那些年，我最愛的兩個女孩子: 53

暗花同我行埋一邊，佢拎出當年我同佢食埋同一隻牌子嘅煙出黎，幫我點起。佢身邊嘅MK仔MK妹見佢幫我點煙先知得罪左人
 
「讀書點呀?」
 
「全級第一」
 
「似足你能力丫，你肯做實得。同家姐生活點呀?」
 
「係大學hall到住，仲有反黑經常黎搵我咁，咪又係咁」
 




「你變左好多，伯母當年為左你，真係求左好多人」
 
「認清目標嘛，做咩過黎西區?又冇地鐵，過黎踩線?」
 
「遲d呢到有地鐵，油水會多，落黎插定旗先者」
 
「都唔洗搵d咁嘅mk仔呀?同我地以前完全唔同Level」
 
「你走左之後，公司都係搵返呢d人啦，而且而家公司收入又唔多」
 




「大佬呢?」
 
「衰左啦，又過唔到底」
 
「你仲係到?」
 
「就走啦，見你呢兩年變咁多，自己都想轉一轉，做返個乖仔」
 
「跟世伯做車房?」
 




「讀書讀上去，讀ive整車」
 
「你有讀?」
 
「咪咁睇我，我而家IVE夜晚CVS完，就上found dip」
 
「然後升H.Dip再讀大學?」
 
「讀到就讀啦，呢到我都係唔玩得幾耐，反黑盯上左我」
 
「我都得，你點會唔得?」
 
暗花拍一拍我膊頭「得閒返黎北角同西灣河探下我啦，有咩都可以搵我幫手」
 
「有嘅，單眼佬仲有冇做藥房?」




 
「佢有，你要買藥?」
 
「溫書太攰，瞓唔到，想買d安眠藥看門口者」
 
暗花聽到後都有d驚「幫你搵佢冇問題，不過安眠藥小心d喎」
 
「得啦!!我會」
 
「包野你keep，個火都係，老規矩」
 
「我明」
 
「以後你地係到踢波冇人會搞你地」
 




「唔該哂你」
 
「阿風，唔好迫自己太緊」
 
「得啦，我會照顧自己」
 
「我走果時….再通知你，打個邊爐」
 
「一定等你」