咁廢既超能力都有？我寧願唔要呀…！！: 5

「大獲…唔識喎…任sir把死人聲點聽呀…」我望住眼前名為『生物科試卷』…但我懷疑佢其實係中國國家級機密文件既紙，我跟本唔知佢搞乜東東。

一份唔識既試卷，再加坐響我前面既女班長，視線中女班長白滑既後頸加埋上完pe堂既味慢慢飄向後方…fuck！再肥我又要比訓導捉住照肺喇！

此刻我心情有如梁朝偉一樣，慢慢除低我既眼鏡…「對唔住，我係…仆街。」

……………

「疑喂乜女班長原來你都出貓？」





眼中所見原來女班長響大脾上面痴滿哂貓紙！眼中除左香艷既白滑大腿之外，我頓時感到一股憤世嫉俗既不公，點解！點解女仔返學可以著裙咁容易出貓！點解男仔返學要著長褲！係咪要我響碌j度痴貓紙，然後我出貓果陣阿sir問我做緊咩果陣答佢無呀…阿sir…臨時性需要…臨時性需要呀…哈哈。

但係，始終眼前既考卷係真係迫在眉睫，我唯有放低心中的血淚控訴，放低女班長果對白滑大脾仲有若隱若現既乳溝…no…！我對女班長既愛係高貴純潔唔可以比一絲歪念沾污…然後照抄女班長既答案。

所以我乃左野。

仲累埋女班長一齊仆街。

阿sir改卷發現我同女班長既答案完全一樣，死口咬定係我地兩個串通出貓，罰我地兩個企。仲罰企響小食部附近要我地聞住香味捱餓咁企，阿sir你好野。





「喂…」我望住女班長罰緊企紅哂眼想喊想喊咁款，將視線移返食堂大廳上細細聲講，「我錯囉…係我衰睇你份卷…唔好喊啦。」

「……」女班長無答。

死啦平時我都叫同女班長有得傾兩句架…佢會唔會就咁嬲左我架？

「我明…我明阿sir係屈你，你都無比我睇，但係你都有出貓丫…仲出得幾高明添…喂咪當有賺囉，至少你下次仲可以痴大脾呀…我…」我無得痴碌j架。當然我無蠢到咁講。

「你點知我痴貓紙響大脾？」女班長出乎意料地用快速既反應反問我一句。





大獲。