《我坐上了尾班輕鐵》: 16. 遇險

「七姑咁我地順唔順住跟落去呀？」呀興問。

七姑堅定地答：「跟！」

大廳只剩下我們的腳步聲和呼吸聲。我感到自己心跳越來越快。七姑帶我們走到樓梯前停下。

「石頭放到呢個位置就斷咗。」我低聲説。

「行呢邊！」七姑說。隨後她指向一個暗角，一陣陰風吹過。





我們走向暗角發現了一個裝消防喉的櫃，裏面有一塊磚頭。 七姑將磚頭拿起。「啪！」 原來七姑把磚頭弄開了，入面有一包粉末。

「究竟邊個會諗到用磚頭藏野？！奇怪... CCTV 會唔會影到呢？ 」 我心想。

回過神來七姑已經將粉末及磚頭分裝入袋，並將袋順手遞給我。

七姑說：「行！我地向客服中心方向行睇CCTV!」 説罷拍了我後背一下，我感到一般暖流在我體內流動。隨即，她亦拍了呀興及大炮後背一下。

整個車站依舊安靜，剩下我們一行人的腳步聲。





我留意到我們明明一直向客服中心行，但我們又回到了剛剛發現磚頭的位置。七姑應該知道不會這麼順利就到客服中心所以剛才才會有這出。

不知向前行了多久，直到七姑叫我們看向右手邊。

客服中心出現了。 七姑先推開門。門是鎖的。

「等我黎！」 大炮哥行前，三兩下手勢已經將門鎖開好。

七姑輕聲道謝。我們進去客服中心嘗試找CCTV。





呀興找到一個細屏幕，入面有幾個視窗顯示，每30秒便會換畫面顯示不同地點。

「呀鳴！快啲睇！」 呀興突然大叫，我看向屏幕，原來月台有一班黑衣人包圍輕鐵。畫面閃爍，突然飄來一道薄霧。畫面轉了其他地方。

「快啲搵remote 啦！」我說。

七姑平靜地道：「定啲黎...我地而家睇到既畫面我地無辦法即刻落去幫手，所以急唔黎，車入面既人安全。同埋有張伯唔需要太擔心。先一齊搵搖控！」

大炮哥拿著電筒翻找著。我在打量中心內部。

客服中心可容納5-6人大小，360° 大玻璃便於觀察，可惜現時車站一片漆黑空無一人。枱面雜亂一堆文件堆在右手邊，左手邊有一部坐枱電話以及一支咪。枱下分別有幾個櫃桶。門口靠右邊有2個護盾、頭盔及2支棍，我及呀興一人一套。有一個急救箱，交給七姑拿著。大炮哥發現到一袋對講機可以拿住備用。

「無keyboard 無remote 點睇CCTV ?! 呢條線索係咪斷咗？」 呀興微微抱怨。

大炮哥搖頭說：「我都冇辦法...」





七姑說：「樓下月台架車應該比佢地轉移咗另一個地方，有機會係另一個空間... 我地唔好執著搵CCTV 住，呢度應該會有一樣野可以觸發到機關又或者比到線索我地...比少少空間我施法，感應吓呢件物件，你地企埋一邊靜一靜。」

只見七姑口中念念有詞，眉頭一緊並揮動手指。 地板夾縫中有一粒綠豆「閃爍」，我撿了起來。

七姑作法後指向門口，我們拿著物資一同起行。