那夜凌晨，我在迪迪尼樹屋荒島屈蛇後的日子: Chapter 2: 家怡曾經存在嗎？（下）

 「我想搵一個叫畢家怡既女仔。」 

「搵人去猜局呀，呢度係做生死註冊，駛唔駛幫你註冊定先？」 

「唔係...我想知道畢家怡呢個人有無存在過係呢個世界上。」 

「大佬，呢度好Q多個畢家怡，你想搵邊畢個呀？」 

「短頭髮，男仔頭，Baby fat，笑起上來有兩粒酒粒個個呢！」





「痴Q線，我話知佢有兩粒酒粒定兩粒燒賣呀，你俾佢個身份證號碼來。」 

「我點Q知佢身份証號碼呢！」

 「咁你知乜Q呀？」

 「我淨係知佢個名...畢家怡 But Ka Yee。」 說畢，我寫下家怡BB的名字，傳給她看。

 她搜尋一會後，露出一個疑惑表情。 





「But Ka Yee有就有，但只有一個，而佢叫畢嘉儀，唔係叫畢家怡。」 

「咪就係畢家怡囉，我都話有架啦！」我沒好氣地說 

「你都畢既，我話係畢嘉儀，唔係畢家怡。」 她寫下畢嘉儀的名字後，我才明白她的意思...我想要的是畢嘉儀，唔係畢家怡... 

她寫下畢嘉儀的名字後，我才明白她的意思...我想要的是畢嘉儀，唔係畢家怡... 

正當我帶著萬念俱灰的心情離開，不知從那裡走來的嬸嬸拍我膊頭： 「你頭先描述個個女仔，係咪叫畢家怡呀？」 





「係呀！你識佢？」 

「我都搵緊佢呀，你知唔知佢住邊架？」

 「佢...佢住西營盤架，我記得...」 

「真係住西營盤？」

「係呀，我記得好似係...嬸嬸，你識家怡？」 

「點解你又會識佢既？你係佢邊個？」

「我係佢男...同事」我多想自己是她的男朋友，但當然話到口邊就止住。

 「男同事？男同事又咁有心既咩？」





 她說得好，男同事會這麼有心嗎？ 

「我見佢幾日都無返工，所以走過黎問問...你係家怡媽咪？」 

「唔知...我都唔知自己係咪有個女...」 

 可以唔知自己係咪有個女？你係咪有老人痴呆呀？我好想問，但又不好意思這樣說。

 「我意思係，今朝我一起身，突然間好掛住自己個女...我記得自己有個女，但係我明明無生小朋友，又點會有個女既呢？我越諗越奇怪，所以搜勻間屋每一個角落，但係我都搵唔到任何有關個女既野...但係，我明明有一種感覺，自己真係有個女...雖然個女叫咩名，生成點，做乜野，我都完全諗唔起...但係我真係覺得自己係有個女...」

 她語氣激動，我拍她膊頭，請她以深呼吸放鬆。 

「所以，我就黎呢度睇下自己係咪真係有個女...點知，我聽到你形容既畢家怡，我就感覺到，你講既家怡，就係我個女...」





 我真心不知道，眼前呢位滿頭白髮，臉帶皺紋既嬸嬸，是憶女成狂而導致精神錯亂，還是真是家怡BB的媽媽.... 

但我直覺相信她不是騙子，騙子又怎會這樣自然流露真心的眼淚？

何況，奇怪的事今天我已經見了這麼多，難道我就不能接受多一件嗎？ 

「不如先離開這裡再說吧，我先送你回家吧，你住在那裡？」 

「西營盤。」 她媽的，家怡和你不是也住在西營盤嗎！？