分手後 致曾經....: #3 平淡的一天？

雖然琴晚好夜先返到 但係第二日都要返工 所以其實都係訓得幾個鐘就醒左
醒左 望左下wts 你最後上線時間停留係凌晨 應該係未起身 

而我一日忙碌嘅生活又開始 補充返我只係一個文員仔朝九晚六
到左office就要開始做嘢 而我部手機都響左下
正常應該冇咩人搵我 我望左下
「早晨呀死蠢，琴晚係咪好夜先有得訓呀。」
「訓左幾個鐘咁，不過都慣。」
其實我依家都幾大個黑眼圈
「唔記得你今日要返工早知放你早啲休息啦haha」


「冇事啦，我都想同你一齊耐啲。」
「我冇咩嘢做呀今日，又冇人陪我打機，我等陣去搵你食飯啦好冇」
「啊。好呀你黎啦，我一點食飯，灣仔mtr個站等我啦，我忙先啦。」
「好，咁等陣見。」

我一路返工其實都係自己一個食飯多嘅 啲同事雖然同我有幾句傾 但係我都唔多埋堆

諗到又可以見到你 做嘢都快手左 好想時時刻刻都見到你 話咁快就到食飯時間
「我係mtr恆生個櫃員機隔離呀，你落黎未。」
「依家落緊比我三分鐘」


即刻九秒九衝落樓啦，無奈多人等𨋢都等幾部，成十分鐘先落到去
「又話三分鐘嘅 咁慢手腳架你。」
「太多人嘛，等左好耐，補償返你我請埋你啦今餐。」
「哎呀，唔洗啦。好少事。」
「要嘅，點好意思要個靚女企起到等我咁耐，行啦去食飯呢個鐘數多人，想食咩呀。」
「冇所謂，你帶路啦。」

最後去左冰廳食，到埋單佢想比返錢我我話唔洗啦，佢話咁下次我請你啦

後尾你陪我行到公司樓下，講笑咁話比啲心機做嘢呀，我等你養我傢嘻。走啦



係啦，我返上去做嘢先啦wts聯絡啦

其實你講笑講嘅呢句嘢，我已經記住，我嘅解讀係你比左signal等緊我...

下次。下次再見我會同你講出我心底話



「我仲掛住你。」