我以為自己要孤獨一世，直到你出現: 第四十三章-男女朋友

「喂，做咩今日成日陰陰嘴笑呀？」呀俊對住我奸笑

「唔話你知～」琴晚同Cindy表白成功，再加上大戰咗幾輪，我諗番起都好開心，不自覺暗笑咗一吓，點知比呀俊條仆街見到

「係咪同果個女仔有關呀？」呀俊再坐近咗我身邊，果個女仔相信係講起Chris，我都唔知點同佢講好，唔通話係酒後攞走咗佢個處完全係意外，我都唔想咁咩.....

「屌你啦～行啦，收工啦」我攞埋啲架餐，急急腳咁行番架步，終於收工，可以番去搵Cindy拍下拖啦～

「聽日見啦～呀賢」呀俊全日心情都好似好好，同我講完拜拜就急急腳走咗，睇黎佢約咗個女網友



「那天我答應過你～抱緊你就有好天氣」行緊去巴士站果陣電話響，邊個咁準時一收工就打黎呀

「喂～Cindy」一見到原來係Cindy呀！！！我即刻聽咗

「喂～你望下後面」我擰轉身望，Cindy已經企係不遠處！今日佢只係著住牛仔褲，白色T-shirt，都已經好靚，我立即跑過去攬住Cindy

「你又會係到既」我慢慢放開Cindy，拖住佢隻手，今次係我第一次用男朋友身份拖住佢呀

「特登黎接你放工架」Cindy慢慢把手指插入我啲手指罅，我地變左十指緊扣



「係咪架～抵錫」我講完之後就錫咗Cindy一啖，原來有女朋友接收工係咁開心架！

「我地去行街囉～」係香港拍拖活動不外呼行街睇戲食飯都幾悶下

「好呀！」不過同Cindy去，就算去幾多次都唔會悶

Cindy車咗我去旺角，唔通又要6IXTY8IGHT，不過唔驚啦，今次我係用男朋友身份拖住佢入去，一定冇之前咁尷尬

「到啦～」我地落到車之後，我好自然地拖住Cindy行向6IXTY8IGHT方向，去到門口Cindy就停低咗



「呢邊呀！傻仔～」正當我想拖住佢入去果陣，Cindy突然扯我隔離間舖頭

「唔係要買bra咩？」我細細聲係Cindy耳邊講

「你溫柔啲咁咪唔洗買囉！」Cindy係到責怪我，咁又係既，但係面對Cindy既雙乳好難忍姐......

「唔好郁啦！」Cindy隨手攞去一件黑色好厚既嬲係我背後量衣長，唔通諗住買比我，但係香港未至於凍到要著咁厚既嬲喎.....

「呢隻色好唔好睇呀？」Cindy又攞起一件同款白色既嬲擺係自己既身上問我

「好睇呀！」Cindy著咩咁好睇架啦，不過女人真係好難捉摸，費事估佢買黎做咩，佢開心咪得囉～

「唔該，要兩件全新既」Cindy舉高兩件嬲向職員示意

Cindy比完錢之後，我就負責拎個嗰兩件嬲。嘩！呢兩件嬲重到仆街！我一手拖住Cindy另外一隻手就攬住呢兩件大嬲，食完飯就番咗屋企啦



一返到屋企，我就隨手將嗰兩件嬲扔係梳化

「呀賢，你入一入黎呀～」Cindy係房大叫

「你匿埋眼先啦～」我一行到入到去見到Cindy用身體遮個電腦mon

「好呀！」我照Cindy咁指示匿埋咗眼，Cindy慢慢係走近我身邊

「你開眼睇吓」我一打開眼睇，我真係唔敢相信螢光幕顯示既野

Name:KO Yin
Form: HONG KONG
To:TOKYO



「Surprise～」Cindy攤開雙手咁講

「Cindy～點解既」我攬實Cindy，呢一切係咪真架，我咁大個仔都未試過去旅行架

「有咩點解姐，咁你一次旅行都未去過，點做我男朋友呀～」咁又係喎，但係你估我想唔去旅行架咩，之前邊有錢姐.....

「但係你點知我一次旅行都未去過架」我都冇講過比佢聽，佢又點知呢？

「今日幫你執gip入邊啲野，見到你本Passport白雪雪咁，有幾難估姐」Cindy 係到笑我，咁又係.....

「多謝你呀Cindy～」我錫咗Cindy一啖

我即刻攞起手機，wts人事部姨姨

「唔好意思，我下個星期屋企有事返唔到工呀，要請假一個星期」



我攬住Cindy，不停係到諗東京有咩挽呢？！日本妹係咪個個都好正呢？唔得！我已經有Cindy架啦～

「噹～」冇幾耐我手機響一下，唔通係人事部姨姨？

「呢排地盤好多野做，唔夠人手喎😓😓」真係人事部姨姨，見到呢個message我灰咗，點算呀.....

「呀賢，你係咪去唔到呀？」Cindy望到我個手機，有啲唔開心咁講

「點會呀～公司係咁架，一定去到！」話晒都係第一次去旅行，冇理由要Cindy失望，但係有咩辦法可以令人事部姨姨批假比我呢.....