那些年，我最愛的兩個女孩子: 51

今日只係我地自己隊波圍內練波，所以一D都唔激烈，而且冇人黎跟隊，所以大家都玩得好開心，不過球場呢，總係有人會黎搞事嘅，今次黎搞事嘅人，我都叫識
 
一開始成班MK仔，真係MK仔黎，唔理球場規矩，走黎叫囂射波，又係一D帶住女黎嘅MK。
 
成班後生仔血氣方剛，少不免幾句粗口，然後，就有人響朵
 
「你地跟邊個大佬呀?」
 
「我地冇跟人喎」
 




「冇跟人死開啦，我洪興嘅，北角雞蛋仔，唔識我就行開!!」
 
下?乜洪興出左個北角雞蛋仔咩?點解我唔知架喂，咁型嘅
 
詩敏同Tiffany仲有幾個女仔就走黎我身邊，由我保護，不過D MK妹見到有女仔係到，總係要過黎瞭下人先安樂
 
「靚妹妳望咩呀望!!過黎丫!!」
 
「阿哥…我地點呀?」
 




就連Tiffany都開始驚驚地
 
「阿哥…佢地…係咪你舊公司架?」
 
「係呀，不過我唔識雞蛋仔呢條76喎」
 
「你過去救下阿熙啦，佢就黎同人郁手啦，洗唔洗叫黃警司黎?」
 
「唔洗，咁早佢未起身，尋晚佢一定又俾老婆鬧完」
 




我呢句野未講完，阿熙已經同人郁手，仲俾人打左幾拳
 
終於我都要郁手，我埋到去捉實MK仔隻手
 
「你北角跟邊個大佬」
 
「關你X事呀!」
 
「你跟邊個大佬呀!問你呀!」
 
「我大佬就黎架啦!佢見到實打巢你!!!」
 
「係?我真係想見下」
 
「阿哥呀…唔好郁手啦…你睇睇阿熙啦」




 
「詩敏妳去睇實阿熙，Tiffany幫我帶走詩敏」
 
「喂靚妹過黎打我丫」
 
過左幾分鐘，佢地大佬終於黎到。原來佢地大佬，係同我當年同輩份，跟同一個大佬，我嘅舊校老友，暗花