咁廢既超能力都有？我寧願唔要呀…！！: 8

「喂喂小氣輝講下你望過d咩丫？」女班長響十五分鐘既小息時間拉我出班房挨住走廊既半身牆傾計。

「下…我咪…」

「講你就講啦，嘰嘰吉吉咁，啞左呀你？」

「我…」

女班長怒目而視。





「我裝過阿婆跳脫衣舞昅過茶記水吧佬睇咸書考試偷睇你出貓但係我無聽肥成講真係去昅女更衣室！」

「哇你個人真係好賤丫。」

「咁我係咁架啦，你第一日識我咩。」

「咁又唔係。」

女班長對於我既特異功能萌生左唔少興趣，通常三日唔埋兩日就拉我去其他人聽唔到既地方傾計，關於呢一點，我開始真係覺得呢個超能力係愛與希望既開端，比左我一個咁好既機會同女班長傾多d計。





「呼呼…嘻。」一諗到呢度我不期望發出無意義既笑聲。

「小氣輝你做乜傻笑？你頭暈丫？定係甩鳩毛呀？」粗嘴響茶記卡位既對面用歧視目光望住我。

「唔好撚理佢啦，佢比女班長馴服左喇。」

「nono，你地唔明架喇，你兩個毒撚都無女吼。」

「挑，你唔好撚話我話，等女班長聽厭你望乜d野之後咪又係唔show鳩你。」





「我就同女班長一齊比你睇，我遲早會同全班宣佈我同女班長拍拖，你睇住黎。」

「我梗係睇住黎啦，如果唔係點睇到你比女班長拒絕果陣個死樣。」粗嘴臉上除左歧視目光仲加左三分冷笑。

「你兩個真係…」我已經諗唔到用咩更差既粗口去形容。「偷襲！」我突然快速伸出右手搣肥成粒lin頭，得手後馬上拔腿便跑。

「屌你呀？」肥成亦馬上追上黎。

「我幫你捉住佢。」粗嘴開口表示企響肥成果邊。

「喂，咁狗既，兩個圍一個，唔公平喎！！！！」我一邊跑一邊大叫。雖然深知無可能跑嬴身為田徑隊既粗嘴，但係我仍然發力狂奔！

不過，跑到校門口附近，終於比粗嘴追到，肥成後至，三個人就地玩埋一舊咁濟，玩到我甩左眼鏡都唔知。

「任sir唔好呀！！！」





我地三個同時聽到正上方傳黎一個女人既大嗌，比把女聲嚇一嚇既我地同時望向上面。

我望住有舊物體由學校天台跌落黎，我凝視住果舊物體…一秒…兩秒…三秒…響一瞬間我雙眼轉為廣闊既校門前空地，空地快速咁迫近眼前…

叮…噹…叮…噹…學校lunch time完結既鐘聲響起。