我枱頭有盒突然有盒朱古力: 3.

於是，第二天的一大早上，我跟Vincent到校的第一件事，不是回到自己的位子上。
而是直接到呀Ling所屬的教員室。
呀Ling是英文科老師，所以她的位子不是位於我跟Vincent所屬的教員室中。

「呀Ling，我想問下The hollow by the mill，同埋Big hut係咩意思呀？」
「咁簡單，自己搵Google Translate啦！幾多歲人呀。」

「你呢，大為BB，你都有英文唔識？」
我聽到毛管直豎，大為BB？！



等等！這不是代表那紅色心心盒朱古力，就是她送的嗎？

「我想問下你係咪送左我盒朱古力呀？」我打開手機裡的照片，讓呀Ling看看那盒朱古力。
「喂勁喎林大為！有人送朱古力比你喎！」呀Ling大喊。
忽然，全部英文老師都轉頭看著我們三人。

學校非常重視學生在英語上的多元發展，因此請了很多，很多，很多英文老師，甚至能坐滿一間教員室。
就是呀Ling所在的這一間。
而英文科最多的是甚麼？英文字？
不對。是女老師。



糟透了。全校都要知道我收到別人送的朱古力了。

「Hey！Mr. Lam收到盒Chocolate喎！」
「Mr. Lam received a box of chocolate. Do you know who gives it to him?」
......
突然，教員室中響遍WhatsApp的「叮叮」聲。

「咁.....你知道唔知道星期五晚喺酒吧發生左咩事？我想查下係邊個送比我。」
「你又咁肯定關果晚飲酒事嘅？」


 「咁都有機會呀嘛。」
「好啦，等Ling姐姐話比你知啦。今日放學喺711室等我。」

又是711室？好吧。
很快，放學的鐘聲響起了。
明明學生都走光了，還要強行播放那叮噹叮噹。

Vincent跟著我走到711室，「你又跟黎嘅？」
「.....我都想知果晚喺Glen砵典乍發生左咩事。」
「.....Glen係解Valley喎，Vincent哥。」
「Shit！撈亂左！」

「唔好意思！今日Zoom遲左落堂！要你等......Vincent你都喺到嘅？」
「係呀，我都想聽下果晚最尾點。」



．．．．．．．．．．．．
呀Ling視角。

Vincent大口喝下了他那杯Old Fashioned後，忽然就睡著了。
「唉呀，諗住偷偷地整double shot比佢，睇下佢會唔會飲醉去錫你地老細架嘛。」酒保說著。
「邊個估到佢一野就訓低先得架。」
「你另外個同事都發發地癲啦。」

忽然，我身旁的林大為拿起我的Gin and Tonic，
一口氣清掉了。
「唔好意思Ling姐！有啲口渴！」

在林大為另一旁的Vincent，卻是秒速進入夢鄉，竟然發開口夢了。
「Michael.....唔好走......幾時加我人工.....」
原來他所謂奪得校長的歡心，是指升職加薪。



我拿下手機，拍下數張林大為和Vincent的醜態。
到時候便可以叫他們幫我改功課。非常好。

正想我喝一口酒時，才醒起酒杯早已空空如也。
「尷尬囉......有啲咩好飲呀？」
「要唔要信下我，我沖番一杯比你飲？」酒保自信的說。
「好呀。」

Michael仍然慢慢的品嚐著那杯鄉音21。
不對，那日本威士忌不是叫響21嗎？
我的同居男友，一年前在日本花一大筆錢，買了瓶響21回來。
當晚，他竟然主動跪玻璃，求我原諒。
看來當校長的，錢包必定有一定深度。



「Michael，陣間我叫的士，順便帶佢地番屋企啦。我地3個咁岩都叫順路。」
「麻煩哂你喇，呀Ling。」

「我要多3 Shot Vodka！」林大為真的喝醉了，
看來醉酒的他，是會不斷追酒喝。
他大口豪氣地喝下1 shot後，又馬上睡著了。

「估唔到就得番我地2個。」我說。
「係囉哈哈，估唔到佢地2個咁快就訓低。」Michael說。
「哈哈。係囉。」

「試下，睇下你岩唔岩飲。」酒保把特製的雞尾酒放在我面前。
我喝了一口，很香！很好喝！
我一下子便清掉一杯。
「Can I have one more?」


糟了，我開始說英語了。

「好呀。但可能你會想飲慢啲啲啦。見你開始有啲臉紅。」
「Ah. Thank you. I will be.」

那杯酒又再放到我面前。
我輕輕呷了一口。
忽然，整杯就清光了。

「喂呀Ling，飲......慢......啲.......呀......」
怎麼校長說話，好像放慢了一百倍似的？
這樣的情況，不是平日開會才會出現嗎？
．．．．．．．．．．．．

「吓？就咁完左？」
「係呀大為BB，講完喇。」呀Ling露出一個兇險的笑容。

她拿出手機，放在枱上。
營幕上顯示，是我大口喝下一杯杯shot的醜態。
還有Vincent發開口夢的短片。

「嗱，Ling姐姐就好公道嘅。」
「一係就我唔小心send左依幾張相同片去英文科老師group，一係就幫我改下中一啲功課啦！」

「同埋聽日我地一齊搵下Michael啦，我都想知之後發生咩事。」
......為甚麼找回記憶都這麼難？