法，我都應該請返佢食飯補數嘅
 
「Tiffany，今餐我請妳食啦」
 




「唔?點解呀?我唔係果d撓埋雙手等男仔俾錢果d人黎喎」
 
「唔係嘅…上次詩敏係球場咁同妳講野…」
 
「哦~上次呀?我都冇放係心到，佢只係一個升F.1嘅小妹妹者，我似係呢嘅人咩?」
 
「唔係…只不過身為佢阿哥，點都要同妳講聲對唔住」
 
「如果你真係想道歉，你可以…」
 




Tiffany唔會要我做佢男朋友呀?我諗到咁樣背後突然涼左一涼，如果俾詩敏知道嘅話會點?
 
「我可以點?」
 
Tiffany直視我雙眼微笑左一下
 
「你以後落自修室果時都教我maths咪得囉」
 
就咁咋，嚇死朕咩，原來只係教佢數學呢d小事，所以我好快就應承左佢
 
「唔…仲有」
 
「仲有?」
 
「每次都送我返屋企」




 
「咁做男仔送女仔返屋企都係應該嘅」
 
「你講真?你唔怕你果個可愛嘅妹妹嬲咩?」
 
「都冇得怕，佢又唔可以24/7係我身邊」