「都話過條女既身材唔錯架啦」呀俊越講越興奮

「洗你講咩,我知啦」仆街,太順口講埋出黎,我諗起果晚見到Chris既玉背

「你見過咩,你又知?」呀俊不屑咁望一望我

「係呀,你吹咩!行啦」我換好衫同呀俊就走出架步

今日放工又去要返7-11。天呀,點解我咁撚命苦呀,錢又冇,女又冇,連生活都冇埋呀!



放工返到屋企,好似咁奇怪既個廳居然冇開燈,只係Chris間房開住門又開住燈。當我開返燈既時候,見到飯枱有一個食咗少少既飯盒

我冇理到咁多,真係太攰啦,一放低野就去沖個靚涼先,沖完出黎發現都仲係開住燈既?

我行到房前望一望下入面,哇!咩事呀!我見到Chris攬住個枕頭,成個人卷埋一齊,個頭仲要冒住冷汗

再望一望,點解我張床單紅左一撻咗?!我張床單既小熊維尼個頭變咗紅淋淋呀,W‌TF?! 咩事呀,但呢啲而家都唔重要啦,Chris睇落好唔掂

「Chris你發生咩事呀,Chris!」我細細力拍Chris,咁大個仔,第一次見到咁既情況呀



「我...M痛...」Chris有氣無力咁回我,吓,望住Chris咁辛苦,我要點做呀.........

呀!有啦,電視劇都有教啦,我即刻拎銀包鎖匙就衝落附近既7-11

雖然貨架放咗好多藥,但我好快就拎咗盒M痛藥,話晒我都係講7-11打滾既人

當我想去埋單既時候,突然諗起係咪買埋M巾比佢會好啲呢

行到去M巾既貨架前我成個人呆撚咗,咩料呀!



日用,夜用,夜用特長,護墊,唔同牌子,仲有呢款液體M巾又係咩料呀,我點會知Chris用開邊一款呀。不過我冇理由而家打電話問佢啦

呢個時候有個肥婆都行到貨架前面望緊啲貨,我唯有硬住頭皮問下佢呀

「你好呀,小...」我仲問完,個肥婆已經啤尻住我,就好似望緊異形咁望住我

「咩事呀?!我咩都唔知咪問我呀」個死肥婆拎咗包M巾就快快行開咗

個肥婆咩事呀,佢好似知我會問咩而唔想答我。我只可以靠自已啦

我隨手拎晒同一個牌子既唔同款就去咗埋單,屋企仲有個人等緊我去救命呀!!!

呀婆教落食藥前要食野,啱啱見Chris盒飯食咁少,我就隨便買埋碗粥上去比佢

返到屋企之後,原來Chris已經訓咗,我輕輕叫醒佢,見佢連撐起自已既力體都冇,我去扶起佢,攞個抌頭__佢背脊



「呀賢?」Chris好細聲咁講

「你見點呀?黎啦,食啲野先啦」我出廳攞碗粥番入房

「呀~」我吹冷啲粥,慢慢將粥送到Chris面前

「呀~」Chris擘大口

我一吹佢一食,食完粥之後食埋藥既佢好快就變返啱啱既姿勢,將自已卷埋一舊,過程中我地冇咩對話,我諗佢已經痛到冇力氣講野

我默默將買咗既M巾放係佢房,就幫佢閂燈再輕輕閂埋門,等佢可以好好休息

我都差唔多要訓啦,好似好冇咁樣照顧一個人啦