那些年，我最愛的兩個女孩子: 68

「校長，我爸爸當年9A入黎」
 
「冇錯，你爸爸係9A狀元」
 
「校長，我side bet妳」
 
其他人聽到之後 都認為我傻左，呢位校長一承諾左之後，就唔會改變主意
 
「hahahaha，同學你真係同小學仲有兩間中學傳聞一樣，做事好瘋狂，好大膽side bet我喎」
 




「校長妳聽過我嘅事?」
 
「同學，你當年小學係唯一一個男仔參加家政學會，家姐鍾意玩槍，你鍾意玩公仔」
 
俾校長咁講一講，我同家姐兩個無地自容
 
「你係北角讀書果時，可以一個人打低兩個藍帽子，再踢跌一部鐵馬再安然返去社團入邊」
 
「到左你去樂善堂果時，又可以考到全級第一，你話你自己做事瘋唔瘋狂?」
 




「校長妳太過獎啦」
 
「好，我接受你Side bet，講啦」
 
「我爸爸考9科，9A入黎。我就要挑戰佢，我都要全A入黎」
 
「你肯定?」
 
「如果唔係，點樣令一大班女仔心服口服?當年爸爸就係咁先可以係到同一大班女仔抗衡，佢輸一次都會俾班同學蝦到死，係唔係呀契媽?」
 




大家將目光投向契媽
 
「嗯….係嘅，當年我地想盡辦法趕你爸爸走…不過全部都係你媽咪諗出黎，與我無關…」
 
「好，8A，你少一個A都唔可以黎讀」
 
「Deal!」
 
「仲有同學」
 
「係」
 
「如果你成功左嘅話，我希望你可以將你嘅峰芒收歛少少，我明白年青人青春期係會….唔…所以…」
 
「如果我成功左，又同d女同學有d發展…我會收斂嘅」




 
出左校門後，家姐先表示不滿
 
「傻架你!!!學人Side bet?」
 
「家姐呀，一係唔做，一做就要做全校最勁果個，如果我輸俾d女仔，我仲有咩面目留低?」
 
「但係…」
 
「呢座高山，我就係要挑戰佢」
 
返到屋企，我立即開始操Past paper，扮咩有型者…..