那些年，我最愛的兩個女孩子: 61

「其實你地兩個係咪拍緊拖呀?」
 
詩敏聽到怕羞仔咁問之後，到佢第一次怕羞面紅，同時阿熙塊面有d黑
 
「咩喎….阿妹錫阿哥好正常之嘛」
 
「怕羞仔你咁八掛做咩呢，人地兩兄妹嘅事，我地外人唔明架啦」
 
「你條羚羊做咩咁幫我呀」
 




「我幫阿風咋豬西」
 
「賤人!」
 
「食魚皮鮫啦妳!」
 
「幫我淥囉!」
 
「洗唔洗餵埋妳?」
 




「你夠膽咩?」
 
阿熙夾起一粒鮫「打開口丫」
 
「呀!!」
 
詩敏真係俾佢餵
 
「妳兩個幾sweet丫」怕羞仔有d羨慕
 




「怕羞仔你係咪想我塞你個頭落湯到?我點都唔會鍾意呢條羚羊!!!」
 
「唔….唔係….」
 
「喂怕羞仔其實你果次無啦啦應承同人拍拖?」
 
阿熙突然帶起呢個話題，一個非常吸引嘅話題，大家都望實怕羞仔，佢點解會拍拖呢個謎，而怕羞仔俾我地咁問，佢立即唔好意思
 
「即係呢….呀….其實….唔….點講呢…」
 
詩敏開始唔耐煩，每次怕羞仔口窒窒時，詩敏總係會打窒佢
 
「快D講啦!!!男人!!」
 
「其實我係唔好意思拒絕佢……所以咪…」




 
「下!!!!就係咁咋?」
 
「係….係呀…」
 
「咁怕羞仔你鍾意D咩類型女仔呀?我係學校幫你搵丫」
 
「下…..呀…..」
 
「扎孖辮….細細粒粒….得得意意果D囉」
 
「你孌童辟呀!?」
 
「原來怕羞仔係鍾意呢類型嘅…..記低先」
 




我仍然不停係到搵牛肉~牛肉~牛肉~
 
然後佢地開始燒到家姐果邊