訓醒之後,睇下旁邊既鐘原來只係7點,而Cindy仲熟睡中,可能因為太期待之後既行程啦,我睡唔到太耐!

因為Cindy負責Plan行程, 所以我都唔知一陣會去邊,不過有得同Cindy一齊旅行去邊有咩所謂呢。

過左一陣Cindy都醒左,但佢訓醒之後都好似唔太精神,可能尋晚我令到佢太攰啦

「Cindy要唔要訓多陣先呀」見到佢咁攰,訓多陣好似好啲

「唔洗啦,我地要早啲起身,因為今日我地去迪士尼呀」正呀!我係YouTube見人去得多啦,今日終於到我去啦,因為我一早起身,所以早就梳洗完,等埋Cindy就可以出得啦



「呀賢,我著呢一套衫好唔好呀」我邊玩手機邊等Cindy,突然聽到佢召喚我,我抬頭一睇,Cindy已經換好衫又化好妝
 
Cindy今日著得好靚呀!著左灰色千鳥格厚外套,仲著左卡其色既冷衫,下身著左白色小裙仔,頭上仲夾左小髮夾

「哇!好香呀!Cindy你今日好靚女呀」我忍唔住行過去將佢攬到實一實,仲聞到好甜既香水味

「咩話?今日?」Cindy聽到我咁講好似有啲不滿

「係每一日都咁靚女,邊個都唔夠我女朋友靚呀」我即刻腦根急轉彎,化解今次危機



「好啦,我著埋鞋就可以出門啦」Cindy錫咗我一啖就行去著鞋

 出咗酒店,街上好多野食,間間都好似好好食咁呀~唔知我地食邊間呢?

「咁我地食咩?」我仲以為Cindy會plan埋食咩添,佢咁樣問一問立即令我患上選擇困難症呀!

「不過食呢間.....松....屋....」我指住一間招牌係漢字既餐廳,再慢慢講出黎

入到去,有一部自動售賣機,不過唔係賣野飲,而家係賣野食呀!啲制上果面完全都係野食,有牛肉飯~雞肉飯等等



「我要牛肉飯!」緊係要牛肉飯,自從比人放棄之後,就好耐冇去過吉野家食牛肉飯啦

「咁我都要牛肉飯啦~」Cindy講完就禁制入錢

兩張飛仔就咁跌咗出黎,店員見到我地買咗飛之後就用手示意我地過去坐啦~

冇無耐,1 set 牛肉飯就係我面前啦,嘩!除咗牛肉飯,仲有一兜菜同一個黑紅碗,我打開個黑紅碗睇一睇,原來係味噌湯

我飲咗一啖,仆你個街!同香港果啲一樣都係咁撚難飲呀!可能係我唔識欣賞啦......

我用匙羹打爛隻蛋再同飯撈埋一齊,再潷起一啖飯,慢慢放入口,屌!好撚好味呀!真係同香港果啲差天共地呀!

「Jap~Jap」我立即食到更大聲,表示啲野真係好好味呀!

食完之後,我地手拖手咁行去搭JR,左轉右轉終於見到啦,係迪士尼列車呀!



「哇!Cindy 呢架係咪迪士尼列車呀,好多卡通呀」

「係呀,呀賢你未去過香港果一個迪士尼咩」Cindy可能見我對所有野都咁新奇忍唔住問我

「係呀,邊有人同我一齊去呀」唉,唔統要我同呀希兩個毒撚去咩

「你中意呢度就好啦,我仲擔心你唔鐘意呀」Cindy好開心咁望住我

「同你一齊,你帶我去邊我都中意」

過左一陣,我地就落左架迪士尼列車

落到車我向前一望,哇!好多日本妹呀,有唔少仲係JK黎架,呢一度簡直係天堂呀



當一入到去樂園入面,Cindy就拉咗我入一間鋪頭,睇黎佢都好熟悉呢度,由一黎到門口都好似好熟路咁,一定係因為成日飛都會黎呢度玩啦。

「呀賢,不如我地買頭箍呀,一人一個~」Cindy見到啲卡通頭箍成個人都好興奮,拉住我行過去,我見到一個又一個卡通,我已經分唔清係咩公仔呀

「呀賢你就帶呢一個啦,中唔中意呀!」Cindy將佢揀好既公仔頭箍帶上我頭上,之後左睇睇右睇睇

「中意當然中意啦,你幫我揀既緊係中意啦!」見到Cindy咁開心,佢要我帶咩都冇所謂

「我都覺Duffy 同 shelliemay係最好睇」睇黎Cindy好滿意佢揀既頭箍

一埋完單,Cindy就即刻帶返個頭箍,拖住我好開心咁繼續行,到咗一個城堡前面Cindy停咗落黎

「呀賢不如我地係城堡前影張相先呀」係喎!都未同Cindy影相,好似好耐冇同佢影相啦

「好呀,上次影果陣你仲未係我女朋友,而家你已經係我女朋友」雖然想影相,但自拍好似冇咁好,點算呢,我又唔識日文



我周圍望下,搵有冇人可以幫到我地影相先,前面有個一個女仔行過,呀!係飛機上果個空姐呀,好似係叫Bella。又會咁啱遇到佢既,過去搵佢幫手咪唔使識日文囉~

「嗯?呀賢做咩呆咗係度呀」Cindy突然擰轉同我講野

「呀?冇野呀,我諗緊點搵人影相姐」算啦算啦,都係當睇唔到好啲,廢事一陣Cindy又會嬲左我,影響佢今日既心情

「唔洗擔心呀,我識少少日文」Cindy行左過去一埋著住JK既女仔面前,講左一陣

「呀賢,可以啦,我地影得相啦」Cindy行過黎橋實我隻手

就係咁我地影左成為情侶之後既第一張合照,同時開始我哋既迪士尼之旅。