我以為自己要孤獨一世，直到你出現: 第六章-威脅

仲有15分鐘炸，我已經換好衫準備等收工，番到去大覺訓

「呀賢呀！有人搵你啊」我聽到ben係出面大叫，但係邊個搵我呢？！唔通係呀希？

我一打開門，低頭見到一個女仔，大概155cm左右，頭髮啱啱過膊頭，啡色頭髮，前陰三七分界，一對水汪汪既眼睛

「高賢！」個女仔嬲爆爆咁樣講

「我係，你邊位？」會唔會係中學同學呢，我都冇見佢地幾年啦，再加上女人十八變，唔認得都唔出奇



「係地盤做得既可以靚得去邊呀，多數咪係閪口閪面既老女人，咁樣仲知唔知我係邊個呀？」個女仔無啦啦講咗呢句，之後仲嬲過頭先呀！

唔好住，咁似我尋日係地盤講過既，大撚鑊......唔通係佢，我呆咗望住佢...

「知唔知你係到秘撈，我已經可以抄咗你啦！」個女仔越講越嬲，個語氣好惡呀，今次死緊啦....

「唔好呀，我係有原因架！你等我十分鐘，轉頭我會解釋」講完之後，我就番咗入房

屌！我望住部打卡機，點解十分鐘咁耐架，跳23:00未呀！屌！！23:00，我即刻打卡沖出去，我勁驚佢已經同傑哥講呢單野。趕到出門口，見到佢挨着牆邊，單手玩緊手機，玩手機果隻手夾住另一隻手



「唔好意思呀，我啱啱收工先可以出到黎」我跑到佢面前，咁近望佢先發現佢矮我成個頭

「講啦！」佢好唔耐煩咁樣講，好似趕住走咁

「其實係咁架..........」我一五一十咁講曬比佢聽，佢聽果陣都有點下頭，成個氣氛好似變得冇咁僵硬同尷尬，我諗有彎轉既

「咁唔代表你可以秘撈！」佢依然都唔肯放過我語氣好強硬咁回應我，我諗今次死緊啦！

「你要點先肯放過我，我真係需要呢份工嫁....要我做咩都得架！」冇辦法啦，唯有出賣下自己啦，咩方法都要試下，我諗佢都唔會叫我去死掛.....



「好呀」有得救啦！我聽到立即精神咗

「咁快諗到既，咁係做咩呀？」通常都係叫我番工比心機，做野爽手啲既啫，都應該唔係大問題

「做我PTBF！」WTF?!我聽到之後呆咗

「下！」真係要出賣身體同靈魂呀！我又唔靚又唔高，我得唔得架.......

「中秋節上黎我屋企食飯，扮我男朋友就得架啦」

「好啦」聽到佢既要求我再次呆咗，嚇到個腦都唔識轉，但冇辦法啦，唯有應承佢

同佢講拜拜之後，之後佢就走咗......

一返到屋企沖完涼我就直接瞓上床。我要啲時間既消化下啱啱發生嘅事，跟住就不斷諗起中秋節要上佢屋企食飯.....究竟點解要我咁做呢？個人愈諗愈精神，完全瞓唔著



第二日 早上。

「呀賢！行啦」我換好工衣，坐係到仲諗緊下個星期去佢屋企食飯既事，突然聽到呀俊叫我

「嗯，黎啦」我企起身，跟呀俊出去架步

我跟住呀俊入去到一個好漆黑嘅電掣房，點解好似有啲臭味既，我係工具袋到搵咗支電筒出黎，打開電筒周圍照。嘩？！照到有個人痞係到

「師傅你係到做乜野啊？」我居然見到有肥仔，佢仲係一個除咗條褲痞係地下到屙緊屎既死肥仔！！！

「嘩！有人係到屙屎呀！」呀俊眨吓眼已經係褲袋拎出部電話
 
「喂，屌你呀師傅！唔好影啦」個肥仔個樣極度驚慌



原來呀俊已經拎住部電話影住個肥仔，個肥仔係咁叫救命但佢自己仲未痾完郁唔到

「走啦，好撚臭呀屌！」我一手暗住個鼻一手拉呀俊走去其他地方，臭到頂唔順！

食飯果陣，呀俊攞番條片出黎恥笑，雖然好核突，但係見住個肥仔一路想遮住，舊屎一路跌落地下，真係笑咗出黎！

笑到我暫時忘記果樣咁煩既事，都叫開心番啲。